hósdagur 20. november 2014síða 10

Fríggjadagur 21. november 2014 · Nr. 133 10 Sosialurin Hugskot og viðmerkingar – send sms til 225000 Føðing 27. oktober átti Jona Haraldsen, Sandavági, ein son, og Isak fekk ein lítlabeigga. Hann vigaði 3710 gr og var 52 cm langur. Rannvá Joensen áttati Mánadagin verður Rannvá Joensen í Havn áttati. Rannvá er dóttir Biritu og Edvard Lindenskov í Havn. Tey búðu í Rættará, í Sigmundargøta 16, tá Rannvá sá dagsins ljós í 1934, men fluttu í august 1938 í Sjúrðargøtu. Har runnu barnaárini hjá Rannvá, sum hjá havnarbørnum flest, og tá barnaskúlin var frá hond­ ini, fór hon at royna seg í hand­ligum kynstri. Fyrsta takið var í fyri­ tøkuni Niels Johannesen, heil­sølan í Tórsgøtu. Tað var eftir kríggið – tey framleiddu klædnavørur. Sagt er, at Rannvá var ófør við strúkijarninum, at strúka var ikki bara. Um hetta var duldur kynstur frá ommuni í Baiansstovu veitst ikki, men konufólkini í Baians­stovu struku fyri fólk, um tað var "bara fyri tey fínu" og orlogsskipini, hvør veit? Men vit vita, at fyrsti strúkiovnurin á damp­ vaskarínum í Tórsgøtu var tann úr Baiansstovu. Men Rannvá bleiv tó ikki standandi við strúkijarninum – men til stroks fór hon. Í sak­føraravirkinum Kehl­er & Lützen var hon fleiri ár og seinni hjá Lands­verk­frøð­ ing­inum. Í 1961 giftast Rannvá og Tummas. Tá børnini komu, og Tummas sigldi úti, so broyttist so mangt, og tey fluttu til Danmarkar at búgva. Har dvældust tey í nøk­ur ár, til tey fluttu heim­ aftur í 1966. Fyrstu árini í Føroyum búði tey í barnaheiminum í Sjúrðargøtu – og í 1973 fluttu tey niðan á trøðna – í Tór­ fins­gøtu – ella Sløttulíð, sum adressan sigur. Rannvá var seinni drúgvt skeið á Sjómansheiminum í Havn, har stóð hon fyri tí tey rópa smørbreyðnum. Ófør hevur hon verið, og álit er hon í øllum arbeiði – hon hevur tikið lut í so mongum. Vit kenna hana eisini frá felagslívi, og har hevur Losjan staðið henni næst. Tað er ikki tað tiltak, at hon ikki hevur tikið hond í. Og so er ikki at gloyma áhugan fyri føroyskum dansi. Í ungu árunum var hon við í ferð dansifelagsins í Noregi í 1959. Fyri nøkrum árum síðani fluttu Rannvá og Tummas úr húsunum í Sløttulíð í íbúð á Boðaneshamri. Tumm­ as doyði í desember í 2009. Hanna, dóttirin, býr í hús­ un­um í Sløttulíð við síni familju. Rannvá og Tummas áttu børnini Kathrinu, (1962), Jógvan Edvard (1963), Gudmund (1968-2003) og Hannu (1974). Dagurin verður hildin heima hjá Hannu í Sløttulíð mánadagin 24. november frá klokkan 16. Borg l Runavík, tel. 477272 l Klaksvík, tel. 455149 l www.borg.fo framúr tilboð spar 25% Keyp ein hágóðsku DESIGNA køk ella baðirúm og spar 25%. Í BORG fært tú alla neyðuga ráðgeving umframt møguleika fyri at síggja tín nýggja køk ella baðirúm í 3D. Vitja okkara deildir í Runavík ella Klaksvík og fá íblástur og kunning um tilboðið. Rannvá saman við eldru dóttrini, Kathrinu