týsdagur 15. juni 2004síða 4

6 Nr. 111 - 15. juni 2004 Nr. 111 - 15. juni 2004 7 Tilmælið hjá ICES er órealistiskt. Verður tað fylgt, verður einki arbeiði á føroyskum fiskavirkjum yvir- høvur, sigur stjórin á Maru Seafood FISKIVINNA Edvard Joensen – Tað ber ikki til hjá okkum at fylgja tilmælinum hjá ICES um at skerja fiski- skapin eftir toski og hýsu við tveimum triðingum og upsa við einum triðingi. Gera vit tað, verður einki arbeiði í Føroyum. So einfalt setir Jóhan Páll Joensen, stjóri á Maru Sea- food, roknistykkið upp, tá hann ger viðmerkingar til tilmælið frá ICES, sum kunngjørt varð í seinastu viku. ICES tekur harðliga til í síni frágreiðing. Sagt verð- ur um toskastovnin, at hann er í so stórari minking, at vandi er við verandi veiði- trýsti fyri, at hann kemur niður á støðið, sum hann var á í kreppuárunum fyrst í nítiárunum. Skal tað ikki enda soleiðis, má fiski- skapurin halda heilt uppat, um vit ætla at fáa stovnin upp aftur eftir einum ári. Yvir longri áramál kann tað gerast við at minka veiði- trýstið við tveimum triðing- um, sigur frágreiðingin. Hýsuni láta teir mestsum líka illa at. Hóast stovnurin er heilt væl fyri, er veiði- trýstið ov stórt og má minka við 17 prosentum, sigur ICES. Upsastovnurin er eisni heilt væl fyri, men eisini her skal veiðitrýstið lækk- ast, skulu vit framhaldandi hava hendan góða stovnin. Her mælir ICES til eina lækking upp á 30 prosent. Í niðurstøðuni av stovns- metingini og ráðgevingini hjá ICES verður sagt so- leiðis: »ICES mælir tí til eina minking í beinleiðis roynd- ini eftir toski og hýsu upp á umleið 2/3 í mun til ta ver- andi royndina. Royndin eft- ir upsa eigur at minkast við umleið 30%; um hjáveiðan av toski og hýsu veksur, eigur royndin eftir upsa at minka samsvarandi.« Hetta er at leggja ov harðliga út, heldur Jóhan Páll Joensen. Hóast hann er samdur við fiskifrøðingun- um í, at vit eiga at røkja stovnarnar skilagott, metir hann ikki hesa tilráðingina at vera realistisa. – Vinnan ber tað heilt einfalt ikki. Minka vit veið- una við tveimum triðing- um, verður einki arbeiði í Føroyum yvirhøvur. So ein- falt er tað, sigur hann. Hann sigur, at hýsu- marknaðurin í Bretlandi er undir sera hørðum trýsti í løtuni. Og tað er serliga heila hýsu, bretar vilja hava, vísir Jóhan Páll Joensen á. Hýsumarknaðurin sum heild er Bretland og amer- ikanska eysturstrondin. Men nú dollarin er dottin niður í kjallaran, eru íslend- ingar, sum plagdu at selja til USA, eisini lagstir á Bretland, so har treingist í stórum. Hendir so tað, at vit skulu til at minka okk- ara veiðu so munandi, sum mælt verður til, og bretar bara vilja hava heilan fisk, er einki eftir til virkini hjá okkum at arbeiða, er dapra niðurstøðan hjá stjóranum á Maru Seafood. – Men so galið verður tað ikki, tekur hann aftur í aftur. Tað ber ikki til, og vit fara eisini at síggja eina millumloysn millum tað, sum er í dag, og tað, sum tilmælt er, er hann sann- førdur um. Toskurin, sum fiskaður verður undir Føroyum, verður saltaður og seldur til Spania. Tann marknaðurin er lítil, og nógvir eru um boðið. Missa vit tveir trið- ingar av okkara parti har, koma aðrir beinanveg við sínum, og so verður ringt hjá okkum at koma aftur- íaftur. Tað er eisini eitt tungtvigandi argument fyri ikki at fylgja hesum tilmæl- inum, metir Jóhan Páll Joensen. Tað virkar eitt sindur komiskt at tosa um skerjingar, samstun- dis sum sagt verður, at stovnarnir eru heilt væl fyri, sigur formaðurin í vinnunevndini hjá løgtinginum Fiskivinna Edvard Joensen Báðir møguleikarnir, at fylgja tilmælinum frá ICES og heilt at síggja burtur frá tí, kunnu føra til undirgang, metir Henrik Old, formaður í vinnunevndini hjá løgtinginum. —Sløkkja vit nú, eru vit vís í undirgangi. Taka vit kjansin, kann tað enda við undirgangi. Tí mæli eg til tað seinna, sigur hann. Hann sigur, at hann veit ikki rættiliga, hvussu tað skal skiljast, at vit hava fiskastovnar, sum eru heilt væl fyri, tá vit ikki skulu brúka burtur av teimum. —Eg síggi onga meining í at hva ein stovn, sum er heilt væl fyri, bara til at goyma, sigur hann. Men hann er varin við at siga nakað um, hvat hann politiskt fer at mæla til, tá málið skal viðgerast í vinnunevndini. Enn verður bíðað eftir tilmælunum frá Fiskirannsóknarstovuni og fiskidaganevndini. Og so leingi einki er komið haðani, verður heldur eingin støða tikin, sigur Henrik Old. Somu støðu hevur landsstýrismaðuin við fiskivinnumálum, Bjørn Kalsø. Heldur ikki hann vil siga nakað, fyrr enn tey bæði tilmælini eru komin. Tó sigur hann, at arbeit verður við at endurskoða lógina um vinnuligan fiskiskap, og at miðað verður eftir at hava eitt uppskot klárt til ólavsøkutingsetuna. Henrik Old vísir á, at tiltøk eru alla tíðina, síðan lógin um vinnuliga fiskiskap kom í gildi í 1966, sett í verk fyri at minka um veiðitrýstið. Síðan byrjað varð, eru umleið 20 prosent av fiskidøgunum skarvaðir av, sigur hann. Tilmælið hjá ICES drepur vinnuna Tilmælið frá ICES er órealistisk, og fer, um tað verður fylgt, at gera, at einki arbeiði verður á føroyskum fiskavirkjum yvirhøvur, sigur Jóhan Páll Joensen, stjóri á Maru Seafood Mynd: edvard Joensen Hatta virkar eitt sindur komiskt Tað verður bara ein spurningur um, hvør skal sløkkja kontaktina, fiskifrøðingarnir ella vit, um tilmælini frá ICES skulu fylgjast, sigur Henrik Old, formaður i vinnunevnd løgtingsins Rox 2004: Brakandi rokkur í badmintonhøllini Komandi vikuskiftið verður stóra tónleika- tiltakið Rox 2004 á fyrsta sinni hildið í Badmintonhøllini í Havn. 12 bólkar skulu spæla, og manningin á Margarinfabrikkini skipar fyri. – Ætlanin er at skipa fyri aftur- vendandi tiltøkum umframt at stovna ein grunn til tónleik- arar, sigur Allan Mørkøre, ein av fyri- reikarunum TÓNLEIKUR Heini í Skorini heini@sosialurin.fo Margarinfabrikkin er eftir- hondini vorðin ein kleki- maskina í føroyska tón- leikaheiminum. Nógvir tónleikarar eru byrjaðir sína tónlistarligu ferð niðri í Magnus Heinasonargøtu í Havn, og nú taka teir fýra Bogi Andreasen, Karl Ant- on Klein, Tróndur Ravns- fjall og Allan Mørkøre stig til nýggj tiltøk við enda- málinum at menna tón- leikin og skapa umstøður fyri meiri avbjóðandi tónlistarligum virksemi. Rox 2004 Fyrsta tiltakið á skránni hjá teimum fýra er longu næsta vikuskiftið í Badminton- høllini í Havn, tá 12 bólkar skulu folda seg út. Allan Mørkøre greiðir frá, at til- takið byrjar klokkan 10, og leggur hann dent á, at til- takið er fyri fólk í øllum aldri, og ikki bert fyri ung- dóm, sum talan vanliga er um til konsertir í bad- mintonhøllini. Nummar trý frá seinastu Prix Føroyar kapping, Makrel, er helst kendasta navnið, og onnur nøvn á konsertini, vit kenna frá Prix Føroyum, er m.a. Fluffy Toys, Headache Blu- es Trio og Side Effect. Ann- ars hava fleiri av teimum 12 bólkunum á palli leygar- kvøldið slitið síni fyrstu ljóðføri á Margarinfabrikk- ini. – Hetta er so fyrsta til- takið, og ætlan okkara í framtíðini er at skipa fyri tveimum konsertum um árið, sigur Allan Mørkøre, ein av teimum fýra fyrireik- arunum. Allan sigur, at ongar ítøkiligar ætlanir eru gjørdar um tiltøk komandi tíðina, men hann leggur dent á, at ætlanin er eisini at skipa fyri konsertum aðra- staðni enn bert í høvuðs- staðnum. Peningagrunnur Sambært Allani fíggjar Margarinfabrikkin Rox 2004, og inntøkurnar til tiltakið fara eftir ætlan í ein grunn, sum skal nýtast aftur í næsta ár til konsertir. – Á henda hátt ætla vit at fáa fíggjarligt grundarlag til framhaldandi virksemi, har peningurin fer aftur til tónleikararnar, sigur Allan. Sum sagt fíggjar Margarin- fabrikkin fyrsta tiltakið, og tá fara útreiðslurnar til út- gerð og leigu av Badmint- onhøllini. – Tónleikabólkarnir spæla ókeypis, og sostatt skuldi tiltakið malið runt fíggjar- liga, og á henda hátt hava vit møguleikan aftur at skipa fyri nýggjum tiltøkum og konsertum næsta ár, sigur Allan Mørkøre. Ein plakat verður í næst- um at síggja, har boðað verður frá tiltakinum Rox 2004, og hesa plakat hevur Restorffs Bryggjarí stuðlað fyrireikarunum á Margar- infabrikkini við. Menna tónleikin Spurdur, hví stig verður tikið til hesar framtíðarætl- anir, er Allan greiður. – Fleiri av tónleikabólk- unum eru byrjaðir her niðri á Margarinfabrikkini, og fleiri eru enn virknir her niðri. Vit ynskja at geva teimum møguleikan at spæla fyri størri áskoðara- fjøld á størri tiltøkum og menna møguleikarnar og tónlistarliga umhvørvið, sigur Allan Mørkøre. So frá at hýsa tónleika- bólkum og smærri tiltøkum niðri á Margarinfabrikkini roynir manningin nú nýggj- ar, størri og meiri avbjóð- andi leiðir sum fyrireikarar, og fyrsta tiltakið er so á skránni komandi leygar- kvøld, tá Rox 2004 á fyrsta sinni fer á flog, og skulu vit trúgva ætlanunum hjá Karl Antoni Klein, Boga Andreasen, Tróndi Ravns- fjall og Allani Mørkøre kunnu vit vænta okkum afturvendandi tiltøk í framtíðini við Margarin- fabrikkini sum fyrireikara. Tiltak: Rox 2004 Fyrireikarar: Margarinfabrikkin (Karl Anton Klein, Tróndur Ravnsfjall, Bogi Andreasen, Allan Mørkøre) Tíð: Leygarkvøldið kl 22 Stað: Badmintonhøllin í Havn Kostnaður: 120 krónur Bólkar: Fluffy Toys, Go-Go Blues, Speaker, 48 Pages, Makrel, Einkikann- diskuterastaltkann, The Story Ends, Side Effect, SIC, Zink, Paradox, Lamasea FAKTA Teir fýra Bogi Andreasen, Allan Mørkøre, Tróndur Ravnsfjall og Karl Anton Klein skipa næsta vikuskiftið fyri spildurnýggja rokktiltakinum Rox 2004, sum eftir ætlan verður afturvendandi. - Vit ynskja at geva tónleikarum møguleikan at spæla fyri størri áskoðarafjøld á størri tiltøkum og menna møguleikarnar og tónlistarliga umhvørvið, sigur Allan Mørkøre. Fyrsta tiltakið Rox 2004 er næsta leygarkvøld klokkan 22 í Badmintonhøllini Mynd: Heini í Skorini Manningin á Margarinfabr- ikkini hevur fingið stuðul til plakatina Rox 2004 frá Rest- orffs Bryggjaríi Mynd: Heini í Skorini C M Y K 7 6