mánadagur 13. oktober 2014síða 26

Mánadagur 13. oktober 2014 · Nr. 116 26 Sosialurin Hugskot og viðmerkingar – send sms til 225000 ítróttur Tróndur Arge – Windsor Park Føroyar vóru ikki meiri enn komnir í ringin, so lógu vit niðri fyrstu ferð. Eitt Mike Tyson slag beint í høvdið, og so í gólvið longur aftaná sjey minuttir. Í tjúgu minuttir royndu vit at standa í móti, meðan Muhammed Ali í samfullar tjúgu minuttir dansaði rundan um okkum og sendi eitt jab avstað fyri, og annað eftir. Júst sum trýstið minkaði og okkara hómaðu ein veg aftur í dystin, kom avgerandi slagið beint í solarpleksus. Fyri aðru ferð var talan um deyðbóltsstøðu, har okkara ikki megna at verja fyri. 2-0 til Norðurírland og dyst­urin er so gott sum taptur. Vit fingu ein gyltan møgu­leika at minka um mun­in upp á brotsspark, men heldur ikki tað eydn­ aðist í einum hálvleiki, sum var einki minni enn ein marra. Æran verður til deils bjargað í seinna hálvleiki, ið endar málleysur. Føroyska lið­ið kemur ikki til teir heilt stóru møguleikarnar, men spælið er á eini góðari leið. Marru hálvleikurin Tað besta við fyrra hálvleiki var, tá dómarin bríkslaði fyri seinastu ferð. Føroyska liðið bleiv frá byrjan til enda spælt og spulað umkoll á Windsor Park. Norðirírarnir gjørdu júst sum teir vildu, og kundi havt verið á odda við upp aftur fleiri um teir vóru neyvir, ella um Gunnar Nielsen ikki stórbjargaði einu ferðina. Munurin á hesum dyst­ inum og dystinum móti Finn­ landi er, at Gunnar Nielsen ikki gjørdi eina meistar­liga bjarging fyrr enn støðan var 2-0. Í so máta er verju­ spælið yvir alt liðið í báðum dystunum ov vánaligt. Longu áðrenn Gareth McAuley legði Norðurírland á odda eftir horna í sjeynda min­utti ánaði tú ilt. Okkara megnaði ikki so mikið sum at raka hvønn annað – fyri ikki at tosa um at fáa bóltin frá norðurírunum, sum sikkurt kundi vunnið HM hesa løt­ una, so lætt teir høvdu tað. Eitt hornaspark verður sent innfyri og longt. Við handari stong missir Fróði Benjaminsen Gareth McAuley, ið kann seta fótin á og skora. Miðskeiðis í hálvleikinum gongur aftur gali. Eftir fleiri villur á føroyska liðnum verða vit revsaðir. Shane Ferguson sendi ein bólt inn í brots­teigin, har Kyle Lafferty leik­andi lætt kundi stýra bóltin í málið úr stuttari fjar­støðu. Alt tað føroyska lið­ið stendur og svevur, og so megnar Atli Gregersen ikki at fylgja stóra áleyparanum, sum skoarar. Í løtuni aftaná málið hevur hann tríggjar møgu­leikar afturat. Brendu brotsspark Tíggju minuttir fyri hálvleik fingu okkara ein gyltan møgu­leika at fáa eitt sindur av uppreisn. Fyri aðru ferð megna vit at hava fleiri enn tvær samanhangandi av­ lev­er­ingar. Hallur Hansson leggur ein góðan bólt inn til Jóan Símun Edmundsson, sum bleiv hálaður niður. Væl runnið av Jóan Símuni, sum spældi yvir fyri fyrrverandi lið­felagnum úr Newcastle, Shane Ferguson. Fróði Benjaminsen tók ábyrgdina á seg, men ólukku tíð, so valdi fyrrverandi Man­ chester United málverjin, Roy Carroll, røttu síðu og bjarg­aði. Eftir bókini, so er brots­sparkið væl skotið. Tað er hart og heilt út í høgru síðu hjá Roy Carroll, men er ein tonn ov høgt, so málverjin fær hondina á. Tíggju minuttir seinni kom størsti lættin í fyrra hálv­leiki, tá dómarin bríksl­ aði fyri seinastu ferð. Ein marru hálvleikur. Góðkendur seinni hálvleikur Í seinna hálvleiki riggaði nógv betri. Okkara reistust og tordu nú at spæla bólt, og odaðu seg inn á norðurírsku hálv­una. Verjan fekk fatur á stóra framherjanum, Kyle Lafferty, ið gav verjuni grá hár í høvdið í fyrra hálv- leiki. Alíkavæl vóru tað vert­ ir­nir, ið vóru nærri við at fáa mál, tá ein teirra kom at standa púra leysur í brots­ teig­inum, men rakti ikki málið. Tað eru ymiskar mein­ing­ ar um hví seinni hálvleikur spældi av sum hann gjørdi. Úr føroysku leguni verður sagt, at tað er tí at vit spæla væl. Onnur meta, at tað eru norður­írar, sum taka ferðina úr dystinum, og hugsa um teirra komandi dyst nú týs­ kvøldið. Sum skilst, so hava fólk úr norðurírsku leguni sagt, at teirra spælarar vóru troyttir og kendu seg hóttar í seinna hálvleiki. Helst er sannleikin ein blandingur av øllum. Koma ikki til møguleikar Føroyska liðið kom til tríggj­ ar royndir á mál, sum eru verd­ar at tosa um. Allir í fyrra hálvleiki. Jóan Símun Edmunds­son og Christian L. Holst høvdu hvørtsítt skot uttan­fyri brotsteiginum, um­ framt brotssparkið. Afturgangandi fyri bæði hendan dystin og dyst­in móti Finnlandi er, at okk­ara ikki megna at hótta mótstøðu­ liðið nóg nógv. Tað ber ikki til at leggja alt á Páll Klettskarð, tí hann fær heldur ikki nógv at arbeiða við. Dagarnir við Toda Jónsson ella Rógva Jacobsen í álopinum og frísparks­ snilling­inum Súna Olsen á miðjuni eru vekk. Vit fingu einki burturúr okkara deyð­bóltum og samanlagt fram­rættaði parturin av spæl­inum hjá okkum av tann­leysur. Næst bestir Tá tú ert næst bestur í einum fótbóltur Brandur og Kaj Leo debut Brandur Hendriksson Olsen og Kaj Leo í Bartalsstovu komu inn til fyrstu minuttirnar á A-landsliðnum. Kaj Leo hevur tók spælt við eina ferð fyrr, men dystur móti U23 landsliðnum hjá Teilandi er ikki FIFA skrásettur. Leygardagin 11. oktober, kl. 19.45 Undankappingardystur - Windsor Park, Belfast N.írland vs føroyar (2-0) 2-0 1-0: Garet McAuley 6. 2-0: Kyle Lafferty 20. í Belfast Føroyku spælararnir blivu spældir og skumpaðir av Windsor Park í ferðmiklum fyrra hálvleiki. Tá vit komu fyri okkum í seinna hálvleiki var spælið spilt. Vit fingu eina lívlinju, men hetta var bara ikki dagurin Boksaðir og bukaðir