týsdagur 14. oktober 2014síða 8

Mikudagur 15. oktober 2014 · Nr. 117 8 Sosialurin Hugskot og viðmerkingar – send sms til 225000 meldurin Jón Brian Hvidtfeldt – Reaktiónirnar hava verið sum væntað. Summi eru positiv og biðja okkum koyra á, onnur halda okkum vera svakar. Jóannes Petersen er farin aftur til Keypmannahavnar, har hann hevur búð síðani 1993. Eftir í Føroyum liggur ein ætlan, sum hevur verið stóra samrøðuevnið síðani fram­løguna á Hotel Føroyum seinna­partin hósdagin í síðstu viku. – Nei, tað hevur ikki verið tað reina halleluja. Men áhug­in hevur verið har, sigur Jóannes Petersen og tekur fram facebook-síðuna hjá Airport 19, sum hevur verið dúg­liga vitjað síðstu dagar­ nar. Airport 19 er higartil bara at finna á tekniborðinum og sum myndir og video í tal­gilda heiminum, eitt nú á face­book. Nýggja flogoyggin í Tanga­firði tekur seg væl út í teimum simuleringum, sum higar­til eru gjørdar. Tað sama ger prísurin, sum verður mettur til 5,6 milliardir krónur. Kortini er stigtakararin væl nøgdur. Í hvussu er fyri­ bils. – Eg havi arbeitt við hes­ um síðsta árið, havi brúkt nógva tíð og vil nú gjarna leggja uppskotið alment fram. Eg trúgvi 100 prosent upp á verk­ætlanina, og vil fegin síggja hana veksa, sigur Jóannes Petersen. Afturat sær hevur hann flogskiparan Rúna Højgaard, arkitektar­nar og gomlu starvs­felagarnar Albert Isfeld og Gudmund S. Hansen, verkfrøðingurin Preben Hansen umframt onnur. – Íblásturin kom frá eini linjuføring, sum varð gjørd í sam­band við Eysturoyar­ tunnilin. Eg byrjaði í smá­ um við skitsum, luftaði tank­an um eina floghavn fyri flogskiparanum Rúna Højgaard, sum beinanvegin vísti hug­skotinum áhuga, og so varð arbeitt víðari harfrá. Jóannes Petersen tekur fram argument, ið stuðla undir staðsetingina. – Har eru eingi fjøll, turbu­lensurin verður lítil og eingin, og regulariteturin verður útvið 100 prosent, sigur arkitekt­urin, sum byggir síni argument á met­ ingar hjá roynda flog­skipar­ anum. Tí kanningar eru higartil ongar, ið byggja undir argu­ mentini. – Nei, enn eru ongar kann­ ingar gjørdar av, hvussu væl økið er egnað til eina floghavn. Tær skulu sjálv­ andi eisini gerast, men fyrst mugu vit fáa pengarnar upp á pláss, staðfestir Jóannes Petersen. Fíggingin Hóast talan er um eina verk­ ætlan fyri milliardir, so eru higartil eingir pengar komnir á borðið. Einasta, beinleiðis út­reiðsla hjá toyminum, sum arbeiðir við Airport 19, er onkur rokning í samband við sjálva framløguna á Hotel Før­oyum síðsta hósdag. – Men hinvegin er nógv tíð og orka løgd í verk­ætlan­ ina, sigur Jóannes Petersen. Í somáta er stóra verk­ ætlanin nú á einum vega­ móti. – Tað, sum nú skal gerast, krevur pengar, staðfestir Jóannes Petersen og váttar, at sjálvt kanningarnar av veð­ur og vindi í Tangafirði og við Flesjarnar krevja ein íleggjara. Sjálvt hevur Airport 19 toymið onga fíggjarliga styrki. – Nei, vit gera ikki meira nú uttan fígging. Her mugu pengar á borðið, staðfestir Jóannes Petersen enn eina­ ferð. Hetta við pengunum hevur eisini verið stóra argu­ mentið hjá teimum kritik­ arum, sum Jóannes Petersen hevur møtt síðsta árið, meðan hann hevur arbeitt við flog­havns-ætlanini. meldurin – Finna vit ongan privatan íleggjara, so steðga vit her. Men eg trúgvi fult og heilt upp á verkætlanina og vil síggja hana veksa seg stóra, sigur 61 ára gamli arkitekturin úr Klaksvík, sum síðsta árið hevur teknað ta floghavn, ið hann nú skal finna fígging til Vit fara fyrsta dagin at søkja landsstýrið um loyvi at brúka hetta økið til okkara verkætlan, mest fyri at tryggja okkum, at eingin annar fer avstað við tí í Tanga­firði Luft­ kastellir