hósdagur 16. oktober 2014síða 42

Sosialurin nr. 118 · 17. oktober 2014 10 VIKUSKIFTI Reality sendingar Barbara Holm barbara@sosialurin.fo 31 ára gamla Sissal Olafsdóttir býr í dag í Gentofte saman við 10 ára gamla son­ inum. Hon lesur til sosialráðgeva, og fyrireikar seg til kommunuvalið, sum verður um tvey ár, tí tá ætlar hon sær at stilla upp. Hon er ikki tann sama gentan, sum var at síggja á skíggjanum fyri 11 árum síðani í realitysendingini Big Brother. Tey flestu munnu minnast tá hon hitti ein mann í sendingini, hevði sex við honum fyri opnum skíggja, og síðani føddi son sín 9 mánaðar seinni. Men hóast Sissal er nógv broytt, og í dag heldur, at ein skal vera ansin tá ein meldar seg til reality sendingar, so er hon ikki kedd um, at hennara for­ elsk­ilsi varð fullført framman fyri fleiri hundrað túsund hyggjarum. – Keðiligt er tað ikki í dag. Men eg hugsaði tey fyrstu árini aftaná, at tað var pínligt, tí mín familja og vinirnir skuldi síggja tað, og hoyra um tað sum slatur og so framvegis. Men eg hvíli í mær sjálvari nú eins og tá, sigur Sissal. Hon vísir á, at tað hoyrir ung­dóm­ inum til at taka heldur óumhugsaðar av­gerðir, og ikki altíð síggja avleið­ ingar­nar av teirra gerðum. Men soleiðis skal tað eisini vera. – Tað er púra menniskjaligt at hava sex við einum tú ert forelskað í. For­ elskilsi er ongantíð nakað ringt, vísir Sissal á. Men at fara til Føroya aftaná var tungt, tí føroyska samfelagið tá var heldur snævurskygt, og hugsað varð nógv um, hvat øll mundu fara at siga til hetta. Tíbetur er føroyska samfelagið broytt til tað betra. – Eg minnist tá, fyri 10 árum síðani, hvussu lítið tolerant tað føroyska samfelagið var. Og tí var eg bangin fyri, tá eg kom út aftaná Big Brother. Men í dag er tað eitt blómandi tolerant samfelag, og tað eri eg sera errin av, sigur Sissal. Hon minnist aftur á ein túr hon hevði til Føroya saman við einum øðr­ um Big Brother luttakara eftir sending­ ina, sum var samkyndur. – Fólk spýttu eftir okkum á gøtuni tá, men í dag savnast fleiri túsund føroy­ ingar til Gay Pride. Tað er fantastiskt, sigur Sissal. Realitysendingar eru broyttar Í 2003 vóru realitysendingar nakað ann­ að, enn tær eru í dag. Tað var heldur nýtt um okkara leiðir og tískil eisini spenn­andi. Tað var avbjóðandi fyri lut­ takararnar, og tað var orsaka av hesum, at Sissal vildi royna seg. – Tað fór yvir um mørk og var sera av­bjóðandi fyri okkum luttakarar. Í dag snýr tað seg bara um at drekka, skapa vinabond, at hava kríggj og spilla hvønn annan út. Tað er í øllum førum so­leiðis tað kennist, tá ein hyggur í dag, sigur Sissal. Tá Sissal var við í Big Brother var tað mest avbjóðandi av øllum, at lut­ takararnir ikki fingu loyvi til at tosa um sítt lív uttanfyri sendingina. Og soleiðis varð frælsið tikið frá teimum. – Fólk hugsa ikki um hvussu nógv ymiskt tey uppliva í einum degi, og hvussu nógv fólk tey tosa við um alt møguligt. Har inni í Big Brother hús­inum tosaði tú bara við tey somu fólkini, og tí var einki at tosa um aftaná nakr­ar dagar, sigur Sissal. Hon vísir á, at fólkini handan Big Brother høvdu sera stórt vald yvir sínar luttakarar. Tey avgjørdu nær og hvat tey skuldu eta, nær tey skuldu í song og so framvegis. – Aftaná tvær vikur í húsinum høvdu allir luttakararnir marruna, og fingu sálarliga hjálp. Sálarfrøðingur segði mær, at tað var sera vanligt at fáa marruna, tá ið ein als ongar nýggjar Vísti meg sum eina púra vanliga unga kvinnu – Eg eri ikki kedd um, at eg varð forelskað í einum øðrum Big Brother luttakara, og hevði sex við honum, eins og allar aðrar ungar kvinnur gera tá tær eru forelskaðar, sigur Sissal Olafsdóttir, sum var við í Big Brother fyri 11 árum síðani mynd: privat tema