mánadagur 8. september 2014síða 5

5 Mánadagur 8. september 2014 · Nr. 101 Sosialurin Hugskot og viðmerkingar – send sms til 225000 Áki Bertholdsen Meirilutin av tvørafólki eru ónøgd við, hvussu Tvøroyrar Bý­ráð brúkar peningin, tey rinda í skatti til kommununa. Tað vísir kanningin, trígg­ ir tvøramenn hava gjørt við tí endamáli at menna býin og at fáa fólkatalið at veksa, at fáa vinnulívið at veksa og at økja um trivnaðin. Men merilutin er ikki stór­ur, tí kanningin vísir, at tey flestu hava onga ávísa mein­ing um politikkin hjá bý­ráð­num. Men av teimum, sum hava eina greiða meining um raðfestingarnar hjá kom­mun­uni, eru tað 175 av teim­um, sum hava svarað, ið eru antin ónøgd, ella sera ónøgd við raðfestingarnar hjá kommununi. Hinvegin eru tað bara 71 fólk, sum eru nøgd, ella sera nøgd við bý­ ráð­ið. Men tað er stórur mun­ur á, hvat mannfólk og konu­ fólk halda við tað, at nógv tey flestu av teimum, sum eru nøgd, ella sera nøgd, eru mann­fólk, men nógv tey flestu av teimum, sum eru ónøgd, ella sera ónøgd, eru konu­fólk. Og tað passar væl saman við tað, at tað eru tey málini, sum konufólk ofta verða søgd at hava størstan áhugan fyri, sum tvørafólk eru mest ónøgd við. Tað eru nevniliga rað­fest­ ing­ar­nar á teimum bleytu økj­unum, sum fólk eru ónøgd við. Serliga eru tað tey, sum hava børn, sum halda, at kom­munan hevur raðfest barna­ansingin og skúla- og út­búgv­ingar­viðurskiftini í kommun­uni ov lágt. Men harafturat eru fólk ógvuliga ónøgd við rað­fest­ ing­arnar hjá kom­mu­nu­ni á eldraøkinum, serliga eru kvinnurnar ónøgdar við um­ støður­nar hjá teimum eldru. Men hinvegin eru pen­ sjón­ist­arnir sjálvir, ikki so ónøgd­ir. Tað kann vera enn ein stað­festing av, at sum heild eru tey eldru nøgd við tað, tey fáa, og klaga ikki, heldur Flóvin Eidesgaard, sum legði kann­ingina fram. Væl nøgd Harafturímóti heldur ein stór­ur meiriluti av tvørafólki, at ítróttur og vinnulív verða raðfest høgt í býráðnum. Sum heild eru tað tey sum búgva á Tvøroyri, sum hava eina greiða meining um rað­ fest­ingarnar hjá kom­mununi o­g tað eru eisini serliga tey, sum halda, at kommunan ger nógv fyri at hjúkla um ítrótt og vinnulív. Men tað er eisini nakað fólk halda hevur stór­an týdn­ing, so í hesum før­um er sam­svar ímillum rað­fest­ing­ ar­nar h­já kommununi og tað, fólk vilja hava. Samstundis vísir tað seg, at mannfólk eru betri nøgd við frítíðarmøguleikarnar enn konufólkini eru. Tey, sum búgva uttanfyri Tvør­oyri eru eisini ónøgd við útboðið av matstovum, kaffi­stovum og handlum, men har eru tey á Tvøroyri betri nøgd. Hinvegin halda tey nógv av teimum yngru, at bú­stað­ ar­møguleikarnir eru ikki nøkt­andi. Men tað er ikki nak­að eintýðugt ynski um nak­að ávíst slag av bústaði, so eitt fjølbroytt úrval av bú­ støð­um er tað, sum skal til. - Kanningin vísir, at 58 pro­sent av teimum, sum hava verið burtur í minni enn fimm ár, vænta at búgva aft­ur á Tvøroyri um 10 ár og 42 prosent vænta ikki. Men tey siga samstundis, at fáa tey ikki møguleikan at búgva á Tvøroyri, vilja tey heldur taka stigið fult út og bússetast uttanlands, ístað­ in fyri at búgva í Havn, ella aðra­staðni í Føroyum. Men hjá teimum, sum hava verið burtur longri enn fimm ár, er myndin heilt við­vend, tí tá eru tað heili 86 pro­sent sum svara, at tey væn­ta ikki at búgva á Tvør­oyri um 10 ár. Og hjá teimum, sum hava búð aðrastaðni í minst 10 ár, eru tað fimm prosent, sum vænta at flyta aftur til Tvør­ oyri. Men hjá teimum, sum hava verið burtur í minst 15 ár, eru tað bara 15 prosent, sum vænta at búgva aftur á Tvør­oyri um 10 ár. - Tað er eitt heilt týðiligt mark og tað, at eru fólk burt­ur longri enn fimm ár, vænta tey ikki, at tey flyta heim­aft­ur, sigur Flóvin Eidesgaard. Sostatt vísir tað seg í kann­ingini, at tá ið fólk eru burt­ur í longri enn fimm ár, festa tey røtur og flyta ikki aft­ur. Øll Suðuroy eigur at vera ein kommuna! Tað halda nógv tey flestu av teimum sum vóru við í kanningini um at menna Tvøroyri. Í kanningini eru tað nógv tey flestu sum sakna metri samstarv ímillum allar kommunurnar í Suðuroy og tað eru bara nøkur heilt fá sum halda, at kommunurnar tvørturímóti eiga at kappast enn meir. Kanningin vísir, at heili 63 prosent av tvørafólki taka treytaleyst undir við at øll Suðuroy verður løgd saman í eina kommunu. Men harafturat eru tað 29 prosent sum taka undir við kommunusamanlegging, men tey hava ymisk fyrivarni og tað eru bara átta prosent, sum beinleiðis eru ímóti. Kanningin vísir, at tey, sum búgva á Tvøroyri, eru heldur varnari á hesum øki, men tey, sum ikki búgva á Tvøroyri, hava í størri mun lyndi til at taka undir við kommunusamanlegging. Hetta samsvarar rættiliga væl við fólkaatkvøðuna á Tvøroyri fyri nøkrum árum síðani um kommunusamanlegging. Sakna bleyt virði á Tvøroyri Meirilutin av tvørafólki heldur ikki, at politikkurin hjá Tvøroyrar Býráð er rættur á teimum bleytu økjunum Fitt av tvørafólki hevði leitað sær á Seglloftið í dýrdarveðrinum leygardagin at hoyra, hvussu býur teirra kann gerast ein vinnu- og vitanarhøvuðstaður Suðuroy skal vera ein kommuna Ein stórur meiriluti á Tvøroyri vil hava eina oljuhavn á fjørðinum. Tað vísir ein kanning, sum tríggir tvøramenn hava gjørt um, hvussu Tvøroyri kann mennast, og fólkatalið fáast at veksa. Kanningin vísir, at 55 prosent av fólki taka treytaleyst undir við, at ein oljuhavn verður skipað á fjørðinum. Sostatt taka 90 prosent av tvørafólki undir við at gera fjørðin til eina oljuhavn Hinvegin taka 35 prosent av fólki undir við eini oljuhavn á fjørðinum, men við ymsum fyrivarnum, men 10 prosent taka ikki undir at gera eina oljuhavn á fjørðinum. Vilja hava oljuhavn á Tvøroyri Endamálið við kanningini er at geva býráðnum ein amboðskassa at brúka, tá ið framtíðar politikkurin skal leggjast til rættis. Tað eru Flóvin Eidesgaard, vinsrumegin, Rasmus Nolsøe í miðjuni og Helgi Eidesgaard, sum hav agjørt kanningina Mynd: Eileen Sandá