hósdagur 13. november 2014síða 31

31 Fríggjadagur 14. november 2014 · Nr. 130 Sosialurin Hugskot og viðmerkingar – send sms til 225000 ítróttur fótbóltur eru har. Sjálvt um tað ikki er fult av áskoðarum, so gera teir stóran mun og fáa lív í, sigur Fróði Benjaminsen. Tenninar hjá Gallas Fróði er ikki serliga góður til at minnast dystir. Málini eru blivin seks í tali, men tað knípir at minnast øll. – Eg hevði onkuntíð ynskt, at eg mintist betri dyst­ir­nar eg havi spælt. Beint nú minnist eg ikki øll mál­ini, sjálvt um tey ikki eru so nógv í tali. Men hugsi eg meg um eina løtu, so minnist eg øll, sigur Fróði, meðan eyg­uni leita í allar ættir sum hann hugsar. – Eg veit ikki um tað hevur verið nakar serligur dystir, men teir dystirnar tá vit hava fingið stig minist eg best. Kanska minnist eg best tveir teir fystur dystirnar eg var við, men ikki slapp inn. Tað vóru tveir javnleikir móti Skotlandi og Bosnia- Hersogovina á Toftum, sigur Fróði Benjaminsen. Hóast Fróði ikki er so sinnaður at tosa um tað, so verður hann av øðrum mang­ an mettur sum ein harður spælari, ið ikki er bangin fyri at seta seg ígjøgnum við taklingum og onkrum ein­ stakum alboga. Sjáldan er ein spælari blivin óðari av Fróða Benjaminsen enn franski miðverjin, William Gallas. – Vit fóru eftir einum bólti og eg kom so til geva hon­um ein alboga. Ein tonn hjá honum stóð eftir í arm­ inum hjá mær. Tað var ikki við vilja, men hann var ikki blíður aftaná, greiðir Fróði Benjaminsen frá, sum sjálvur mátti seymast í arminum av hendingini. 84? Heldur Fróði Benjaminsen fram at spæla, so er sann­líkt at hann eisini spælir lands­ dyst nummar 84, tá føroyska lands­liðið spælir í Rumenia í mars mánaði. Hesa støðuna hevur toftamaðurin tó ikki tikið støðu til enn. – Nú fari eg fyrst at spæla hendan dystin. Eg havi ikki tikið avgerð til komandi kapp­ingarár, men Lars Olsen og Jóannes Jakobsen hava dugað væl at yvirtalað meg til at halda fram higartil, sigur Fróði. Árini eru blivin 36 og avgerðin um at halda fram blívur torførari fyri hvørt ár. Hóast Fróði ikki vil siga tað sjálvur, so tykist tað sum um, at hann hevur kroppin og evn­ini at halda fram sum fót­ bólts­spælari í eina tíð aftuat. Hann hevur eisini tann egin­leikan, at hann kann flyta aftur í miðverjuna at spæla, eins og hann gjørdi í ein­asta dystinum í hesum kapp­ingarárinum fyri HB. Her verður hann ikki eins nógv útsettur, sum hann er á miðjuni. Fróði Benjaminsen verður aftaná dystin móti Grikka­ landi 36 ár, sátt­mála­leysur og met-maður í føroyskum lands­liðshøpi – men okkurt bendir á, at liðskiparin ikki spælir sín seinasta dyst í kvøld. trondur@sosialurin.fo Eg hevði onkuntíð ynskt, at eg mintist betri dystirnar eg havi spælt Fakta: Navn: Fróði Benjaminsen Føddur: 14. desember 1977 (36 ár) Landsdystir: 82 Debut: Føroyar - Ísland 18. aug. 1999 Landsliðsmálini: 6 1: Føroyar - Likinstein 3-1 (21. august 2002) 2: Føroyar - Malta 3-2 (18. august 2004) 3: Ísland - Føroyar 1-2 (22. mars 2009) 4: Føroyar - Estland 2-0 (7. juni 2011) 5: Serbia - Føroyar 3-1 (6. september 2011) 6: Kasakstan - Føroyar 1-2 (6. september 2013) Fríggjadagin 14. november, kl. 19.45 Undankappingardystur - Stadio Georgios Karaiskakis, Piraeus grikkaland vs føroyar – Nú fari eg fyrst at spæla hendan dystin. Eg havi ikki tikið avgerð til komandi kappingarár, men Lars Olsen og Jóannes Jakobsen hava dugað væl at yvirtalað meg til at halda fram higartil, sigur landsliðs liðskiparin, Fróði Benjaminsen Ein tonn hjá franska William Gallas stóð eftir í arminum hjá Fróða Savnsmynd ein fyrimynd Jónas Tór Næs: – Fróði er heilt ótrúliga raskur. Hann er týdningar­ mikil fyri landsliðið og fyri HB. Líka síðani eg kom á landsliðið hevur hann verið ein fyrimynd og ein spælari, sum tú hevur sæð upp til. Hann er stillur sum persónur, men hann kann eisini langa nevan í borðið og siga nøkur álvarsorð við menn. Ella koma við eini harratakling bæði í dysti og til venjing, sigur høgri bakkurin á landsliðnum og leggur afturat. – Eg minnist væl, tá Fróði trekti tenninar úr Willam Gallas. Eg haldi hann gav honum albogan og fert tú at leita í alboganum hjá Fróða, so finnur tú eina tonn onkustaðni har. Willam Gallas bleiv púra svakur, men Fróði fekk eisini mein av hendingini. Soleiðis er Fróði, hann gevur og tekur, greiðir Jónas Tór Næs frá. Atli Gregersen: – Fróði hevur verið ein fantastiskur umboðamaður fyri føroyskan fótbólt. Eg havi tí størstu virðingina fyri honum. Hann umboðar eisini tað DNA’ið, sum vit seta í samband við føroyskan fótbólt. Hann stríðist altíð og var eg súrur tí vit tapu í venjing, so er hann dupult so súrur. Hann er somuleiðis ein fantastiska deiligur persónur at vera saman við. Hann gevur altíð tað, sum hann hevur. Tú kanst kjakast um hann er tann besti fótbóltsspælarin vit hava havt, men hann er tann, ið hevur leverað mest javnt yvir øll árini. Tú veist hvat tú fær frá honum hvørja ferð. Tað er ein fantastiskur eginleiki, at kunna levera tá tú skal, sigur Atli Gregersen um liðskiparan, sum ikki smæðist millum stóru stjørnurnar. – Eg minnist tá vit spældu móti Serbia í Beograd. Dejan Stankovic, sum tá spældi við Inter Milan, spældi sín landsdyst nummar hundrað. Teir máttu skifta hann út í hálvleikinum, tí tá hann hevði hann sparkað eftir Fróða tríggjar ferðir, tí Fróði hevði provokera hann og var omaná í kropsligu tví­dyst­ unum. Soleiðis bleiv jubleum dysturin hjá honum oyðu­lagdur av hesum fitta toftamanninum, greiðir Atli Gregersen skemtiliga frá og leggur afturat, at Fróði faktist skoraði eitt flott mál í tí dystinum. Lars Olsen: – Hann er ímyndin av DNA-inum av føroyskum fótbólti. Hann er ein sannur kempari, sum aldrin gevur upp. Hann rennur og stríðist allan dystin. Hóast hann er blivin 36 ára gamal, so er hann kanska tann, ið rennur mest. Hann er ein vinnari, sum altíð gongur á odda, sigur Lars Olsen og leggur afturat. – Vit ynskja sjálvandi, at Fróði Benjaminsen heldur fram at spæla. Nú skulu vit hava eitt prát við hann á túrinum, tí sáttmálin hjá honum við HB er út­gingin. Hann er ikki bara týdningarmikil á vøll­ inum. Uttanfyri vøllin hevur hann stóran týdning og serliga er tað hugburðurin hjá honum, sum smittar av. Eg ynski, at hann heldur fram við at spæla fótbólt komandi ár. Harvið ikki sagt, at hann er sjálv­skriv­ aður á liðnum, men hann er kropsliga í stand til at halda fram við at spæla, sigur Lars Olsen at enda. Mynd: Hans Erik Dnielsen/FSF Mynd: Hans Erik Dnielsen/FSF Mynd: Hans Erik Dnielsen/FSF