týsdagur 2. september 2014síða 37

37 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 3. september 2014 · Nr. 99 ítróttur profilurin Havnamaðurin, ið gjørdist ímyndin av Víkingi Hans Jørgen Djurhuus er seinnu árini ein maður, ið veru­liga er blivin ein ímynd av Víkingi. Síðani felagið varð stovnað í 2008, hevur Hans Jørgen Djurhuus øll ár­ini verið fastur partur av felags­liðnum úr Gøtu og Leir­vík. Orsøkin til at Hans Jørgen Djurhuus endaði sum fótbóltsspælari í Gøtu, er tí at hann í 2002 fekk sær unn­ ustu úr Syðrugøtu. Hóast hann flutti til Syðrugøtu í 2003, so byrjaði Hans Jørgen Djurhuus tó ikki at spæla við GÍ fyrrenn í 2005. – Tvey tey fyrstu árini spældi eg við AB í næstbestu deildini. Orsøkin til at Hans Jørgen Djurhuus ikki spældi við GÍ tvey tey fyrstu árini, var tann, at hann ikki raðfesti fót­bóltin so ovarlaga. – Eg keypti PE í Gøtu í 2003, og var tí væl meira upp­ tikin enn vanligt. Av tí at AB spældi í næstbestu deildini tá, fekk eg lagaligari treytir frá venjaranum, og tað er orsøkin til at eg spældi á Argjum tey árini. Í 2005 skifti Hans Jørgen Djurhuus tó til GÍ. Tað fyrsta árið í GÍ var Hans Jørgen Djur­huus eisini við til at vinna kappingina um Løg­ mans­steypið við GÍ. – Eg skifti til GÍ í 2005. Krystozf Popzynski var venjari hjá GÍ tá, og hann gekk javnan í handilin hjá PE, har hann spurdi meg, um eg ikki hevði hug at royna meg í GÍ. – Eg valdi so at taka av í 2005, og tað er ein avgerð, ið eg ongantíð havi angrað. Hann greiðir harafturat frá, at hann sum ungur í 90’unum altíð var líka hug­ tik­in av hug­burðinum á GÍ lið­num. – Mær dámdi altíð væl hug­burðin hjá GÍ liðnum í 90’unum. Tað vóru leikarar, ið veruliga spældu við hjarta­ num. Hans Jørgen Djurhuus held­ur at sami góði hug­burð­ urin sæst aftur á Víkinga lið­ num í dag. – Síðani Víkingur varð stovnað í 2008, so tala úrs­ litini í felagnum fyri seg. Vit hava vunnið kappingina um Løgmanssteypið fýra ferðir uppá sjey ár, og harafturat hava vit eisini leikt okkum víðari í Evropa tvey ár á rað. Hann greiðir frá, at upp­ bakn­ingurin í nær­umhvørv­ inum er framúr góður. – Eg haldi at vit hava fingið eitt framúr væl skipað felag. Millum annað kann nevn­ast, at øll tey yngru lið­ ini hava vaksnar venjarar, har tey flestu hava nógvar royndir frá fótbólti. – Eg meti, at hetta er nakað, ið kemur at síggjast aftur um nøkur ár, tá fleiri av okkara ungu leikarum koma upp á besta liðið. Leikti dyst á brúðardegnum Í 2012 giftist Hans Jørgen Djurhuus við unnustu síni úr Syðrugøtu, Hjørdis Fríðu Gregersen. Tað merkisverda við brúd­leypinum var tó tað, at Hans Jørgen Djurhuus bert ein tíma eftir at hann sagt sítt ja í kirkjuni, fór at leika dyst við Víkingi móti B68. Hans Jørgen Djur­ huus minn­ist væl aftur á minningar­ríka dagin. – Eg minnist at brúdleypið var í Gøtu kirkju klokkan 13:00 og at dysturin móti B68 varð leiktur klokkan 15:00. Hans Jørgen Djurhuus fór tí beint til dyst í Sarpugerði eftir at hann hevði sagt sítt ja, og hann greiðir frá, at talan var um ein hendingar­ ríkan dag. – Beint eftir at dysturin móti B68 var liðugur, fór eg til Leirvíkar, har vit høvdu stórt brúdleyp fyri 220 gestum. At enda greiðir Hans Jørgen Djurhuus frá, at hann neyvan hevði megn­að tað sama í sínari fótbólts­ karrieru, uttan framúr góða upp­bakkn­ingin frá familjuni. – Sum fótbóltsspælari, skalt tú hava eina tolna konu. Frá januar til síðst í oktober, ert tú til venjing hvørt eitt einasta kvøld mitt í viku. Harafturat hava vit verið sera upptiknir av Europa League tvey tey sein­astu kappingarárini. Tí merki eg ein góðan framúr góð­an stuðul frá konuni og børn­unum til fótbóltin hjá mær. – Tað er fleiri ferðir komið fyri, at bæði kona og børn eru til staðar við vøllin, tá vit venja. Og hetta haldi eg lýsir felagið Víking væl, tí eg merki at fólkið í felagnum er ein stór eind. – Hans Jørgen Djurhuus greiðir til endans frá, at hann ikki ætlar sær at gevast í Víkingi, fyrrenn felagsliðið úr Gøtu og Leirvík er blivið føroya­meistari. andre@sosialurin.fo Í 2012 giftist Hans Jørgen Djurhuus við unnustu síni úr Syðrugøtu, Hjørdis Fríðu Gregersen, og bert ein tíma eftir at hann sagt sítt ja í kirkjuni, fór hann at leika dyst við Víkingi Privatmynd Mynd: Álvur Haraldsen