hósdagur 14. august 2014síða 16

nr. 91 · 15. august 2014 6 VIKUSKIFTI hevði væntað, at Tórshavn bara var eitt lítið bygdarsamfelag, men eg má siga, at eg ongantíð havi vitjað ein so lítl­an bý, sum hevur verið so hip ella mod­ernaður. Ella sagt á ein annan hátt eru Føroyar nógv meira altjóðakendar, enn eg trúði, og tykjast tær ikki at vera darv­aðar av at vera so avbyrgdar, sigur Elise. – Fyri mítt viðkomandi hava fólk­ ini veruliga yvirraskað meg, at tey øll hava verið so vinarlig. Tað er heilt ótrú­ligt. Tað er ómetaliga lætt at koma í samband við fólk, og øll ynskja at hjálpa á sín egna hátt. Uttan mun til hvag­ar vit fara, enda vit í djúpum sam­ røð­um við ymisk fólk, tí tey eru so líka til, staðfestir Ed, ið sær nógvar líkheitir mill­um Føroyar og sítt egna heimland, Kan­ada. – Eitt annað, sum mær dámar við Før­oyum, er allar tær mongu bundnu troyggj­urnar. Eitt er, at tær eru vakrar, men at næstan øll ganga í teimum haldi eg vera rættiliga kul. Man fær líka sum eina kenslu av, at troyggjurnar á onkran hátt knýta tykkum saman, sigur Elise. Ofta verður sagt, at gesturin hevur eitt gløgt eyga og tí sær ymiskt, sum ann­ars hevði farið óansað framvið okk­um. – Føroyskir bilførarar eru næstan so fólkaligir, at teir eru vandamiklir. Hað­ ani eg eri, er tað næstan kríggj á veg­ num, tí øll troka seg framat, með­an her í Føroyum lata bilførarar alla tíð aðrar bil­ar sleppa ímillum. Ta einu ferð­ina vóru vit við eitt vegamót í Havnini, og bil­førarnir blivu við at vinka hin bilin at fara fyrst, og av tí at øll eru so fólkalig, stóðu vit føst í vegamótinum í eina øld, sig­ur Ed flennand, ið tó ikki bara hevur rós­andi orð at bera Føroyum. – Eg væntaði, áðrenn eg kom higar, at Føroyar vóru dýrar, men eg havi eft­ ir­síðan funnið útav, at tær eru so nógv dýr­ari enn væntað. Filma Sea Shepherd Ed og Elise eru ikki einsamøll í Føroyum og gera dokumentarfilm um Føroyar. Øll­um kunnugt hava Sea Shepherd ver­ið her í nakrar mánaðir, og Ed og Elise verða ofta mistonkt fyri at vera frá felagsskapinum hjá Paul Watson. – Bara tí vit eru útlendsk og ganga runt við einum myndatóli, halda før­ oy­ingar, at vit eru frá Sea Shepherd. Tað eru vit so ikki, og vit leggja dent á, tá vit tosa við føroyingar, at vit ikki hava ætlanir um at fáa føroyingar at síggja út sum barbarar á skerminum, sig­ur Else. Sea Shepherd verður tó væntandi ein partur av dokumentarinum hjá teim­um báðum. – Vit hava sjálvsagt tosað við Sea Shep­herd og spurt um teirra meining. Tað er eisini ein áhugaverdur vinkul, at tann lokala og gamla mentanin fær avbjóðing frá fremmandum utt­an­fyri­ stand­andi fólkum, og hvat úrslitið av hes­um verður, sigur Ed, sum leggur dent á, at Sea Shepherd ikki fer at fáa nógv fokus í sendingini, tí tað hevði ver­ið spell, at ein aldargamal siður hevði skulað verið yvirskuggaður av einum nýggjum og fremmandum fe­ lags­skapi. Vísa alla søguna Tað kann vera torført at kóka allar upp­ tøkurnar niður í 25 minuttir og sam­ stund­is vísa Føroyar og grindadráp frá flest møguligum vinklum. – Ynskið er at fortelja søguna um tær siðbundnu Føroyar við aldargomlu veiði­mentanini, sum samstundis eru part­ur av tí globaliseraða heiminum. Grind­in kann tí skiljast sum eitt høvi ella ein katalysator at hyggja eftir øll­ um samfelagnum, sigur Elise, ið ætlar sær at brúka oktobermánað upp á at klippa filmin. – Tað er eisini týdningarmikið at fáa fram, at Elise og eg eru ikki søgan. Før­oyingarnir eru søgan, og vit eru tí áhug­að í øllum føroyskum søgum. Fleiri søg­ur vit fáa, betri eru vit í standi til at gera ta veruligu søguna um Føroyar, sig­ur Ed, sum biður fólk seta seg í sam­ band við seg ella Elise á Facebook. Tá Ed er liðugur í Føroyum, liggur tað í kort­unum, at hann fer til Grønlands og síð­ani til Sibiria í Russlandi at halda fram við søguni um veiðimentanina hjá inuittum. VICE dokumentarurin hjá Ed Ou og Elise Coker verður væntandi liðugur síðst í oktober og verður at síggja á you­tube um sama mundið. Hoyggj verður blakað upp á hoyloftið á hoyggjhúsi. mynd: Ed Ou Ein hali av bilum savnast aftan fyri eitt súkklulið.  mynd: Ed Ou Á slupp uttan fyri Nólsoynna mynd: Ed Ou