mánadagur 11. august 2014síða 6

Mánadagur 11. august 2014 · Nr. 89 6 Sosialurin Hugskot og viðmerkingar – send sms til 225000 drápsmálið í hvalba Alt er so svárt – Øll eru sera kedd um tað, ið er farið fram í okkara lítlu bygd, sigur skúlastjórin Elsa Birgitta P. Petersen, sum nú skal finna útav, hvussu skúlin skal handfara støðuna Jón Brian Hvidtfeldt – Bygdin er í sjokk, fólk eru sera kedd, og tilburðurin legg­u­r ein dempara á ger­and­ isdagin, sigur Elsa Birgitta P. Petersen. Hon hevur onga familju í bygdini, men hevur búð í Hvalba í 11 ár og starvast sum skúlastjóri. Í starvinum kemur hon tí í samband við hvørt tað einasta barn í bygdini og familjur teirra. Mánadagin um eina viku letur skúlin uppaftur eftir summarfrítíðina. – Tað eru ikki nógv ár síðani ungi maðurin, ið nú er skuldsettur fyri manndráp, gekk í okkara skúla, staðfestir Elsa Birgitta P. Petersen hug­ tung á málinum. Syrgiligi tilburðurin leygardagin er enn so feskur, at skúlastjórin hevur ikki eina greiða mynd av, hvussu fyrsti skúladagurin verður. – Skúlin hevur tilbúgv­ing­ ar­ætlanir fyri tær kreppu­ støður, sum kunnu viðkoma børnum, og vit hava góð starvsfólk, ið duga at taka sær av slíkum støðum. Saman við teimum fari eg nú at finna útav, hvussu vit skulu handfara hesa støðuna, sigur Elsa Birgitta P. Petersen. Skúlastjórin greiðir frá, at í einari lítlari bygd sum Hvalba kenna øll hvønnannan, og syrgiligi tilburðurin setir síni spor. Elsa Birgitta P. Petersen hevur tó lítlan hug at seta orð á, hvussu hon sjálv reageraði, tá hon frætti um tilburðin. – Nei, tað haldi eg fyri meg sjálva, sigur Elsa Bir­ gitta P. Petersen, sum kennir væl unga mannin, ið nú er varðhaldsfongslaður, skuld­ settur fyri morð. 36 ára gamli Hjalmar Holm, ið lat lív í tilburðinum, hevur somuleiðis røtur í Hvalba. Jón Brian Hvidtfeldt Syrgiligi tilburðurin í Hvalba leygardagin, har ein maður hevur latið lív og ein annar er skuldsettur fyri manndráp, rakar lokalsamfelagið sera hart. Klokkan 11:15 leygar­ dagin fekk løgreglan frá­ boðan um eitt deyðsfall í Hvalba. Løgreglan staðfesti stutt eftir, at 36 ára gamli Hjalmar Holm var deyður. Í grundlógaravhoyring eitt lítið samdøgur seinni varð ein 23 ára gamal maður skuld­ settur fyri dráp. Hann er fyribils varðhaldsfongslaður í fýra vikur, meðan kann­ ingar­arbeiðið heldur fram. – Fólk eru skelkað. Ein tí­líkur tilburður rakar alla bygdina og serliga tey av­ varðandi sera hart, stað­festir sóknarpresturin í Hvalba, Jens Mortan Mortensen. Stutt tíð er fráliðin og fólk hava trupult við at skilja, hvat er farið fram. – Alt er so sera svárt. Sum prestur í Fólkakirkjuni er tað mín uppgáva at hjálpa har eg kann, eisini í eini slíkari svárari støðu. Øll eru framvegis í sjokk, sigur Jens Mortan Mortensen. Tíðindini um tilburðin í Hvalba frættist sera skjótt. Og reaktiónirnar vóru nógv­ ar, eitt nú í sosialu miðl­ unum. – Sumt, ið verður sagt í almenna rúminum, er betur ósagt. Vit mugu øll ansa eftir, hvat vit siga og skriva, og vísa samkenslu við teimum, ið eru rakt, sigur Jens Mortan Mortensen og heldur fram: – Sjálvt um tíðindi ferðast skjótari í dag enn fyrr, so haldi eg, at fjølmiðlarnir gera í so skjótt av. Okkara kenslur ferðast ikki skjótari av tí orsøk. Hetta er ein sera svár støða fyri allar partar og tað eiga vit onnur at rúma. Tí er tað so týdningarmikið at vísa samkenslu og umhugsni - bæði í talu og skrift, sigur Jens Mortan Mortensen. Sóknarpresturin stað­ festir í sama viðfangi, at tað er tungt at koma víðari eftir tílíkan tilburð. – Nei, tað ger ein ikki eftir einari løtu. Slíkar svár­ ar kenslustøður í einum sorgarleiki taka tíð, og tað er ein tilgongd, sum fer stigvís fram. Vit mugu taka eitt stig í senn, sigur Jens Mortan Mortensen. – Í tílíkari støðu er øll bygdin í sorg, fólk eru í sjokk og vit mugu vísa samkenslu og hjálpa hvørjum øðrum, sigur Jens Mortan Mortensen, sóknarprestur í Hvalba Bygdin í sjokk Elsa Birgitta P. Petersen Jens Mortan Mortensen