hósdagur 4. september 2014síða 33

9 Mentanarblaðið hjá Miðlahúsinum 5 • 5. september 2014 Brandur Paturson og undirritaði sum sloppu at prýða. Umframt tað sum síggjast kann á veggunum eru eisini tónleika framførslur minst eina ferð um vikuna. Framførslur ið fata um nøkur av stinnastu og fremstu tónlistafólk landsins, umframt onnur minnið kend ið bert vilja hava møguleikan av vísa sínar dygdir. Hetta er staðið sum loyvir øllum, líkamikið hvussu roynd ella óroynd tey eru. Tað hevur altíð verið ein sera týdningarmikil partur av Sirkus. Eisini hevur Sirkus húsa fleiri framsýningum, yrkinga upplestrum, loppumarknaðum og hvør kann gloyma árligu Tom Selleck kappingina, har bestu yvirskeggini í landinum vera skýrd. SAMSKIFTI Á ALNÓTINI Men eitt er hvar tey hittast. Eitt annað er hvar tey samskifta. Sjálvandi hendir nógv av hesum á støðum kring landið, men tað sum nokk fær nýggja unga bólkin av listafólkum at breðga frá tí eldra ættarliðnum er teirra samskifti á alnótini. Serliga finnast tað nógvar síður á Facebook sum eru skaptar av ungum listfólkum til onnur listafólk. Síður so sum ‘Føroysk myndlist’, ‘Føroysk Fotolist’ og ‘Føroysk videoløg’. Her kunnu tey leggja út myndir og sjónbond av alskyns tingum sum tey hava gjørt ella eru í gongd við og á hendan hátt ber til hjá teimum at fáa ærligar afturboðanir á leiðini frá áhugaðum og lisnum. Hóast hesar síður ikki eru til ung burturav, so sýnist meginparturin av virkseminum at vera frá ungum. Tað sum slíkar síður gera, er at leggja fólki lag á at vera virkin og íðin, tí tey vita at um tey møguliga kenna seg einsamallan har tey sita, so eru fólk kring alt landi og í øðrum londum, sum fegin vilja vegleiða teimum á rætta leið ella siga teimum frá um okkurt er gott ella minnið gott og hví so er. Hetta eru nemliga ein av fáu miðlunum har tað í somu løtu ber til at fáa afturmeldingar. Afturmeldingar, sum kanska ongantíð vóru komnar aðrastaðni. Og tað er eisini á hesum síðum at forvitnislig samstørv vera fødd og ein av orsøkunum til at restin av okkum hava okkurt at fara til og fáa upplivingar, sum annars høvdu verið torførar at fingið. Her er tað eisini at tvørlistarlig samstørv kunnu henda. Tveir ella fleiri persónar seta seg í samband hvør við annan, grunda á tað tey hava sæð frá øðrum, og skapa tí saman nakað sum ikki hevur verið at sæð fyrr, og sum oftast á sera høgum støðið. Flest listafólk hava nevniliga tørv fyri samskifti við onnur skapandi, fyri at kunna tosa á jøvnum føti um sínar verkætlanir. Tíverri finnast alt ov fá hølir har listfólk kunnu leiða seg inn fyri bíligan penga og arbeiða tætt upp at hvørjum øðrum, sum tó er ógvuliga vanligt at síggja í londunum kring okkum. Tað er tí ómetliga jaligt at síggja tað nýggjasta stóra listarliga átakið – Listabumban! Kommunuskúlin skal gerast um til arbeiðshølir fyri tey skapandi, og soleiðis geva teimum eitt grundarlag, har tey kunnu finna sínar javnar, finna samstørv og hava møguleikan at sýna fram teirra ráa arbeiði fyri hinum, áðrenn tað endaliga røkkur almenninginum. Hetta verður við til at styrkja um listina, um listafólkini og um listarligu upplivingarnar her í landinum. Hetta kann vera við til at føroyingar kunnu røkka einum hægri støði innan list. Hetta kann vera við til at varpa nógv meir ljós á listina her í landinum og í útheiminum, og ikki minst varpa ljós á Føroyar sum skapandi tjóð. Vónandi verður hetta veruleiki og vónandi kunnu landsins ungu listafólk sostatt fáa tað uppmerksemi og tign sum teimum er uppiborið. KOMMUNUSKÚLIN SKAL GERAST UM TIL ARBEIÐSHØLIR FYRI TEY SKAPANDI u