hósdagur 9. oktober 2014síða 6

Fríggjadagur 10. oktober 2014 · Nr. 115 6 Sosialurin Hugskot og viðmerkingar – send sms til 225000 Herferðin hjá Sea Shepherd í summar hevur sett mótstøðurørsluna móti grindadrápi í Føroyum fleiri ár aftur, sigur Pete Bethune, grindadrápsmótstøðumaður grindadráp Danjal av Rana Pete Bethune er allarhelst best kendur her um leiðir sum fyrrverandi Sea Shepherd­umboðið, sum stoytti saman við ein japansk­an hvalaveiðubát, men seinni vendi Paul Watson og Sea Shepherd bak­ið. Í dag er hann leiðari av sín­um egna umhvørvis­ vernd­ar­felags­kapi, Earth­ Race Conservation. Pete Bethune er enn mót­ støðumaður móti grinda­ drápi. Hann vitjar í hesum døgum í Føroyum og dylir ikki fyri, hvat hann heldur um herferðina hjá Sea Shepherd í Føroyum í ár. – Grindstop 2014 hevur sett okkum fleiri ár aftur. Tað, sum er hent her í Føroy­ um seinastu seks mán­aðir­ nar, hevur á ongan hátt tænt okkara søk, at steðga grinda­ drápinum. – Kjakið er blivið so ljótt, stundum er tað rein rasisma. Grundgevingarnar hava mist vit og skil. Sea Shepherd tosa um grindadrápið sum ein skiftis­siður, tað hevur jú einki við veruleikan at gera. Hesi ósannindini eru við til at økja um trupulleikan. 30 ára gamlar myndir vera nýttar, tey tosa um at smádreingir taka lut í drápinum, nýta orð sum blóðfest og Ferocious Islands (villar oyggjar). Alt hetta styggir tær hóvligu røddirnar í kjakinum burtur, og so er einki vunnið. Pete Bethune var í Føroy­ um í 2010, tá sum limur av Sea Shepherd. Túrurin var ein liður í fyrireikingunum til átakið hjá Sea Shepherd í Føroyum í 2011, sum tey nevndu Ferocious Islands. – Tað, sum Sea Shepherd gjørdu í ár, er júst tað, vit ætlaðu at gera tá. Men tá eg hevði verið her, skilti eg, at eitt tílíkt átak fór ikki at tæna okkara endamáli. Eg skilti, at føroyingar ikki fóru at lata seg boyggja fyri út­lendskum trýsti, og at eitt tílíkt átak einans fór at samla tjóðina ímóti okkum, eis­ini tey, sum vóru ímóti grinda­dráp­inum. Hetta sóu vit, tá stríð bleiv ES og granna­londini um sildina og makrelin, og nú vísir tað seg aftur í verki, sigur hann. Sambært Pete Bethune vóru alsamt fleiri føroyingar farnir at vísa sína mótstøðu móti grindadrápinum, men framferðin hjá Sea Shepherd í summar hevur fingið teir at trekkja seg aftur. – Tey tora ikki longur at standa fram alment og kjak­ast um grindadrápið, tí tey eru bangin fyri at verða bólkaði saman við Sea Shepherd. Kjakið millum Sea Shepherd stuðlar og føroy­ingar er vorðið so klovið. Antin ert tú fyri ella ert tú ímóti. Antin ert tú føroy­ingur ella ert tú Sea Shepherd. Pete Bethune heldur, at Grindstop 2014 hevur framt ómetaligan skaða á søkina, at steðga grindadrápinum í Føroyum. – Tey, sum luttaka í kjak­ inum nú, eru í stóran mun tey mest víðgongdu á báðum síðum. Hetta eru eisini tey, sum ikki fara at broyta hug­ burð, líka mikið hvat. Men tey eru ein minniluti. Tey, sum kunnu steðga grinda­ drápinum í Føroyum, eru tey í miðjuni. Men tey hóvligu í miðj­uni halda seg burtur, nú kjakið er so hart og ljótt, og teirra rødd er tí tagnað. – Tað eru fólk í Føroyum, sum eru ímóti grindadrápi. Tey tóku lut í kjakinum fyrr í ár, men hava meiri ella minni fullomiliga trekt seg aftur nú. Tey luttaka ikki longur alment í kjak­inum, men fleiri teirra skriva bein­ leiðis til mín og stuðla okkara ar­beiði. Tað eru tó hesi, sum skulu til, fyri at broyta hugsan­ina hjá van­liga føroy­ing­inum og politikk­ar­unum. tær hóvligu røddirnar Grindstop hevur køvt