hósdagur 16. oktober 2014síða 39

Sosialurin nr. 118 · 17. oktober 2014 7 VIKUSKIFTI LURTA! E g fari hvørki á fjall ella í grind. Eri heldur ikki á floti og sígi ikki ella grulvi í bjørg­unum. Skjóti ikki haru ella stingi gás í nakkan við felli­knívi ella springknívi. Eigi kortini hjall. Havi onga eplaveltu ella aðra veltu. Gangi ikki í kirkju ella á møti ella á plenuna hvønn sunnu­dag. Kortini búgvi eg í Føroyum. Í landinum, sum noyðist at tola akademikara­ trot, tí føroyska universitetið ikki fær eina milliard í fíggjarlógini. Nei, gevið mær heldur turra grind og ræst kjøt, epli og seiða­ frikadellur. Men tað er nógv ómakaleysari og nógv bíligari, umroknað til tíma­løn og íløgur, at fara í ein handil og keypa sær tað, sum skal í døgurðapottin, og stjala røturnar. So tað geri eg, eg keypi í staðin fyri at drepa. Ikki serliga kallmansligt ella føroyskt. Tarsan, hann fer á mannfólka­ legu millum innløgurnar, 666 minus 665 klikk frá Sodoma. Sodoma var sum skilst ein býur, har sum fólk livdu lívið hesu megin ævinleikan, og sam­ kynd fingu frið fyri øðrum enn øðrum samkyndum. Nógv tann seigasta isman er funda­mentalisman. Hon er ikki ein isma sum kemur og fer. Hon er komin fyri at vera, eisini í vina­býunum Sodoma og Gomorra. Heldur ikki teir fingu frið. Eg havi eitt gott prinsipp, eina góða grundreglu. Eg havi nógv prin­sipp. Øll eru sjálvandi góð, haldi eg sjálvur. Tey eru bæði burðar­dygg og avgjørt costbenefit og hald­før sum frá líður. Eg kann nevna eitt, sum eisini onnur kunnu fáa bæði gleði og gagn av. Sjáldan leiðast tey bæði annars, gagn og gleði. Tú drekkur ikki snaps aftur við brokkoli. Jú, eg skræði altíð brævbjálvar við rúti seinnapartin ella um kvøldið. Nei, eg lati ongantíð, varisliga og ansin, upp bræv­ bjálvar við termorúti eftir miðjan dag fyri ikki at missa svøvnin. Lati teir upp eftir morgunmatin dagin eftir, teir eru komnir. Tí tá er sálin sterkast, sinnið hvílt og best fyri at taka skelkin. Liggur ein rokning í post­ kassanum fríggjadag, sleppur hon at liggja har til mánamorgunin fyri ikki at oyðileggja tríggjar ferðir náttarsvøvnin og eitt heilt viku­skifti omaná. Ikki tí, rokningar kunnu vera hugnaligur lesnaður og rímilig tøl. Tað hendir, men ikki ofta, at rokningar eru minni enn væntað. Men tað veit eg ikki, so leingi, rokningin er innan fyri rútin, og vindeygað ikki er latið upp. Og tí er best at goyma rokningar til eftir vistfrøðiligan og kostráðgivnan morgunmat við keðiligum tægrum og hálvt bók­ stava­raðið av vitaminum. Hví skulu fartelefonir í Føroyum hava ð? Eingin, sum veit, hvar ðini eiga at vera í orðu­ num, dugur at skriva sms-boð og enn minni at senda tey. Eg haldi, at vit eiga at byrja við at fáa føroyskt inn í fólka­ skúlan, áðrenn vit fara eftir undir­haldinum og snildlum og teldlum og krevja ð í lumma­ roknaran. Fyri at kunna brúka føroyskt í talgildu sæluni krevst fram um alt annað at duga føroyskt. Tað góða ð hevur serligar avbjóð­ingar og heldur ongan góðan við ð. Tað man vera tí, at í Danmark hava tey einki ð. Har ber heldur ikki til at senda eini smð bo. Kærleiki er uppreklameraður og yvirmettur. Hann er sum ein fót­bóltsdystur, varar í tveir tímar, og tá er hálvleikurin taldur við. Munurin er bara, at báðir partar tapa. So óreinur er fótbóltur kortini ikki. Har semjast tey við­hvørt um javnleik og at býta stigini, hálvt annað í part, og føroy­ingar fáa sum vant einki. Men, sum sagt, eg gangi ikki við byrsu í fjøllunum ella við knívi í fjøruni. Eg fari til handils við einum beri­posa. Ikki júst serstøk tjóð tað. Umafturafturum høgni djurhuus Móðurmálsviðursløn 2012 Á fjall við beriposa LURTA LES & UPPLIV lagt til rættis: Eyðun Klakstein Amerikanskur veteranur imponerar Rustaða røddin hjá John Mellencamp er í miðdeplinum á 22. útgáuni hjá honum. Sangarin og sangskrivarin, sum hevur selt meira enn 40 milliónir plátur, er aktuellur við útgávuni Plain Spoken, ið er rólig og hugtakandi. Melankolsku sangirnir av víddunum byggja á ameri­kanskan fólka­tónleik og verða spældir og sungnir sann­førandi. Hetta er old school av tí góða slagnum! Poppstjørna var heimleys Eitt av nýggjaru nøvnunum innan popptónleik er Ed Sheeran, ið er ættaður úr Onglandi. 23 ára gamli tónleikarin hevur í ár hittað við fleiri sangum og líður onga neyð. Men tað vóru dagar, tá ið hann stríddist fyri at fáa gerandisdagin at hanga saman. Í fleiri ár hevði hann einki veruligt heim at fara til og mátti verða kreativur fyri at finna støð at gista. Tað kom javnan fyri, at hann var á náttklubba til klokkan fimm um morgunin, og síðani svav nakrar tímar í tokvogni. Bannaði klassikarin Tá ið Mark David Champmann í 1980 drap John Lennon, hevði hann bókina The Catcher In The Rye uppi á sær, og tá ið John Hinckley royndi at drepa forsetan Ronald Reagan í 1981, segði hann seg hava fingið íblástur frá somu bók. Umstríddi klassikarin hjá J.D. Salinger var eitt skifti bannaður á amerikanskum skúlum og á bókasøvnum, men framvegis er bókin millum stóru skaldsøgurnar í heimsbókmentum. Søgan snýr seg um 17 ára gamla Holden Caulfield, sum gevst á skúla og ætlar sær heim til familjuna, men fyrst fer hann til New York. Nú skulu kvinnur verða Ghostbusters Fyri 30 árum síðani var filmurin Ghostbusters eitt stórt hitt kring heimin, og í høvuðsleiklutunum vóru teir væl uppløgdu Dan Akroyd og Bill Murray. Fimm ár seinni kom enn ein filmur við teimum, sum ikki gjørdist eins væl umtóktur. Og nú skal triði filmurin í røðini gerast, og hesaferð verða tað kvinnur, sum skulu jagstra spøkilsi. Bill Murray heldur, at tað er eitt fínt hugskot og hevur sjálvur nøkur hugskot um, hvør skal spæla við í filminum. Paul Feig, ið leikstjórnaði Bridemaids, skal gera nýggja filmin. Nana Mouskouri slapp ikki á pensión Í vikuni fylti grikska songkvinnan Nana Mouskouri 80 ár. Hon telist millum mest seljandi sangarar í heiminum nakrantíð. Hon hevur selt umelið 350 milliónir plátur, og tað er á hædd við Mariah Carey, The Eagles og Celine Dion. Fyri nøkrum árum síðani ætlaði Nana Mouskouri at gevast at syngja, men tað slapp hon ikki fyri sínum mongu fjepparunum, sum fingu hana á pall aftur. Í januar hevur hon konsert í Herning í Danmark. Aria ger comeback Leygardagin fara tey at hátíðarhalda, at KÍ kvinnur í ár hava sett heimsmet við 15 meistaraheitum á rað. Í sambandi við seinasta dystin hjá kvinnunum verður ymiskt hátíðarhald, og dagurin endar við, at poppbólkurin Aria, sum ikki hevur spælt til alment tiltak í meira enn 10 ár, fer á pall í Badmintonhøllini. Jógvan Hansen, sum hevur etablerað seg sum tónleikari í Íslandi, er sangari í Aria og kemur sjálvsagt heim til framførsluna. UPPLIV! LES!