týsdagur 2. september 2014síða 10

Mikudagur 3. september 2014 · Nr. 99 10 Sosialurin Hugskot og viðmerkingar – send sms til 225000 Jón Brian Hvidtfeldt Myndin av persónligu notat­bókini hjá Marjuni Hanus­a­r­dóttir stendur eftir í minninum, nú løg­ mans­stjórin tríggjar tímar í effektivari spyrjitíð sat á avhoyringarbonkinum fram­ m­an fyri Hans Gammel­toft Hansen. – Tað hevði sjálvandi verið gott, um vit embætisfólk høv­du verið við, tí so var kanska ikki so nógv at diskutera ídag. So hevði tað í øllum føri staðið her, segði Marj­un Hanusardóttir og tók upp svørtu notesbókina við bláa rygginum. Svarið kom, tá løg­mans­ stjórin varð biðin um at greiða frá, hvat hon sum hægs­ta embætisfólk í før­ oysku fyrisitingini helt um, at løgmaður fundaðist einsa­mæll­ur við stjóran í CIP, Rúna Bro Róin. Avhoyringin av løg­mans­ s­tjóranum vísti, at Løg­mans­ skrivstovan var fullkomiliga av­koblað í tunnilsmálinum, av­gerandi dagarnar síðst í juni. Hetta hóast løgmaður hevði ein lutfalsliga aktivan leik­lut. Kanningarstjórin er í løtuni við at finna útav, hvussu aktivur leikluturin hjá løgmanni var hesar dagar­nar. Telefonin Tað stendur øllum greitt, at mánadagin 24. juni í fjør fekk Kári P. Højgaard boðini frá løg­manni, at sáttmáli fór ikki at vera undirskrivaður í Løks­høll 27. juni klokkan 10, soleiðis sum CIP og Inn­ lendis­málaráðið ætlaðu. Men framvegis ber ikki til at staðfesta nakrastaðni í al­mennu fyrisitingini, hvørt CIP-stjórin Rúni Bro Róin eisini fekk boðini henda mána­dagin. – Nei, eg veit einki um, hvørt løgmaður tosaði í tele­ fon við Rúna Bro Róin henda dagin, segði Marjun Hanus­ ar­dóttir undir avhoyringini. Løgmansstjórin mátti viður­kenna, at einki telefon­ notat er at finna á Løg­mans­ skrivstovuni. Undir síni avhoyring fríggja­dagin segði løgmaður, at hann snøgt sagt ikki minn­ist, um hann tosaði í tele­fon við Rúna Bro Róin henda dagin. Hinvegin hev­ ur løgmaður fyrr sagt í samrøðu við útvarpið hjá Kring­varpinum, at hann tosaði í telefon við Rúna Bro Róin henda mánadagin 24. juni í fjør. Undir avhoyringini mána­ dagin upplýsti hjásitarin hjá løgmanni, advokaturin Sig­ mund Poulsen, at løgmaður nú hevur fingið útskrift av øllum samrøðum á síni far­ tele­fon, dagarnar 24. til 28. juni. Og her er eingin sam­ røða við Rúna Bro Róin, sam­bært Sigmundi Poulsen. Hann upplýsti harumframt, at løgmaður nú hevur biðið um at fáa eina útskrift av sín­ari fastnettelefon. Tá Hans Gammeltoft Han­ sen skuldi taka saman um avhoyringina av løg­mans­ stjóranum vildi hann hava at vita, í hvønn mun hon hevur veg­leitt og ráðgivið løgmanni um at taka notat. – Serliga havi eg roynt at minna hann á at taka tele­fon­notat. Har eru vit embætisfólk ikki altíð við, og eisini kunnu tele­fon­sam­ røður til dømis vera uttan fyri vanliga arbeiðs­tíð, svaraði Marjun Hanusar­ dótt­ir og grundgav við, at tað kann vera trupult hjá fyri­sit­ingini at fylgja málum upp, um einki notat er at fyri­halda seg til. Avhoyringin av Marjuni Hanusar­dóttir vísti, at løg­ mans­stjórin einki fekk at vita um avgerðina hjá løgmanni at avblása veitslu­ na í Løkshøll, tá lands­stýris­ maðurin í innlendismálum æt­landi skuldi skriva undir størstu samferðsluútbygging í føroya søgu. Tað vakti undran hjá kann­ing­ar­stjóra­ num, ikki minst tá løg­mað­ur og løgmansstjórin vóru sam­ an stóran part av mána­deg­ num. – Nevndi løgmaður ongan­tíð, at forrestin verður tunnils­ætlanin send aftur í løg­ting­ið, spurdi Hans Gammel­toft Hansen. – Nei, tað gjørdi hann ikki, svaraði Marjun Hanusar­ dóttir. Løgmansstjórin greiddi frá, at heldur ikki á lands­ stýris­fundinum henda sama mánadagin 24. juni varð tunnils­ætlanin tikin upp á tungu. Hon staðfesti í sama viðfangi, at Kári P. Højgaard var ikki við á lands­stýris­ fundi­num. Fundirnir Sjálv fór Marjun Hanusar­ dóttir uttanlands í privat­ um ørindum týs­morg­un­in 25. juni. Hon var tí ikki til arbeiðis á Løg­mans­skriv­ stovuni, tá løgmaður fór á fund við Rúna Bro Róin, miku­morgunin 26. juni. Undir avhoyringini stað­ festi Marjun Hanusardóttir, at einki skrivligt tilfar er at finna frá hesum fundi. Spurd, hvørt løgmaður vanliga er einsa­mallur á fundum av slík­um slag, svaraði Marjun Hanusardóttir vegna sína fyri­siting: – Okkara útgangsstøði er, at vit eru við til at leggja til rættis og eisini eru við á teim­um fundum, sum hava við økið hjá løgmanni at gera, segði Marjun Hanusardóttir og legði afturat, at sjálvandi kem­ur tað fyri, at fólk koma á gátt til óformelt kaffiprát hjá løgmanni. Marjun Hanusardóttir segði seg hava skilt, at lands­ stýrismaðurin í inn­lendis­ mál­um hevði biðið løgmann um at tosa við CIP og greiða teimum frá sínari politisku av­gerð um at tunnilsætlanin skuldi aftur í løgtingið, held­ur enn undirskrivast í Løkshøll 27. juni. – Men tað hevði sjálvandi verið gott , um vit embætis­ fólk høvdu verið við, tí so var kanska ikki so nógv at diskutera, segði Marjun Hanusardóttir. Løgmansstjórin upplýsti, at hon síðani hevur tosað við løg­mann um hesi viðurskifti. – Men sum eg skilji á løg­ manni, so hevði hann fatað samrøðuna sum sera ófor­ mell­a, segði Marjun Hanus­ ar­dóttir. – Tað vil siga, at bara tað er nóg óformelt, so er í lagi, spurdi Jens Wang vegna kann­ing­ar­stjóran. – Eg sigi ikki at tað er í lagi. Eg haldi greitt, at løgmaður skuldi havt embætisfólk við sær á fundin við Rúna Bro Róin 26. juni, svaraði Marjun Hanus­ardóttir undir av­hoyr­ ing­ini. Undir síni avhoyring fríggja­dagin segði løgmaður so­leiðis um fundin: – Tað var ein reint ófor­ mell­ur fundur, har eg bjóð­ aði ein kaffimunn og greid­di honum frá politisku støðu­ni og at tunnilsmálið nú skuldi aftur í løgtingið. Fund­urin vardi ein tíma til hálv­an annan, segði Kaj Leo Holm Johannesen undir av­hoyr­ ing­ini. Partur av arbeiðs­setn­ingi­ num hjá Hans Gammeltoft Han­sen er at kanna, hvønn leik­lut løgmaður hevur havt í tunnilsmálinum. Kann­ ingar­stjórin ætlar nú at biðja Rúna Bro Róin um at geva sína frágreiðing. Eisini hósdagin 27. juni var fundur í Tinganesi. Aftur hesa­ferð møtti løgmaður utt­an embætisfólk. Og aft­ ur her vísti avhoyringin av løgmans­stjóranum, at Løg­ mans­skrivstovan stend­ ur púrasta á berum, tá ein kanningarstjóri nú kemur aftur­umaftur. Spyrjarin hjá Gammeltoft spu­r­di eftir kalendaranum hjá løgmanni, har einki sæst til fundin við CIP-stjóran: – Nei, eg kann veruliga ikki svara fyri tí, segði Marj­ un Hanusardóttir, ið ikki so frægt fekk hjálp frá per­són­ ligu, svørtu notat­bók­ini við bláa rygginum. Løgmansstjórin var sum nevnt uttanlands. Umframt løgmann eru lands­stýrismaðurin Kári P. Høj­gaard, aðalstjórin Rúni Joen­sen, ráðgevin Kurt Barde­leben, CIP-stjórin Rúni Bro Róin og ein advokatur hjá CIP við á fundinum 27. juni. Rúni Joensen hevur sein­ni skrivað sítt egna notat frá hesum fundinum. Men nú málið verður endavent av kann­ing­arstjóra, hava nú fyrr­ver­andi aðalstjórin og løg­mað­ur hvør sína fatan av tí, ið fór fram. Í síni frágreiðing til kann­ing­ar­stjóran hevur Rúni Joensen greitt frá, at í veruleikanum var tað løgmaður, sum gjørdi í­skoytis­av­taluna við CIP, hó­ ast tað formliga var Kári P. Høj­gaard, ið skrivaði undir. – Tað eri eg ósamdur í. Rúni Joensen var við á fundi­num 27. juni. Hann hevði orðið og segði greitt, at uppgávan at gera eina møgu­liga avtalu lá hjá lands­stýris­manninum Kára P. Højgaard, segði Kaj Leo Holm Johannesen í síni frá­ greið­ing. Undir síni avhoyring greid­di løgmansstjórin frá, at mangl­andi dokumentatiónin kom fyrstu ferð til sjóndar, tá fyrispurningarnir frá løg­ tings­limum tíðliga í fjørheyst byrjaðu at regna niður yvir Løg­mans­skrivstovuna. – Tað var ein stór upp­gáva at svara øllum fyri­spurn­ ingunum. Trupult at finna útav, hvat vendi upp og nið­ur. Løgmansskrivstovan strídd­ ist við at fáa samanhang í og fáa skapt røttu myndina og felags fatan av tí, ið fór fram, greiddi Marjun Hanus­ ar­dóttir frá. Orsøkin var, sambært frá­greiðingini hjá løg­mans­ Holini á Løgman kanningarstjóri Avhoyringin av løgmansstjóranum vísir veikleikar í embætisverkinum beint undir løgmanni. Løgmansskrivstovan hevði trupult við at endurskapa og dokumentera, hvat fór fram í Tinganesi avgerandi dagarnar í tunnilsmálinum, og hartil tykist eftirlitisskyldan passiv – Eg haldi greitt, at løgmaður skuldi havt embætisfólk við sær á fundin við Rúna Bro Róin 26. juni, segði Marjun Hanusardóttir, tá hon varð avhoyrd í tunnilsmálinum