hósdagur 2. oktober 2014síða 38

Sosialurin nr. 112 · 3. oktober 2014 6 VIKUSKIFTI Í 2009 gjørdist Dagfinn Joensen úr Funningi sangari í rockbólkinum Fate, og síðani hevur hann verið í front fyri framførslum og innspælingum hjá bólkinum. Fate er danskur rockbólkur, ið hevði onkur hitt í 1980’unum. Teir góvust at spæla saman í 1993, men tá ið teir savnaðust til eitt tiltak í Týsklandi í 2004 gav tað hug at spæla saman aftur. Síðani hava teir framført á konsertum kring Europa og hava eisini givið nýggjan tónleik út – seinasta fløgan frá teimum kom í fjør, og tá var Dagfinn Joensen sannførandi sangari á útgávuni. Spania Síðst í oktober skal danski Fate á konsertferð í Spania. Fate skal hava fimm framførslur í Spania í døgunum frá 29. oktober til 2. november – millum annað í Zaragoza og í Madrid. Konsertferðin kallast If Not For The Devil, sum eisini er heitið á seinastu útgávuni hjá Fate, sum kom í fjør. Hendan útgáva fekk góð ummæli, og ikki minst Dagfinn var róstur sera nógv fyri sín vokal. Seinni í ár skal Fate eisini verða við á rockfestivali í Týsklandi. eydun@sosialurin.fo Dagfinn á spanskari ferð við Fate Tónleikur Eyðun Klakstein eydun@sosialurin.fo Tað hendi nakað við og í føroyskum tón­leiki, tá ið tónleikabólkurin Frændur í 1984 kom við fyrstu útgávuni, Saman við Tær. Sangir sum Hundurin Brúni, Minn­ist tú gildið, Lívsmynd og Sangur til frælsi gjørdu, at Frændur frá fyrsta degi vórðu eitt hitt. Síðani hava Frændur givið fýra studio­útgávur afturat umframt onkrar savns­fløgur út. Og afturat tí hava høv­ uðs­menninir í bólkinum hvør í sínum lagi og saman gjørt ein ørgrynnu av øðr­um sangum, sum føroyingar eisini kenna væl. Nú 30 ár eru liðin, síðani Frændu fyrstu tónarnar út, fer bólkurin at halda runda dagin. Tað verður gjørt við jubi­ leumskonsert í Klaksvík, har tey ætla at brúka báðar ítróttarhallirnar til tiltakið, ið verður 15. november. Tríggir á odda Steintór Rasmussen, Rani Nolsøe og Eyð­un Nolsøe hava øll árini verið høv­ uðs­menn í Frændur. Teir hav skrivað so at siga allar sangirnar, sum bólkurin hevur givið út og spælt, og teir eru fram­vegis á odda fyri bólkinum, tá ið hann av og á hevur onkra framførslu. Nógv­ir aðrir tónleikarar hava eisini spælt og sungið í Frændum, og eitt skifti mitt í 80’unum luttók ein long røð av sangarum á útgávum hjá Frændum. Við triðu útgávuni gjørdist bólkurin meira grundaður í teimum trimum odda­monnunum og hevur verið tað síð­ani. Halda dagin Sangirnir hjá Frændum hava fingið sítt egna lív, og hóast tað ganga bæði mán­ aðir og ár ímillum, at bólkurin veru­liga foldar seg út á pallinum, hevur tón­leik­ urin hjá Frændum tað sera gott. – Vit vilja gjarna halda okkara 30 ára dag saman við fólkinum, sum hevur tik­ið so væl ímóti okkara tónleiki, og vit bjóða bæði yngri og eldri at verða væl­ kom­in í føðingardag hjá okkum, sigur Stein­tór Rasmussen. – Vit hava tosað nógv um at halda hend­an dagin, og nú verður tað. Vit manna sterkastu manning at spæla Frænd­ur sangirnar, og vit gera nógv burt­ur­úr kvøldinum, har vit eisini fáa gesta­tónleikarar og undirhald. Tað er ikki so ofta, at vit standa á palli long­ur, og tí vilja vit gera tað ordiligt og stór­ slig­ið hesaferð, sigur hann. Umframt Frændur fara eisini aðrir tón­leikarar at luttaka á kvøldinum. Eitt nú fer bólkurin Flamma við gesta­sang­ ar­um at tulka Frændur sangir. Tað skal feirast Í ár eru liðin 30 ár, síðani Frændur góvu fyrstu sangirnar út. Bólkurin heldur føðingardagin í Klaksvík Frændur hava lagt fyrstu 30 árini aftur um seg sum helst best umtókti føroyski tónleikabólkur Dagfinn Joensen úr Funningi skal í næstum hava konsertir í Spania við donskum rockbólki