hósdagur 11. september 2014síða 5

5 Fríggjadagur 12. september 2014 · Nr. 103 Sosialurin Hugskot og viðmerkingar – send sms til 225000 Marjun Dalsgaard Hóast Tróndur Álvsson fylti 18 ár í marts 2014, og for­eldr­ ini hava søkt um pensión í januar 2014, varð pensiónin ikki avgreidd fyrr enn í august. Tá vit tosaðu vi Sóley Hóðrar­á í farnu viku, hevði hann enn ikki fingið sína pens­ión, men nú er hon so lok­sins komin. Trupulleikin er bara, at har manglar ein mánaður. Foreldrini settu seg í samband við myndug­leik­ ar­nar fýra mánaðir áðrenn Trónd­ur fylti 18 ár, men tað eydnaðist teimum ikki at fáa ein fund við Almannaverkið fyrr enn í januar 2014. Tá tey høvdu verið á fundi við Al­ manna­verkið, søktu tey um pensión til Trónd alt fyri eitt, men hetta var eftir øllum at døma ov seint. Av tí, at tey ikki hava søkt um pensión fyrr enn í januar 2014, hevur Al­mannaverkið nú trekt ein mán­að av pensiónini hjá Tróndi. - Vit vóru ikki greið yvir, at ein regla er, sum sigur, at tú skalt søkja um pensión tríggj­ar mánaðir, áðrenn barn­ið verður 18 ár. Vit søktu, so beint sum vit høddu havt ein fund við Almannaverkið, og tað var so eftir øllum at døma ov seint, sigur mamma Trónd, Sóley Hóðrará. Mugu søkja um pensión Hallur Thomsen, stjóri á Menn­ing­ar­deplinum, varðar av pensiónsviðurskiftunum hjá fólki við menningartarni, og hann er harmur um støðu­na. - Eg kann siga yvirorðnað, at vit hava eina tilgongd, sum skal tryggja, at hetta ikki hendir, men vit kunnu bara staðfesta, at tað ikki er eydn­ast her, sigur hann. Lógin sigur, at øll skulu søkja um pensión, so hóast Trónd­ur hevur verið inni í skipan­ini hjá tí almenna, síðani hann var tvey ár, og tey kenna hann, skal hann søkja um pensión og í sama við­fangi gera sannlíkt, at hann ikki er arbeiðsførur. Tróndur hevur rætt til pensión frá tí, at hann er 18 ár, men tað er ikki nøk­ u­r trygd fyri, at hann fær hana frá sínum 18 ára degi. Neyðugt er at søkja tríggj­ar mánaðir áðrenn føð­ing­ar­ dagin. Gert tú ikki tað, miss­ir tú tilsvarandi. Sostatt miss­ir Trónd­ur ein mánað av pen­ sión­ini, tí foreldrini søktu ein mán­aða ov seint. Fingu ikki fund við Almannaverkið Eitt av evnunum, sum Sosial­ ur­in skrivaði um, í sambandi við greinina um Trónd í Sosial­in­um 15. juli, var júst, at tey ikki fingu ein fund í lag við Almannaverkið. Sostatt segði mamma Trónd í tí sambandi, at hon hevði spurt myndug­ leik­ar­nar í fleiri ár, hvat fór at henda, tá Tróndur gjørdist 18 ár. Foreldrini hava altíð fingið tað svarið, at myndugleikarnir skuldu hygg­ja uppá tað, og at for­ eldr­ini fóru at verða kallað til fundar hesum viðvíkjandi. Fundarboð komu tó ongan­tíð, og fýra mánaðir áðr­enn, Tróndur gjørdist 18 ár, settu foreldrini seg sjálvi í sam­band við Almannaverkið. Tað tók tveir mánaðir at fáa ein fund í lag, og tað var eftir hetta, at foreldrini søktu um pensión – eftir øllum at døma ein mánaða ov seint. Kunnu ikki passa sítt arbeiði Síðani vit skrivaðu greinina um Trónd, hevur hann fingið pláss á varda verkstaðnum Virk­ni. Stóri trupulleikin hjá for­eldrunum var, at Tróndur ikki hevði nakað stað at vera eftir, at skúlin endaði. Trupul­leikin var ikki bert, at Tróndur ikki fekk ein inni­ haldsríkan gerandisdag, men foreldrini manglaðu simpult­ hen ansing. Tey høvdu tann prakt­iska trupulleika, at ong­ in var, at vera hjá Tróndi og tey fingu tískil ikki passað sítt arbeiði. Tann praktiski trupul­ leik­in er ikki loystur, hóast Trónd­ur hevur verið á Virk­ ni síðani 1. september. Hann kann ikki avleverast hjá Virk­n­i fyrr enn kl 8.30, og tey skulu eftir honum aftur klokk­an 15.30 allar dagar utt­ an týsdag, tá steingir longu klokkan 13.30. - Hetta er ikki nøkur loysn fyri okkum. Tað ber slett ikki til, sigur mamma Trónd. Tey búgva í Vestmanna, og Trónd­ur koyrir við manni henn­ara til Havnar hvønn morgum. Fyri at fáa tingini at passa saman hevur hann mist seks arbeiðstímar hesa viku­na. Sóley hevur roynt at finna eina loysn, sum inni­ber, at Tróndur verður av­lever­að­ ur á einum sambýli, har tey, sum búgva har, eisini skulu til Virkni, og sostatt kann koyra við teimum til Virk­ni, men hetta ber ikki til, tí bert eitt starvsfólk er til arbeiðis um morgunin. Í heila tikið er tað tungt fyri mammu­na. - Tað er alið okkurt, og eg sakni, at onkur hugsar eina loysn, og sigur, soleiðis og so­ leið­is skulu tit gera. Vit fáa bara at vita, at vit skulu spyr­ ja okkum fyri sjálvi, og vit mugu sjálvi royna at finna eina loysn, sigur hon. Fara at broyta upplatingartíðir Á Trivnaðardeplinum siga tey, at tey eru klár yvir trupul­leikan við upp­lat­ing­ ar­tíðu­num hjá Virkni, og at tey eru í holt við at loysa trupul­leikan. - Eg havi ein fund við tey á Virkni mánadagin, og tá fara vit at tosa um, hvussu vit loysa trupulleikan, sigur Fríð­gerð Sundskarð, sum ar­ beiðir við økinunum. Hon held­ur ikki, at tað er nøkur loysn fyri Trónd, at hann skal koyrast fleiri støð, og tí­skil má ein loysn finnast, har hann kann avleverast og heintast soleiðis, at for­ eldrini kunnu passa sítt ar­ beiði kortini. Hetta er ein nýggj­ur trupulleiki, sigur Fríð­gerð Sundskarð. - Hetta er ein stórur trupul­leiki í ár, bæði í Suður­ strey­moy og Eyst­ur­oyn­ni, men tað hevur tað ikki verið fyrr, sigur hon. Orsøkin er, at nógv av teim­um, sum hava brúkt Virk­ni, hava búð í sambýlum, og tey sum hava búð heima hava havt onkra aðra loysn. - Hetta hevur ikki verið ein trupulleiki áður, men vit loysa hann nú, sigur Fríðgerð Sund­skarð. Tróndur fær ikki alla pensiónina Almannaverkið hevur tikið eina mánað av pensiónini hjá Tróndi Álvsson, av tí at foreldrini ikki søktu tríggjar mánaðir áðrenn hann fylti 18 ár. Foreldrini søktu so skjótt sum tað var eydnast teimum at fáa ein fund við Almannaverkið, sigur mamman, Sóley Hóðrará Í juli prentaðu vit eina grein um Trónd Álvsson, sum júst var fyltur 18 ár, men ongastaðni hevði at vera, tá Skúlin á Trøðni var liðugur. Hann hevði heldur ikki fingið pensión, hóast at hann bleiv 18 ár í marts. Foreldrini vóru sera móð av at møta mótsøðu alla tíðina, og kendu tað sum, at virðingin fyri teimum veiku í samfelagnum manglar. Ein trupulleiki, sum foreldrini gjørdu vart við, var, at tað var ringt at fáa ein fund í lag við Almannaverkið, tá tað nærkaðist, at Tróndur skuldi gerast 18 ár. Hetta var ein orsøk til, at foreldrini ikki søktu um pensión fyrr enn í januar. Tey bóðu um ein fund við Almannaverkið fýra mánaðir áðrenn, Tróndur fylti 18 ár. Hetta eydnaðist tó ikki, fyrr enn tveir mánaðir seinni. Hóast umsóknin varð latin inn í januar, hevur Tróndur ikki fingið pensión fyrr enn í september, og vísir tað seg nú, at Almannaverkið hevur tikið ein mánað av pensiónini. Av tí, at foreldrini ikki søktu um pensión fyrr enn í januar, verður pensiónin fyri ein mánað tikin frá honum. Orsøkin er, at umsóknin skal latast inn tríggjar mánaðir áðrenn ein persónur fyllir 18 ár.