hósdagur 10. juni 2004síða 7

12 Nr. 108 - 10. juni 2004 Nr. 108 - 10. juni 2004 13 Eftirkomarar hjá Onnu Sofíu og Johan Hendrik Egholm í Havn hittust á Hotel Føroyum fríggjadagin 30. apríl 2004. Familjan telur í dag eini 350 fólk, og umleið 180 fólk vóru til ættarmótið Anna Sofía Petersen, f.30.04.1871+02.02.1951, var ættað úr Funningi, og Johan Hendrik Egholm f.23.02.1873+20.06.1960, var úr Havn. Tey giftust ung og búsettust undir Glaðs- heyggi í Havn. Har fingu tey 11 børn, 6 døtur og 5 synir. Tey vóru eftir aldri hesi: Birthe Helene (Lena), Peter, Amalie, Jens Peter (Dess), Alfred (Affe), Hertha, Arnold (Alle), Ejvind, Petronella (Nella), Malene (Malla) og Gun- hild. Ejvind doyði ungur, men øll hini 10 giftust og fingu børn. 37 vóru ommu- og abbabørnini í tali. Av teimum 11 børnunum eru 2 døtur enn á lívi, tær eru Nella Dahl, sum er 93 ár og býr í Havn, og Gun- hild Rasmussen, sum er 87 ár og býr í Keypmanna- havn. Eisini eru 2 verdøtur á lívi enn. Onnur teirra er Margretha Egholm, sum var gift við Peter. Hon býr á Lágargarði og hevur júst fylt 101 ár. Hin er Karen Egholm, sum var gift við Arnold. Hon er 97 ár og býr nú hjá dóttrini Bente í Danmark. Av teimum 37 ommu- og abbabørnunum eru í dag 33 á lívi, elsta er 82 ár og yngsta 52 ár. Umleið helmingurin av hesum systkinabørnum búgva uttanlands, og ofta hevur verið tosað um at hittast til eina systkina- barnaveitslu. Tá nú farið var undir at savna øll systkinabørnini, vísti tað seg at vera stórur áhugi fyri eisini at taka tey ungu við, so endin varð, at systkina- barnaveistlan gjørdist ein familjuveitsla fyri allar eftirkomararnar hjá Onnu Sofíu og Johan Hendrik Egholm. Og familjan er vorðin stór, hon telur í dag eini 350 fólk. Veitslan, sum var hildin á Hotel Føroyum, var sera væleydnað í allar mátar. Undirtøkan var góð, útvið 180 fólk meldaðu til, av hesum vóru 35 børn undir 12 ár. Heilt av tilvild var veitslan hildin 30. apríl, á sjálvum føðingardegnum hjá Onnu Sufíu. Nú var eisini eitt gott høvi at taka eina felags- mynd. Veðrið var til vildar, so myndin varð tikin uttan fyri hotellið. Nella og Gunhild eru báðar frískar og ferðugar hóast høga aldurin. Tær vóru báðar við á veitsluni, og síggjast tær fremst í myndini. - Eitt gott minni at eiga um dagin. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundir føðingardagar, brúðleypsdagar, starvssetanir og -dagar. Ættarmót hjá Egholm ættini Felagsmynd uttan fyri Hotel Føroyar. Nella og Gunhild, ið báðar eru frískar og ferðugar hóast høga aldurin, síggjast fremst í myndini Mynd: Alan Brockie Anna Sufía og Johan Hendrik Egholm við børnum sínum NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Hjartaliga tøkk fyri sýnda samkenslu tá ið høgt elskaði sonur, beiggi, svágur, ommu- og abbasonur okkara Leon Gunnar Johannesen so brádliga varð tikin frá okkum. Hjartans tøkk til tykkum øll ið hjálptu til í hesi sváru tíð og til tykkum øll, ið fylgdu honum til hansara seinasta hvíldarstað her á fold. Fyri tey avvarðandi Irdi,Teddy og Angilie Tøkk Hjartaliga takka vit øllum, ið sýndu samkenslu og hjálpsemi, tá ið okkara høgt elskaða kona, mamma, vermamma, omma og langomma Helena Dragaberg fødd Veihe, Klaksvík doyði og varð jarðað. Tøkk til tykkum øll, sum ringdu, stukku inn á gólvið, og sum á ymsan hátt hjálptu til við jarðarferðina. Tøkk fyri blómur, kransar og peningagávur til Akurin. Og stóra tøkk til tykkum mongu, sum fylgdu henni til hennara seinasta hvíldarstað her á fold. Kristoffur, Óla Jákup, Elisabeth, Annefía og Daisy við familjum Kunngjørt verður fyri ætt, vinum og kenningum, at kæri pápi, verpápi og abbi okkara Niclas Frederik Højgaard í Rituvík andaðist týsmorgunin 8. juni, 92 ára gamal. Jarðarferðin verður úr Rituvíkar kirkju fríggjadagin 11. juni kl. 14.00. Vegna familjuna Dánjal Jákup og Óli Christian Tey, ið vilja geva blómur ella krans, kunnu í staðin lata kirkjuni í Rituvík eina gávu. Sp/f Grannskoðara- virkið Hermund Jacobsen er flutt í nýggj hølir í Jónas Broncksgøtu 16 í Havn. Í hesum sam- bandi verður móttøka Fríggjadagin 11. juni Grannskoðaravirkið Her- mund Jacobsen, sum síðan byrjanina 1. november 1987, hevur hildið til í leigaðum hølum, flytur nú í egnan virkisbygning í Jónas Broncksgøtu 16, sum er bygdur um til endamálið. Talan er um eini hús í trimum hæddum við eini gólvvídd upp á tilsamans 240 fermetrar. Hermund Jacobsen hevur starvast sum grannskoðari síðan 1980. Fyrstu seks árini hjá Grannskoðara- virkinum Rasmussen & Weihe, statsautoriseraðir grannskoðarar. Hermund fekk skráseting sum grannskoðari í 1985. Í byrjanini starvaðust 2 fólk á virkinum. Í dag starvast 6 fólk, 4 grannskoðarar og 2 bókhaldarar. Grannskoðaravirkið Her- mund Jacobsen er eitt av teimum størru skrásettu grannskoðaravirkinum í Føroyum. Virkið kann m.a. veita tænastur innan grann- skoðan, roknskaparhjálp, bókhald, gerð av ætlanum, skatt og mvg. Umframt neyðugan før- leika, leggur virkið stóran dent á at hava eitt tætt og gott samstarv við kundan og at veita kundunum eina dygdargóða tænastu. Í hesum sambandi er ein samstarvsavtalu gjørd við BGC-Revision, statsautori- serað grannskoðaravirki í Danmark, sum hevur eftir- lit við at arbeiðið verður gjørt á sama støði sum hjá teimum. Á henda hátt er virkið knýtt upp í altjóða samstarv við Kreston Internatioal. Móttøka verður í nýggju hølunum fríggjadagin 11. juni frá kl. 15-17. Sp/f Grannskoðaravirkið Hermund Jacobsen: Grannskoða í nýggjum hølum Starvsfólkini á grannskoðaravirkinum uttan fyri nýggju hølini í Jónas Broncksgøtu, f.v. Hermund Jacobsen, Ann Hansen, Bjørg Højgaard, Guðrun Øregaard og Hans Debes. Tordis Dam vantar á myndini Mynd: Jens Kristian Vang Dagurin 10. juni. Onuphri- us, deyður umleið ár 400. Eftir halgisøguni var hann kongasonur av Blálondum, sum gjørdist kristin, segði alt frá sær og livdi til sín doyggjandi dag sum einbúgvi í egyptisku oyðimørk- ini. C M Y K 13 12