hósdagur 23. oktober 2014síða 11

11 Fríggjadagur 24. oktober 2014 · Nr. 121 Sosialurin Hugskot og viðmerkingar – send sms til 225000 Karin Breiðaskarð 95 ár Í dag 24. oktober verður omma mín Karin Breiðaskarð 95 ár. Góða allarbesta omma, hjartaliga tillukku við tínum stóra degi i dag. Tað er ein stór gáva at eiga eina ommu, sum er 95 ár, frísk og klár, sum eg kann spæla kort, tosa og hugna mær saman við. Nú býrt tú á heiminum i Fugla­firði, sum eitur Vestur­ stova, har dámar tær sera væl, altíð líka hugnaligt at koma at vitja teg. Á vegginum á kam­arinum hevur tú nógv­ ar myndir av allari familjuni. Tær hevur altíð dámað mynd­ir sera væl. Tú hevur verið ein sera góð omma fyri meg. Havi so nógv góð minnir frá Gjógvará heima hjá tær og abba. Allar teir góðu døgurðatímarnar, tá eg gekk í 8. - 9. - 10. flokki í Fuglafirði. Tá kom man oman til tykk­um at fáa sær ein góðan bita, og altíð hevði tú gjørt okk­urt lekkurt svans omaná, sum abbi plagdi at siga. Nú havi eg búð so nógv ár uttanlands, omma, so eg havi ikki fingið verið so nógv saman við tær, sum eg skuldi ynskt, men nú aftan á at eg flutti heim aftur í fjør summar hava vit báðar havt mangar góðar løtur saman, og tað eri eg takksom fyri. Og so eri eg eisini errin av at tú, omma, ert elsta fólk í Fuglafirði. Eg ynski tær, omma, ein sera góðan føðingardag og gleði meg at hátíðarhalda dagin saman við tær. Alt tað besta, eg elski teg. Heilsan Ommudóttirin Eileen Leygardagin 25. oktober fyll­ ir Henrik Thomsen á Tvør­ oyri 60 ár. Henrik er kendur sum fótbóltsspælari, shipp­ ingmaður og timburhandlari. Henrik er føddur á Tvøroyri, sonur Henning Thomsen og Kaju, fødd Nielsen av Haslev- leiðini á Sælandi. Henrik hevur trý systkin, tveir eldri brøður Richard, Claus og eina yngri systur Thurid. Henrik vaks upp í um­ hvørv­inum mitt á Tvøroyri. Barn­dómsheimið liggur við síðani av húsinum hjá abb­ anum og ommuni. Millum pakkhúsini hjá Thomsen, og timburhandilin, eitt hana­ gleiv frá kajini. Eitt um­ hvørvið, ið osar av handli, fiski­vinnu og søgu. Henrik er uttan iva ein tann evnaríkasti fótbólts­ leik­arin, ið føroyingar nakran­tíð hava átt. Hann var ein driblari av guðs náði. Hen­rik var partur av gull- liði­ð hjá Tvør­oyrar Bólt­felag, ið fyrstu ferð vann før­oya­ meist­ara­skapin við pilt­un­ um í 1968. Stamman í hes­ um liði vóru teir, ið vunnu FM í bestu deildini í 1976, 77, 80 og 87. Seinasti dyst­urin í bestu deildini hjá Henrik, var tann dagin, ið TB fylti 100 ár í 1992. Henrik man vera fyrsti føroyski leik­arin, ið hevur verið sátt­mála­leik­ ari uttanlands. Hann hevði sáttmála við B93 í Keyp­ manna­havn, har hann spældi í bestu deildini frá 1978 til 80. Millum annað var Henrik heiðraður við BT's gyldne bold i 1979 fyri sítt avrik. Enn er Henrikur aktivur í fótbólti, gamlir og nýggir vinmenn hittast tværeis um vikuna í høllini í Trongisvági. Kanska er skjótleikin ikki tann sami, men kampviljin er har enn. Henrik tók HF á Grenå Gymnasium í 1975. Hann lærdi til shippingman hjá Trader­line í Keypmannahavn 1978-80. Henrik rekur og eigur Timbur­handilin Richard B. Thom­sen & Søn, saman við beiggj­an­um Richard. Um­framt timbur­hand­ilin hava teir eisini havt um­boð og loss­ingar­avgreiðslu av Trad­erline, Star og Skipa­fe­ lagnum. Í níti­árunum royndi hann seg sum reið­ara saman við Ludvig-brøðru­num, tá teir høvdu djúp­vatns­trol­ar­ an, „Beinta“. Teir eiga eis­ini í Coma-Pack og Før­oya­prent. Tað er stutt­ligt at síggja, hvussu fyri­myndar­liga Hen­ rik og bróð­urin reka familju­ fyri­tøk­uni, ið abb­in, Richard B. Thomsen, stovn­aði í 1932. Henrik er giftur Jónnu, fødd Vang Jensen, úr Sumba, og hava tey tríggjar døtur, tví­burarnir Rannvu og Bjørg og Katrin. Familjan bygdi inni á Bakka­brúgv í Trongisvági í 1982 og hava búð har síð­ ani. Dagurin verður hátíðar­ hildin á Segloftinum, fyri inn­bodnum. J Henrik Thomsen Seksti ár 25. oktober 2014 Føðingar 5. oktober fingu Maria Klein Petersen og Gunnleivur Biskop­stø, Klaksvík, ein son. Hann var 51 cm langur og vigaði 3050 gr. Tann 6. september fingu Neil Joensen og Vivi Myllhamar tvíburðar á Horsens hospital. Teir vigaðu 3145 gr og 2670 gr og vóru 47 cm og 48 cm langir. Eisini eiga teir ein stóra­ beiggja sum eitur Josva. 6. oktober fingu Hellen og Leivur Simonsen, Tórshavn, eina dóttur. Hon vigaði 4100 gr og var 55 cm long.