hósdagur 9. oktober 2014síða 7

7 Fríggjadagur 10. oktober 2014 · Nr. 115 Sosialurin Hugskot og viðmerkingar – send sms til 225000 Pete Bethune er ivaleysur í síni søk. Grindadrápið í Før­ oyum fer einans at steðga, tá føroyingar sjálvir ynskja at steðga tí. – Hetta má vera ein av­ gerð, sum føroyingar sjálvir taka. Tað kann verða, at tað krev­ur eina lógar­broyt­ing frá Løg­tinginum, men hon kem­ur ikki, fyrr enn ein muna­góður partur av føroy­ ing­um eru ímóti grinda­dráp­ inum, sigur hann. Granskingin má mennast Pete Bethune sigur, at tíð­in er komin at fáa nýggj hag­tøl á borðið, tí tey, sum føroy­ ingar nýta, eru skjótt 30 ára gomul. – Tølini, tit nýta, eru frá 1980-unum og 1990-unum. Vit vita sostatt ikki við vissu, um tað í dag eru um 800.000 hvalir í Norðuratlantshavi. Og um tað so eru 800.000 hvalir, so eru tað ikki allir 800.000, sum eru í før­ oyskum øki. Okkum tørvar betri hagtøl og betri vitan um, hvussu hvalurin ferðast. Pete Bethune minnir á, at hann er ímóti grinda­dráp­ inum, men at um føroy­ingar veruliga ynskja eina burðar­ dygga veiðu, so mugu røtt tøl á borðið. Pete Bethune dregur eina samanbering við makrel­ fiskiskapin. – Tá útvegaðu føroyingar sær væl grundaði tøl um samlaðu nøgd­ina av makreli, um hvussu nógvur makrelur er í føroyskum øki og hvussu leingi hann er í føroyskum øki. Síðani ásettu tit tykkum tað, sum tit hildu vera eina rímiliga kvotu. Hetta er tó ikki gjørt við grinda­hval­ inum. Tit vita ikki hvussu nógvir teir eru, hvussu nógvir eru í føroyskum øki ella hvussu leingi teir eru í føroyskum øki. Tí er torført at tosa um nakra burðardygga veiðu, sigur Pete Bethune. – Granskingin vísir, at grinda­hvalurin ferðast ikki so víða. Tað letur til, at ymiskir stovnar av grinda­ hvali halda til á ymiskum støðum. Tað er ein stovnur við Grønland, ein annar við Ný Fundland og ein triðji her í Føroyum og so fram­ vegis. Tað letur eisini til, at tað er sera lítil ferðing mill­um stovnarnar. Men vit vita ikki, hvussu stórur før­oyski stovnurin er. Tit drepa flestu hvalirnar, tit síggja. Brádliga kunnu tit koma í skaða fyri at drepa sein­asta grindahvalin í før­ oysk­um sjógvi, sigur Pete Bethune og vísir á, at í økjum í Stillahavinum er grinda­ hvalurin longu útdeyður. Hvalakjøt er ikki mannaføði Í 1986 setti altjóða hvala­ veiðu­nevndin eitt forboð í gildi móti vinnuligari hvala­ veiðu. Pete Bethune sigur, at hetta forboðið var við til at broyta hugburðin hjá nógv­ um mótvegis hvalakjøti sum mannaføði. – Meðan fólk fyrr hugs­ aðu at hvalakjøt var eins og oksakjøt ella svínakjøt, so fekk hvalurin nú sama støði sum hundurin og kettan. Meðan fólk í ávísum partum av heim­inum enn eta kettu, so er tað óhugsandi um okk­ara leiðir. Nógvastaðni hevur hvalurin skift bólk, so at tað ikki longur verður roknað bara sum føðsludjór. Hendan broytingin er ikki farin framm í Føroyum, tí tit veiða enn hval, men eg vænti hon kemur, sigur Pete Bethune. Pete Bethune, væntar, at tað vera kvinnurnar, sum fara at steðga grinda­dráp­ inum í Føroyum. – Tit kenna væl til heilsu­ frøðiligu vandarnar við at eta hvalakjøt. Kvinn­ur­nar hava tikið hesi heilsu­frøði­ ligu ráðini til sín og eru í stór­an mun givnar at eta grind. Teir geva heldur ikki børn­unum hjá sær grind at eta. Í nógvum føroyskum heim­um standa tær eisini fyri matgerðini, og borðreiða har als ikki við grind. Soleiðis fær grindin ein alsamt minni leik­ lut í føroyska kostinum. grindadráp Kjakið millum Sea Shepherd stuðlar og føroy­ingar er vorðið so klovið. Antin ert tú fyri ella ert tú ímóti. Antin ert tú føroy­ingur ella ert tú Sea Shepherd – Tað, sum Sea Shepherd gjørdu í ár, er júst tað, vit ætlaðu at gera tá. Men tá eg hevði verið her, skilti eg, at eitt tílíkt átak fór ikki at tæna okkara endamáli, sigur Pete Bethune Mynd: Álvur Haraldsen