mánadagur 29. september 2014síða 12

Mánadagur 29. september 2014 · Nr. 110 12 Sosialurin Hugskot og viðmerkingar – send sms til 225000 vinnudagurin Áki Bertholdsen – Vit skulu fyrst og fremst vita! Tað er einasta vón fyri fram­burði og menning í Før­ oyum. Tað varð ein niðurstøða á pallborðsfundi á ár­sins vinnudegi í Norður­landa­hús­ inum í Havn fríggjadagin. Tey, sum sótu við pall­ borðið, vóru Ólavur Ellef­ sen, stjóri í Sim­prentis, Erika Hay­field, adjunktur í sam­felags­vísind­um á Fróð­ skapar­setrinum og Gunn­ bjørn Joensen, stjóri í Thor í Hósvík. Og spurningur, tey skuldu svara, var, hvat vit skulu duga í Føroyum fyri at menna sam­felagið. – Málið er at hava eitt livi­ ligt og dragandi samfelag við stórari virðisøking og spenn­ andi størvum, segði Ólavur Ellefsen – Og felagsnevnarin fyri tað er at vit hava vitanarstørv, legði hann afturat. – Og dømi um vitanarstørv eru teldufrøðingar, læknar, arkitektar, verkfrøðingar, bók­haldarar, sniðgevarar, lær­arar, listafólk og alt møgu­ ligt annað At skera flak er eisini eitt vitanarstarv, men Ólavur Ellef­sen heldur, at tað, sum hevur týdning, er, at hava størv, vit sjálvi hava tamar­ hald á, tí tað er hetta, sum kastar mest av sær, heldur enn størv, har tað eru onnur, sum hava ávirkan á. – Tað gongur ikki at vit, sum samfelag, stinga út í kortið, hvørjum vit skulu liva av, tí vit mugu byggja á tað, fólk hava hug til, og tað, fólk duga. – Men tað, sum hevur týdn­ing, er, at vit gera tað, sum eingin annar dugir, tí dugir onkur annar at gera tað sama sum vit, er altíð vandi fyri, at onkur annar finnur útav at gera tað nógv bíligari, ella at teknikkur verð­ur uppfunnin, sum ger tað sama, bara nógv bíligari. Erika Hayfield sigur, at nettupp hetta gevur okk­um møguleika at finna vinnu­ møguleikar á økjum, sum ikki eru roynd fyrr, men vit eiga eisini at vit duga at menna tey hugskot, vit fáa. – Men vitanarstørv er ein týðandi partur av okkara framtíð og tað byrjar alt við okkara útbúgvingarstovnum, sigur hon. Fuglurin í hondini Gunnbjørn Joensen heldur, at vit skulu leggja dent á fuglin, vit hava í hondini, altso tað, vit hava. – Vit hava fiskivinnu og alivinnu, men tað verður at kalla alt útflutt óvirkað. – Tað merkir, at vit eru veikast í okkara egnu rá­ vørum. Vit hava ein full­komi­ liga opnan arbeiðs­marknað í sambandi við talgilt arbeiði, men í sambandi við arbeiði við hondunum, eru forðingar á øllum økjum økjum. Stjórin í Hósvík heldur, at allar forðingar fyri at fáa útlendska arbeiðsmegi til Føroya, skulu takast av so at vit fáa tey fólk til landið, sum brúk er fyri. – Um nøkur ár situr kanska ein triðingur av før­ oy­ingum heima við hús og arbeiðir á teldu. – Fáa vit útlendingar henda­vegin, fáa vit ein veks­ andi búskap og ein nógv størri arbeiðsmarknað. Men hann heldur eisini, at tað er ein avbjóðing hjá okkara matvøruvirkjum, at gera arbeiðið spennandi, tí tað ringasta er at fáast við nakað, fólk ikki tíma. Í hesum sambandi stað­ festi Erika Hayfield, at vitan kann eisini vera ein rávøra. – Tað er umráðandi at velja sær tey størv, tey hava hug til. Men sum samfelag hava vit eisini eina avbjóðing at hugsa um, hvat vit hava brúk fyri, so tað er ein saman­ tvinning av báðum. Alt ov fá Men kann tað ikki vera ein trupulleiki, at tørvurin hjá vinnuni ikki samsvara til almenna útboðið av út­ búgvingum? Erika Hayfield heldur, at eitt, sum haltar, er, at eitt betri samspæl ímillum út­ búgvingarstovnarnar og vinnuna, fyri at gera út­ búgvingarnar meiri vinnu­ rættaðar. – Tá ið tað snýr seg sum lærlingar, er tað ein spurn­ ingur um tørvin hjá vinnuni og talið á lærlingum Ólavur Ellefsen heldur, at tað eru alt ov fá sum útbúgva seg í Føroyum. – Tað er fínasta slag at føroyingar fara uttanlands at úbúgva seg, tí tað kann geva íblástur. Men so skulu vit hava líka nógvar útlendingar til Føroyar at útbúgva seg, tí annars mangla tey fólkini her. Hann spyr eisini um vit ikki kunnu bjóða tær út­ búgvingar í Føroyum, sum før­oyingar annars fara uttan­ lands at fáa sær. – Vit kunnu ikki hava all­ ar útbúgvingar í Føroyum, men, kundu vit ikki havt ein lítlan læknaskúla? Ella eina Mangla 800 KT- í Føroyum HETTA SKULU VIT DUGA Tað er vitan og útbúgving, sum skal bera føroyska samfelagið framá. Men tað skal vera máti við, fyri ikki at fáa gjáarsjúku Vitan er vegurin Tað verður vitanarsamfelagið, sum fer at bera Føroyar framá, siga tey trý við pallborðið, Ólavur Ellefsen, høgrumegin, Erika Hayfield og Gunnbjørn Joensen, vinstrumegin Gjáarsjúkan er vælkend Teir bestu maskinmeistararnir í dag, eru kanska teir úr Eysturevropa