mánadagur 17. november 2014síða 12

Mánadagur 17. november 2014 · Nr. 131 12 Sosialurin Hugskot og viðmerkingar – send sms til 225000 tíðindi Áki Bertholdsen Hevur gamli formaðurin í Fiskimannafelagnum, Óli Jacobsen, verið so óloyal­ur ímóti sínum gamla fe­lag, at hann skal missa pen­sjón­ ina? Tað er spurningurin, Før­ oya Rættur nú skal taka støðu til. Óli Jacobsen hevur nevni­ liga drigið Fiskimannafelag í rættin við einum máli, sum ikki er tað størsta málið í all­ari verðini, men sum er rættiliga óvanligt og ser­ merkt. Óli Jacobsen var formaður í Fiskimannafelagnum í meiri enn eitt heilt mannaminni, ella í samfull 36 ár, frá 1971 til 2007, tá ið hann tapti valið um formanssessin til Jan Højgaard, sum er formaður nú. Men ímeðan Óli Jacobsen var formaður samdust han og nevndin í felagnum um, at hann skuldi hava pensjón frá felagnum tá ið hann kom í pensjónsaldur. Og tá ið Óli Jacobsen fylti 67 ár tann 21. auguast í 2010, kom eftirlønin eisini sendandi, akkurát sum av­ talað. Eftirlønin skuldi vera ein hálv arbeiðaraløn, ella runt roknað 10.000 krónur um mánaðin. Men í apríl í fjør fekk Óli Jacobsen boð frá Fiski­ manna­felanum, at eftirlønin varð steðgað beinanvegin. Grundgevingin var, at hann hann hevði verið óloyalur ímóti Fiskimannafelagnum. Tað góðtók Óli Jacob­sen ikki og stevndi Fiski­manna­ felagnum og tað verður nú í hesi vikuni, at málið verður viðgjørt í Føroya Rætti. Rætturin hevur sett heilar tveir dagar, bæði hósdagin og fríggjadagin, av til málið. Óli Jacobsen hevur kravt, at skipanin við eftirløn skal standa við og hann hevur samstundis stevnt eftir eftir­lønini, hann ikki hevur fingið frá apríl í fjør til nú, ella í einar 20 mánaðir og til­ samans er sostatt talan um einar 200.000 krónur. Tóku pensjónina frá gamla formanninum Óli Jacobsen, sum var formaður í Fiskimannafelagnum í eitt heilt mannaminni, dregur nú sítt gamla felag í rættin Áki Bertholdsen – Óli Jacobsen fór í parti við reiðararnar og tað hevur kostað fiskimonnum nógvar pengar. Tað sigur Jan Høj­gaard, for­maður í Fiski­manna­fe­ lagnum. Hann sigur, at hetta er orsøkin til, at Fiski­manna­fe­ lagið nú hevur strikað pen­ sjón­ina hjá gamla formann­ inum. Jan Højgaard hevur ikki so nógvar viðmerkingar til málið, nú beint áðrenn tað kemur í rættin. Men hann sigur, at tað var á einum landsfundi í Fiski­ mannafelagnum, at tað var so stór ónøgd við framferðina hjá gamla formanninum, at skotið varð upp, at felagið skuldi strika pensjónina, sum varð avtalað við gamla for­mannin. Hann sigur, at síðani varð hetta eisini samtykt í nevndini í felagnum og tí varð pensjónin steðgað. Í parti við reiðarunum Tað, sum fekk bikarið at flóta yvir, var leikluturin hjá fyrr­verandi formanninum í einum málið um, hvussu farast skal fram, tá ið skip keyptu makrel á uppboði. Fiskimannafelagið vildi ikki góðtaka, at manning­ arnar skuldu vera við til at rinda, tá ið nótabátarnir keyptu makrel á uppboði. Tí kravdi Fiskimanna­ felagið, at parturin hjá mann­ingini skuldi býtast frá, áðrenn útreiðslurnar at keypa makrel av uppoðið, vórðu goldnar, so at reið­ ararnir rindaðu sjálvir fyri fiskin, sum varð keyptur á uppboði. Hinvegin kravdi reiðarar­ arnir, at hendan útreiðslan skuldi fara av óbýttum. – Tá ið ósemja sostatt var um, hvussu sáttmálin skuldi tulkast, varð málið lagt fyri ein gerðarrætt og har tapti Fiskimannafelagið. Í hesum sambandi varð Óli Jacobsen, fyrr­ver­andi for­maður í Fiski­manna­felag­ num boðsendur at greiða frá, hvussu sáttmálin skuldi tulkast. Og Fiskimannafelagið sigur, at frágreiðingin hjá Óla var beinleiðis orsøkin til, at Fiskimannfelagið tapti, tí hon var bara til frama fyri reiðararnar. Men Fiskimannafelagið sigur, at tey høvdu nettupp stúrt fyri, at Óli Jacobsen fór at brúka hetta høvi til at geva felagnum ein frammaná. – Tað var nettupp hetta sum hendi sigur Fiski­manna­ felagið. Og tey í Fiskimanna­fe­ lag­num halda, at hetta er so óloyalur atburður, at tey gjørdu av at strika pensjónina hjá gamla formanninum. Annars hevur Jan Høj­ gaard ikki fleiri viðmerkingar til málið, nú tað kemur fyri rættin seinni í vikuni. Má siga satt Óli Jacobsen hevur heldur ongar viðmerkingar til málið, tí hann sigur, at í rættinum verður málið upplýst til fuln­ ar. Men heilt stutt sigur hann kortini, at hann varð boðsendur at geva frágreiðing í einum rættarmáli, og tá kundi hann ikki annað enn halda seg til sannleikan og tað hevur hann eisini gjørt í hesum føri Óli gjørdi at vit taptu Fiskimannafelagið gevur gamla formanninum, Óla Jacobsen skyldina fyri at felagið tapti eina sak, sum kostar fiskimonnum nógvar pengar Sermerkt Fiskimannafelagið er nú drigin í rættin í einum máli, sum er rættiliga sermerkt Óloyalur ella ikki Var fyrrverandi formaðurin í Fiskimannafelagnum, Óli Jacobsen, so óloyalur ímóti sínum gamla felagi, at pensjónin skuldi takast frá honum. Tað skal Føroya Rættur nú taka støðu til