hósdagur 9. oktober 2014síða 8

Fríggjadagur 10. oktober 2014 · Nr. 115 8 Sosialurin Hugskot og viðmerkingar – send sms til 225000 Vilmund Jacobsen Týskvøldið klokkan 19 var móttøka í Skopun, tá Ítrivslonin, sum húsast í kjallarahæddini á Tunguvegi 51, læt upp alment. Ítrivslonin er ætlað øllum kvinn­ um - ungum, tilkomnum og eldri - í allari Sandoynni. Stívliga 30 kvinnur kring um úr oynni vóru til móttøkuna og vístu sín áhuga fyri tí ítrivsvirksemi og samverumøguleika, sum nú er skaptur í hugnaligu hølunum. Borðreitt varð við góðum kaffi, te og leskiligum køkum, og rættiligur hugni var yvir hesi løtu. Orð á vegnum Tað var Katrin Petersen, sum vegna stigtakararnar beyð vælkomin. Hon segði, at hugskotið eiga Bjørk Hentze og Heiðrún Hansen, sum báð­ar hava gingið til veving í Havn. – Tað er ikki eg, sum eigi hetta hugskot, legði hon dent á. Borgarstjórin í Skopunar komm­ unu, Gerhard Lognberg, segði eisini nøkur orð og fegnaðist um frálíka tiltakið, ið honum og bygdarráðnum líka óføra væl. Hann legði eisini dent á, at Ítrivslonin er fyri allar kvinnur úr allari Sandoynni. – Tað er ógvuliga gott at koma saman - og ikki minst at kunna gera handaligt arbeiði samstundis. Gerhard Lognberg segði, at tá Heiðrún Hansen og Bjørk Hentze høvdu vent sær til hansara um møgu­leikan at útvega hølir til handa-ligt arbeiði, bar Skopunar kommuna skjótt at. – Jú, kommunan var ógvuliga positiv beinanvegin. Vit hava áður leigað hesi hølir gjøgnum nógv ár til onnur endamál, eitt nú til spælistovu, og nú hølini stóðu tóm, var hetta eitt frálíkt høvi at fáa hølini til brúks aftur. Trolvirki í Skopun Borgarstjórin nevndi, at tá hann var óviti, var eitt trolvirki í Skopun, og her arbeiddu bæði menn og kvinnur. – Eg havi seinni lagt til merkis, at bygdin hevur fostrað rættiliga nógvar og dugnaligar trolmenn. Lítið man vera at ivast í, at trol- arbeiði, sum var í bygdini í sínari tíð, hevur havt sína ávirkan. Gerhard Lognberg helt, at Ítrivs­ lonin er eitt spennandi tiltak, og hann segði seg vera fullvísan í, at okkurt gott fer at spyrjast burtur úr. – Tað er eisini serliga stuttligt, at hetta er eitt tiltak, sum øll oyggin er við í. Skemtiliga helt hann fyri, at um uppmøtingin fer at vera líka góð sum nú við móttøkuna, segði hann seg rokna við, at neyðugt verður skjótt at byggja hølini út. Hann helt eisini fyri, at nú kunnu kvinnurnar í Ítrivslonini kappast við menninar í Undirhúsinum. – Munurin millum Ítrivslonina og Undirhúsið er, at kvinnurnar fara at gera okkurt til nyttu, meðan menn­inir bara sita og práta og for­ telja søgur. Gerhard Lognberg luftaði eisini møguleikan um samstarv millum Undirhúsið og Ítrivslonina, men helt skemtiliga fyri, at hetta neyvan kann gerast til meira enn ein felags jólafrokostur. Borgarstjórin nýtti eisini høvi at ynskja stigtakarum og teimum, sum fara at brúka hølini á Tunguvegi 51, bestu eydnu. Fleksibul konustova Poulina Jóanesardóttir, sum hevur fingist við og hevur undirvíst í veving í fleiri enn tríati ár, segði eisini nøkur orð við móttøkuna og vísti á, at áhugin fyri veving er stórur. Hon fegnaðist um góðu og snotu­ligu hølini, men helt fyri, at ein vev­stova er eitt arbeiðspláss - og ikki ein skrivstova - og tí nýtist ein vevstova ikki endiliga at vera á bonaðum gólvum. – Tað er umráðandi, at kvinn­ ur­nar, sum fara at brúka hesi høli, finna væl út av tí saman, soleiðis at Ítrivslonin verður brúkt sum mest - og av so mongum sum gjørligt. Tað er umráðandi, at eingin sleppur at bestemma bara fyri at bestemma, men at fólk eru fleksibul og finna út av tingunum saman. Poulina Jóanesardóttir segði seg vóna, at Ítrivslonin fer at verða brúkt hvønn dag í árinum - ja, helst í 365 dagar um árið. Kvinnur í Sandoy hava sína egnu Ítrivslon í Skopun Umframt at høvi verður hjá kvinnum í øllum aldri at vera saman um handaligt ítrivsvirksemi, samveru og hugna, er tankin við Ítrivslonini eisini at samansjóða kvinnur í allari Sandoynni Á myndini eru stigtakarar, nevnd, umboð fyri vakstrarætlanina og umboð fyri Skopunar bygdarráð Stívliga 30 kvinnur vóru til móttøkuna í Skop tíðindi