hósdagur 16. oktober 2014síða 43

Sosialurin nr. 118 · 17. oktober 2014 11 VIKUSKIFTI upp­livingar fær ígjøgnum dagin, sigur Sissal. Men í veruleikanum er einki, sum eitur reality­sjónvarp. Sendingarnar eru 45 minuttir langar hvør, og sostatt er ein heilur dagur kliptur niður í ein lítlan tíma. – Sendingarnar eru gjørdar, so fólk fáa gottar sær í trupulleikunum hjá øðr­ um. Tey vísa tað, sum tey halda selur, og alt annað verður klipt burtur, sigur Sissal. Hon minnist aftur á seinastu dagar­ nar í Big Brother, har hon og tvær aðrar eldri kvinnur vóru tær einastu kvinn­ urnar eftir í húsinum. – Tá vístu tey meg bara meðan eg var undir brús, og tá eg skifti klæðir. Tað lýsir so ikki nakra erliga mynd av mær sum persóni, sigur Sissal. Hevði ikki gjørt tað í dag Hóast Sissal ikki er ónøgd við sína lut­ tøku í Big Brother í 2003, so hevði hon ikki tikið somu avgerð í dag. Nú, 11 ár seinni, er hon eitt heilt annað stað í lív­inum, og tí ikki áhuga í slíkum send­ ingum. – Realitysendingar eru blivnar nakað forferdiligt fjas í dag. Men nú eri eg so gomul, at eg ikki longur eru kjarnu­málbólkurin, og eg hugsi eisini á ein heilt annan hátt, vísur Sissal á. Hon heldur, at hennara støða nú er tann, at hon sær realitysendingar sum nakað annað enn hon gjørdi fyri 11 árum síðani. – Eg eri har nú, at eg helst hevði sagt »góða ikki gera tað, tí tú verður kedd av tí«, um eg skuldi hitt eina unga kvinnu sum meg sjálva, vísur Sissal á. Men samstundis er tað umráðandi at vera opin fyri tí, sum lívið hevur at bjóða. Er stórur áhugi hjá ungum fólki at melda seg til realitysendingar, so skulu tey sjálvandi gera tað. Men týdn­ingar­mikið er, at vera greiður um av­leiðingarnar. – Eg haldi, at tey ungu skulu elska seg sjálvan, og hava gott netverk, um tey vilja melda seg til realitysendingar. Tí avleiðingar eru har, og uttan eitt sterkt bakland kann tað vera tungt, sigur Sissal. Sjálv er hon ógvuliga fegin um, at familja hennara stuðlaði henni eftir Big Brother, men ikki allir luttakararnir upp­livdu sama stuðul frá familjum teirra. – Eg sá, at fleiri teirra ikki fingu nakran stuðul frá familjunum. Og tað var harðari fyri tey at koma út og síggja seg sjálvan gjøgnum sjónvarpsskíggjan, sigur Sissal. Samstundis vísir hon á, at luttøka í einari realitysending ikki einans ávirk­ ar sjálvan luttakaran, men øll rundan um. – Tað tók mær nógv ár at viðganga, at eg ikki var tann einasta, sum hevði upplivað Big Brother. Mínir vinir og mín familja høvdu eisini upplivað tað saman við mær, hóast tey ikki høvdu nakran lut í avgerðini um at luttaka. Og tað skulu fólk vera greið um. Tað ávirkar ikki bara teg, sigur Sissal. Tey vaksnu mugu tala at Í dag eru realitysenginar so at siga á hvørjari rás, og tær eru nógvar í tali. Hetta kann viðføra, at trýstið á ung­ dómin økist, og grundgevingarnar fyri hví ung fólk vilja vera við í reality­send­ ingum vera tær skeivu. – Eg stúri fyri, at ung fólk í dag føla, at tey mugu gera eitt hvørt óvanligt fyri at fáa viðurkenning. Og tí melda tey seg til realitysendigar, vísur Sissal Olafsdóttir á. Hon heldur, at realitysendingar áður bert vóru undirhald fyri hyggjaran og ein øðrvísi avbjóðing fyri luttakaran. Men í dag eru hesir luttakararnir mest sum tær størstu fyrimyndirnar, sum tey ungu hava. Tey vaksnu eiga eisini at spæla ein leiklut í hvørji fólk tey ungu hyggja upp til, og soleiðis fyribyrgja, at rákið vindur ov nógv uppá seg hjá tí einstaka barninum. – Vit mugu læra tey ungu at vera nøgd við seg sjálvi, so tey ikki einans melda seg til fyri at fáa hasa løtuna í rampu­ljósinum, sigur Sissal. Og tað er júst orsaka av broyt­ing­ ini í realitysendingum og í grund­gev­ ing­unum í dag fyri at melda seg til, at Sissal Olafsdóttir við vissu kann siga, at hon ongantíð aftur fer at melda seg til eina realitysending. – Vit mugu læra tey ungu at vera nøgd við seg sjálvi, so tey ikki einans melda seg til fyri at fáa hasa løtuna í rampuljósinum, sigur Sissal Olafsdóttir mynd: privat mynd: privat tema