hósdagur 13. november 2014síða 30

Fríggjadagur 14. november 2014 · Nr. 130 30 Sosialurin Hugskot og viðmerkingar – send sms til 225000 ítróttur fótbóltur Fróði í søgubøkurnar: Tróndur Arge – Athen Hann sigur ikki altíð so nógv. Hann er siðiligur tá hann svarar og heldur seg innan­ fyri øll mørk. Á vøllinum sigur hann heldur ikki altíð so nógv, men hann gongur á odda, tá tað skal stríðast. Hann er ikki bangin fyri at fara um mark og seta seg í respekt, sum tað verður rópt á fót­bóltsmáli. Hann er 36 ára gamal og hevur spælt á føroyska lands­liðnum síðani aldar­ skiftið. Hann er føddi lið­skip­ arin og svongdin at vinna fót­bóltdystir mettast ikki. Fróði Benjaminsen spælir í dag landsdyst nummar 83 fyri Føroyar, og tað er met saman við Óla Johannesen. Hevði ikki trú tí Í samfull 15 ár hevur Fróði Benjaminsen verið fastur maður í landsliðshópinum. Hóast úttøkurnar eru farnar væl upp um tey áttati, so er heiðurin framvegis tann sami. – Tað er líka mikið um tað er landsdystur nummar fimm ella 83. Tað hevur altíð verið ein heiður at verið á før­oyska landsliðnum. Tað skal eisini vera ein heiður, at blíva úttikin til føroyska lands­liðið, sigur Fróði Benjaminsen á sínum altíð róliga máli, tá hann tosar við fjøl­miðlar­nar. Tað stóð ikki skrivað sum yngri, at Fróði Benjaminsen sum 36 ára gamal skuldi koma upp á 83 landsdystir. Hann hevur fyrr luftað tank­an um at gevast, men aftur hesa ferð er Fróði Benjaminsen fyrsta navnið á taktikk­talvuni hjá einum før­oyskum landsliðsvenjara. – Hevði tú spurt meg fyri nøkrum árum síðani, so hevði eg ikki trú at eg fór at spæla landsdyst nummar 83, sigur Fróði Benjaminsen, sum á fyrsta sinni var úttikin til landsliðið í 1999. Kritikkur og fantastiskir áskoðarar Mangan hevur føroyska landsliðið verið fyri kritikki frá bæði fjlømiðlum og van­ liga fólkinum. Hesi seinastu 15 árini heldur Fróði, at kritikk­urin til tíðir hevur verið ov harður mótvegis før­oyska landsliðnum. – Eg haldi at kritikkurin er blivin harðari við tíðini. Fólk eru blivin vand og vilja hava meiri. Tað hava tey eisini sín rætt til, men vit fara á vøllin hvørja ferð fyri at gera okkara besta. Tað eydnast bara ikki altíð, men soleiðis er tá tú ert ein lítil tjóð móti teimum stóru, greiðir Fróði frá, sum onkuntíð hevur ivast í um hann skal blíva við at brúka so nógva tíð upp á fót­bóltin. – Tað hava verið dagar, har kritikkurin hevur verið nógvur og tað ikki hevur verið so stuttligt, at eg havi hugsa um, um eg tími hetta, sigur Fróði Benjaminsen. Eitt, sum av álvara hevur givið Fróða hugin at halda fram at spæla landsdystir, er »hardcore« fjepparnir, sum hava fingið gott lív í Tórsvøll seinastu dystirnar. – Tað er fantastiskt, at teir Lands­ dystur nummar 83 Fróði Benjaminsen í dysti móti Nicolas Anelka og Fraklandi á Tórsvølli Mynd: Álvur Haraldsen Fróði Benjaminsen spælir fríggjakvøldið sín landsdyst nummar 83 fyri føroyska landsliðið. Sostatt er hann nú ájavnur við Óla Johannesen, sum hevur metið. – Tað hevur altíð verið ein heiður at verið á landsliðnum, sigur liðskiparin á landsliðnum Mynd: Álvur Haraldsen