hósdagur 20. november 2014síða 32

Sosialurin nr. 133 · 21. november 2014 8 VIKUSKIFTI Soleiðis fer umhvørvið at síggja út, um ætlanin hjá Tórshavnar kommunu verður framd í verki. – Eg ivist slett ikki í, at um vit lyfta í felag, kann hetta gerast ein verulig sólskinssøga, sigur Heðin Mortensen, borgarstjóri í Tórshavnar kommunu Skansin Vilmund Jacobsen vilmund@sosialurin.fo Tórshavnar havn má byggjast út. Hon er vorðin ov lítil. Skipini gerast størri og sleppa ikki at. Ógjørligt er at avgreiða bingjuskip og ferðamannaskip í senn. Havnin er ov grunn. Ferðsluliga er alt eitt kaos um summarið. Einki pláss er eftir til goymsluhøli ella bingjupláss. Men kortini hevur umleið 70% av øllum farm­inum adressu hjá móttakarum í Havn. Ætlanin er tí at byggja út við 163 túsund fermetrum og at økja atløgu­ síð­una við umleið 700 metrum, og sam­ stundis verður ferðslan leidd burtur frá Skansa­økinum. Um tað er tíverri – ella tíbetur – er tað kortini ein sannroynd, at gamli Skansin gjørdist miðdepil í kjak­inum um havnaútbyggingina. Seinastu 14 árini hevur komm­un­an tí samskift við fornminnis­myndug­leik­ arnar fyri at finna eina so góða loysn sum gjørligt, har øll atlit eru tikin til Skansan. Umhvørvisárinskanning er gjørd, Umhvørvisstovan hevur við­ gjørt kanningina, modelroynd og aldu­simu­leringar eru gjørdar á DHI, og Yvir­friðingar­nevndin hevur játtað út­byggingini. Men hóast allar góðkenningar, endar málið kortini ikki har. Tí, nú gjørdist Skansin kjakevni burturav. Fólk vilja hava havnina flutta aðrastaðni. Men Tórshavnar kommuna vísir á, at alt ov kostnaðarmikið og djúpt er at byggja við Glyvursnes og inni á Sundi, og pláss er ikki í Kollafirði. So, hildið verður fast um verandi og góðkendu ætlan - sum tó bert er ein skitsa - ið kann broytast nógv. skansin ein perla í røttum umhvørvi – Verður núverandi havnaætlan gjøgnumførd, verður Skansin miðdepil og ein sonn perla í einum einastandandi mentanarumhvørvi, har fólk á fyrsta sinni kunnu sita á fyrstu parkett og njóta Skansan á ein hátt, tey aldri hava sæð hann áður. Tað sigur ein avgjørdur borgarstjóri, Heðin Mortensen, sum illa skilir illviljan móti at lyfta Skansan upp á eitt munandi hægri støði enn í dag