mánadagur 1. september 2014síða 7

7 Mánadagur 1. september 2014 · Nr. 98 Sosialurin Hugskot og viðmerkingar – send sms til 225000 kanningarstjóri undir avhoyring hevði greitt frá, at løgmaður hevði sagt við seg, at hann hevði tosað við Rúna Bro Róin henda dagin. Men líka lítið hjálpti. Løg­maður mintist ikki. Tað tykist tó greitt, at CIP bæði hevur fingið boð­ ini og byrjar at handla út frá teimum, so at siga bein­ an­vegin. Sambært upp­lýs­ ing­um, ið komu fram und­ ir avhoyringini av Kára P. Høj­gaard, varð longu fyrra­partin týsdagin 25. juni teldu­postur sendur av skriv­stov­uni hjá CIP til Kurt Bardeleben (ráðgevi hjá Innlendismálaráðnum, red.), har skrivað var um endur­gjald fyri at tunnils­ ætl­anin varð útsett. Í hes­um telduposti stendur bara ein strika framman fyri orðið ”milliónir.” Teldu­post­urin varð beinan­vegin víðari­ send­ur til Rúna Joen­sen, tá­ ver­andi aðal­stjóra. Tað er sjálvandi ógjørligt at siga frammanundan, hvønn týdning kanningarstjórin Hans Gammeltoft Hansen kemur at leggja í hesa tele­ fon­samrøðu, ið antin var ella ikki var millum Kaj Leo Holm Johannesen og Rúna Bro Róin. Men fór ein tílík samrøða fram, so kann hon siga nakað um leiklutin hjá løgmanni og hvønn lut hann átti í tí avtalu, sum seinni bleiv til ”break-fee milliónin til CIP.” Samráðingarnar Heimildin at gera break- fee avtalu er ein av spurn­ ingunum, ið Hans Gammeltoft Hansen er biðin um at lýsa. Fyrst og fremst mótvegis Kára P. Højgaard, ið sum landsstýrismaður skrivaði undir ískoytisavtaluna við CIP. Men spurningurin peikar eisini móti løgmanni, sum hevur eftirlitisskyldu við sínum landsstýrisfólkum. Tí varð løgmaður undir avhoyringini tráspurdur um sín leiklut, dagarnar fram til 27. juni, tá ískoytisavtalan varð undirskrivað. Hóast stóra avgerð løg­ mans í tunnilsmálinum varð tikin mánadag, so hendi sambært frágreiðing løg­ mans einki meira fyrr enn mikudag. Sambært løg­ manni hevði hann einki sam­band við CIP fyrr enn miku­morgunin 26. juni, tá Rúni Bro Róin kom á gátt í Tinga­nesi. – Tað var ein reint ófor­ mellur fundur, har eg bjóð­aði ein kaffimunn og greiddi honum frá politisku støðuni og at tunnilsmálið nú skuldi aftur í løgtingið. Fundurin vardi ein tíma til hálvan annan, segði Kaj Leo Holm Johannesen undir av­ hoyringini. Sambært løgmanni ilsk­ að­ist Rúni Bro Róin av boð­ unum. Men CIP-stjórin setti ikki krøv av nøkrum slag, sambært løgmanni, ið grund­ gav soleiðis fyri, hví fundurin yvirhøvur varð hildin: – Eg varð av lands­stýris­ manninum biðin um at kunna CIP um avgerðina at senda tunnilsætlanina niðan aftur í løgtingið, og tað gjørdi eg henda fyrrapartin. Eg yvirtók ikki nakað sum helst, men átók mær at greiða Rúna Bro Róin frá politisku støðuni. Svarið var hitt sama, hóast løgmaður varð tráðspurdur um týdningin av hesum fundi, um hví løgmaður fundaðist einsamællur við CIP-stjóran og hví einki fundarreferat er frá fundinum. Talan var, sambært løg­ manni, bara um ein ófor­ mellan fund, at líkna við eina kunning. Og tá kunningin var givin, fór CIP-stjórin á dyr. Spyrjarin hjá Gammeltoft segði seg hava ilt við at skilja logikkin í, at ein sam­ gonguleiðari letur ein stjóra í fyritøku, sum stendur á gáttini til at skriva undir sátt­mála um størstu sam­ ferðsluútbygging í Føroya søgu, fáa eina óformella kunning á kaffifundi fyri síðani at lata sama stjóra spáka víðari út á gøtuna uttan so frætt sum avtalu um næsta stig. Løgmaður kveistraði undranina til viks: – Allar mínar royndir við samráðingum hava víst mær, at áðrenn undirskrift er sett á sáttmála, so fara samráðingar fram. Tað gera tær alla tíðina. Eg hugsaði ikki so nógv um, at Rúni Bro Róin var farin út av mínari skrivstovu. Inn­ lendismálaráðið skuldi jú halda fram við sam­ráð­ing­ unum eftir mína kunning. Ein av uppgávunum hjá Hans Gammeltoft Hansen verður óivað at tulka virðið og týdningin av hesum fundi. Men tað verður so uttan fundarreferat at stiðja seg til, tí eitt slíkt finst eftir øllum at døma ikki. Eisini dagin eftir, hósdagin 27. juni 2013, er løgmaður á fundi við CIP. Aftur her hevur løgmaður, sambært síni egnu frágreiðing, bara ein kunnandi leiklut. Um­ framt løgmann eru Kári P. Højgaard, Rúni Joensen, ráðgevin Kurt Bardeleben, CIP-stjórin Rúni Bro Róin og ein advokatur hjá CIP við á fundinum. Sambært frágreiðingini hjá løgmanni varð tosað um endurgjald til CIP. Og løgmaður varð eisini beinleiðis biðin um at gera eina endurgjaldsavtalu. – Eg varð beinleiðis spurd­ Framhald á næstu síðu Okkurt um fýra tímar í effektivari avhoyringartíð, tá steðgirnir eru drignir frá. Kaj Leo Holm Johannesen skuldi svara fyri seg, tá hann varð avhoyrdur av Hans Gammeltoft Hansen, kanningarstjóra