mánadagur 1. september 2014síða 26

Mánadagur 1. september 2014 · Nr. 89 26 Sosialurin Hugskot og viðmerkingar – send sms til 225000 ítróttur hallur heldur fram í víkingi Tað er altíð røringur í fótbóltsheiminum. Soleiðis er eisini í føroyskum fótbólti. Landskappingin er farin í gongd við seinasta triðingin. Spælarar, venjarar og feløgini eru farin í holt við at hugsa um komandi kappingarár. Her er tað nýggjasta, sum er komið okkum fyri oyra. Altjóða flytingarvindeygað letur aftur í kvøld Tróndur Arge Helst tann størsta søgan, sum er í umfar í løtuni er, at B36 vil hava Hans Paula Samuelsen og Arnbjørn Hansen frá EB/Streymi. Báðir hava fyrr verið í sam­ ráð­inum við onnur feløg. Hans Pauli var um reppið at enda í KÍ til hetta kapp­ ingar­árið, meðan Arnbjørn Hansen upp til fleiri ferðir hevur verið á veg til HB. Tað er eitt sindur ógreitt hvat hendir í EB/Streymi í løtuni. Tað er øllum greitt, at felagið á vøllinum ikki klárar at standa mát við undan farnu árini. Teir eru ikki longur fastir táttur í oddinum í landskappingini og í steypafinaluni. Tað sá annars út til, at felagið undan hesum kapp­ingar­árinum var á veg aftur á toppinum. Inn komu spælarar sum Pól Jóhannus Justinussen og Høgni Madsen, men tað bleiv ongan­tíð til nakað meiri enn tað. Pól Jóhannus fór aftur til NSÍ í summar, meðan av­ talan við Høgna Madsen ikki verður longd. Keldir hjá Sosialinum siga, at B36 gjarna vil hava av­talurnar upp á pláss sum skjótast. Hallur Hansson verður verandi í Víkingi Um vikuskiftið avgjørdi Hallur Hansson steypa­final­ una, tá hann skoraði einsa­ malla málið í finaluni stutt fyri tíð. Hallur Hansson var eis­ini avgerandi í Europa League dystunum fyri Víkingi, har teir skrivaðu søgu við at koma víðari til 3. um­far í kappingini. Í summar hevur verið upp á tal, at Hallur Hansson skuldi skifta til danska fót­ bólt. Tættast við var hann at skifta til FC Vendsyssel, men takkaði at enda pent nei. – Eg fari ongan veg í hesum flytingarvindeyganum. Hin­ vegin, so veit eg ikki hvussu verður antin á jólum ella næsta summar. Tað taki eg støðu til tá. Eg spæli í Víkingi restina av kappingini. Tað er sikkurt, sigur steypahetjan hjá Víkingi. Hallur Hansson hevur fleiri góð tíðindini til Víkinga við­haldsfólkini. – Eg rokni við, at eg leingi fyri komandi ár eisini. Vit hava snakkað eitt sindur saman, men samraðingarnar eru ikki farnar ígongd enn, sigur Hallur Hansson at enda. Lawal ein umbiðin harri Ein av bestu spælarunum í føroysku kappingini í ár er framherjin hjá B36, Adeshina Lawal. Tað tykist tó, sum, at tað er ein møguleiki fyri at hann ikki heldur fram í felag­ num. Keldir hjá Sosial­inum siga, at bæði KÍ og ÍF hava ligið framvið eftir fram­herj­ anum, sum í fjør eisini sam­ ráddist við AB. ÍF leitar eftir einum fram­ herja at taka við eftir Clayton Soares, sum helst spælir sítt seinasta kappingarár í Effo- deildini. Her passar Adeshina Lawal væl inn á liðið. Linkið til KÍ er eitt sindur meiri ógreitt. Sum skilst, so eru fólk kring felagið sinnaði at fáa hann til KÍ, men har skal venjara spurningurin helst av­greiðast fyrst. Sagt verður tó eisini, at tað er eisini ein stórur møgu­ leikin fyri, at Adeshina Lawal heldur fram í B36, men tað er greitt, at tað eru onnur feløg, ið fylgja gongdini hjá fram­ herjanum. Andy Olsen heldur ikki fram í NSÍ Tað hevur leingi ljóðað, at Andy Olsen er á veg úr NSÍ. Hetta eftir at hann bleiv út­ skiftur í fyrra hálvleiki í ein­ um dysti móti Víkingi í Gøtu fyrr í ár. Hann var sjónliga ónøgdur við avgerðina, men vildi ikki gera stórvegis við­ merkingar við Sosialin tá. Hetta var undan summar­ feriuni og longu tá varð tosað um, at Andy fór at skifta til ÍF, tí hann og venjari hjá NSÍ, Trygvi Mortensen, ikki kunnu einast. Trygvi Morten­sen segði tá, at tað kundi eins væl verið onkur annar, sum bleiv skiftur út og tí var talan ikki um nakað per­sónligt í útskiftingini. Sum skilst, so eru tað serliga tvey feløg sum tiltala vongin. Tey eru ÍF og KÍ. Andy hevur spælt við báðum fyrr og við góðum úrslitum. KÍ samráðist við Mikkjal Thomassen Hendan søgan er eina viku gomul ella so. Tað var Norð­ lýsið, sum visti at siga, at KÍ er í samráðingum við Mikkjal Thomassen, sum vann FM í 2011 við B36. Mikkjal Thomassen hevur váttað tíðindini fyri in.fo. Tíðindini fingu sitandi KÍ venjaran, Eyðun Klakstein, til at koma við eini mótreaktión, eftir at hansara lið óvæntað vann 1-0 á B36 í Gundadali. Eyðun Klakstein hevur sáttmála fyri hetta kappingarárið. KÍ hevur boðað frá, at Rodrigo Silva hevur spælt sín seinasta dyst fyri felagið. Hann kom aftur til felagið, sum hann umboðaði í 2008. Tað bleiv til fýra mál í 17 dystum. Jóan Símun heldur fram í HB Jóan Símun Edmundsson hev­ur boðað frá, at hann ynskir at royna seg aftur í al­tjóða fót­bólti. Seinasta sum keldir hjá Sosialinum vita er, at Jóan Símun hevur verið í samband við Hobro, sum flutti upp í Superliguna í summ­ar. Har hevur felagið tikið øll á bóli og fingið tíggju stig í fimm teimum fyrstu dyst­unum. Jóan Símun skifti undan hesum kappingarárinum til frá norska Viking Stavanger til AB á Argjum. Hetta rigg­aði ikki heilt sum tað skuldi, og Jóan Símun skifti í summar til HB. Her tykist greitt, at um Jóan Símun heldur fram í Føroyum, so verður tað í HB. Tað tykist nú greitt at Jóan Símun spælir restina av kappingini í HB. trondur@sosialurin.fo fótbóltur Myndir: Álvur Haraldsen