hósdagur 23. oktober 2014síða 13

13 Fríggjadagur 24. oktober 2014 · Nr. 121 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin. fo, og so svara Holger og Bjørg tær her í Sosialinum. SPURNARSÍÐAN Spyr og fá svar um útbúgvingar. Allar. Allastaðni. Spurningur 1 Hey ! Eg eri ein vaksin maður, sum aftaná at hava arbeitt í 5 ár eftir 10. flokk, havi fingið hug at fara í skúla aftur. Mín spurningur til tykkum er: eri eg ov gamal at fara í holt við eina studentsútbúgving? Eg spyrji, tí eg havi funnið út av, at tað, sum eg kundi hugsað mær at lisið víðari, krevur nøkur fak á a-stigi, og eg veit, at tað ikki ber til at fáa tey á HF. Vinarliga xxx Svar til XXX Tað er onki aldursmark hvørki upp ella niður fyri at taka eina studentsútbúgving. Men á HF (nú Fyrireikingarbreytin) er tað aldursmarkið gjaldandi, at man skal fylla 18 ár áðrenn 1. desembur, tað árið man byrjar á HF. Tað er sera avmarkað, hvørji fak tú kanst fáa á a-stigi á HF. Fakini eru føroyskt, søga og danskt, um mann velur danskt. Skalt tú hava onnur fak á a-stigi, fyri at sleppa inn á eina víðari útbúgving, mást tú brúka eitt ár meira enn tey tvey árini, sum HF tekur. Tá kanst tú antin vera stak greina- lesandi ella sjálvlesandi. Fyri at fáa veg leið- ing um hetta: set teg í samband við ein lestr- arv egleiðara á einum av mið náms skúlu num. Tú skalt hugsa um, at ynskir tú at sleppa í ein studentaskúlaflokk, vera nærum allir floksfelagir tínir millum 16 og 18 ár. Á HF er aldurin 17½+. Vinarliga Holger og Bjørg Spurningur 2 Hvørjar eru upptøkutreytirnar til og inni- haldið á masterútbúgvingini í løgfrøði og hvat kann masterútbúgvingin á 120 ECTS brúkast til? Heilsan Stud.jur Svar til stud.jur.: Masterútbúgving í løgfrøði Upptøkutreytirnar eru sum fylgjandi: Lesandi skulu frammanundan hava bachelor ella samsvarandi (180 ECTS), umframt nóg mikið av løgfrøði sum part av útbúgving ella royndum. Sera viðkomandi eru tikin stakskeið í lóg á Fróðskaparsetrinum. Grundgivin umsókn á knappa síðu, har umsøkjari greiðir frá viðkomandi royndum og hví hugurin stendur til at fara undir hesa útbúgving. Endamálið við útbúgvingini er at geva tí lesandi førleikar á høgum stigi í løgfrøði. Tey útbúnu skulu fata og kunna greina lóg og løgfrøði við atliti at røð av løgfrøðiligum evnum, umframt lógkønari útgávu og lóg hjá smáum løgdømum í samveldisstøðu. Skipan og innihald Dentur verður lagdur á løgfrøði á høgum stigi, fyrisitingarlóg, lógkøna útgávu og lóg viðkomandi fyri smá løgdømi í samveldisstøðu, herundir lóggávu, venju og aðrar lógkeldur, umframt altjóða lóg, felagsmál og samanberandi greinan. - Býtið er dogmatiskur lógkunnleiki 50 til 80 ECTS. Boðin verða út skeið sum fyri sit ing- ar lóg, kollektivur arbeiðsrættur, al tjóða fiski- veiði rættindi, grundlógarroynd, man na rætt- indi og revsirættur, stjórnarlóg, skipan ar lóg, sjólóg, havrættur, búnaðarlóg. - Løgfrøðilig fatan og háttalag 10 ECTS kravd. - Ritgerð 30 ECTS. Skal sýna løg- frøði liga fatan á høgum støði. - Valfak 0 til 30 ECTS, upp til 10 ECTS frítt val, upp til 20 ECTS viðkomandi fyri samlaðu læru úr tøkuna. Mann verður cand.jur við teimum rætt- indum tað gevur, um mann hevur eina bachelorútbúgving í jura frammanundan. Ser liga størv í rættarskipan og aðrastaðni krevja bæði bachelor og master í løgfrøði. Út búgvin við masterútbúgving í løgfrøði – uttan bachelor í løgfrøði - skulu kunna taka við størvum í almennari og privatari fyri sit- ing, har kravið er løgfrøði ella samsvarandi hægri útbúgving. Freistin at søkja um upptøku til MA í Løgfrøði er 1. juli 2015 Nærri kunning: www.setur.fo - Kári á Rógvi á løgdeplinum kariar@setur.fo Vinarliga Bjørg og Holger SØKJA INN Á VÍÐARI ÚTBÚGVING GJØGNUM KVOTU 1 ELLA KVOTU 2 Enska málroyndin, IELTS, verður leygardagin 8. november 2014 í Tórshavn. Kunning: www.edu- danmark.dk/ielts# Fyri at søkja inn á víðari útbúgvingar aftaná miðnáms- prógv ella samsvarandi kann mann í Føroyum og í Danmark velja at søkja inn antin gjøgnum kvotu 1 ella gjøgnum kvotu 2. Kvota 1 At søkja inn gjøgnum kvotu 1 merkir, at tað bert er miðaltalið á tínum prógvi, sum avger, um tú verður upptikin ella ikki. Kvota 2 Søkir tú gjøgnum kvotu 2, er tað miðaltalið og onnur viðurskifti, hugt verður eftir. Upptøka gjøgn- um kvotu 2 er ein eyka møgu leiki fyri tey, sum kanska ikki kunnu sleppa inn gjøgnum kvotu 1. GG! Hevur mann sent eina umsókn gjøg num kvotu 2, er hon samstundis eisini ein umsókn til kvotu 1. Hev- ur mann ikki eina siðbundna gymnasiala miðnámsútbúgving, men t.d. útlendska skúlagongd ella onkra aðra útbúgving aftaná 9./10. flokk, sum kann javn metast við eina gymnasiala mið náms út- búgving, skal mann eisini søkja um upptøku gjøgnum kvotu 2. Undantaksumsóknir, har serlig viðurskifti gera seg galdandi, skulu sum somuleiðis gjøgnum kvotu 2. Sera ymisk kvotu 2 upptøkutreytir Tað er sera ymiskt, hvat útbúgvingarstøðini leggja dent á, tá tey meta um umsøkjarar eftir kvotu 2. Kanna tí gjølla á heimasíðunum hjá ymisku útbúgv- ing ar stovnunum, hvørjar kvotu 2-treytir ávísu útbúgvingarnar hava. Í Danmark: http://ufm.dk/ud - danne lse-og-institutioner/ videregaende-uddannelse/ sogning-optag-og-vejledning/ afslag/afslagspjece-2014-endelig- version.pdf Í Føroyum: www.setur.fo Avmarkað upptøka gjøgnum kvotu 2 Tað er eisini sera ymiskt, hvussu nógv ella fá prosent verða tik in upp gjøgnum kvotu 2. Tað svingar frá 10% á flestu uni versitets út búgv ing um til yvir 20% (í FO) upp til 50% og 100% á einstøkum útbúgvingum í Danmark. GG! Tú skalt kunna skjalprógva alt. Og tað verður sum oftast kravt, at tú hevur skrivað eina motiveraða umsókn. Tað merkir, at tú greiðir frá, hví tú ynskir at sleppa inn á valdu útbúgvingina. Umsóknarfreistirnar eru: Kvota 2 (bæði í Føroyum og í Danmark): 15. mars 2015 Kvota 1 (FO): 1. juli 2015 kl. 24.00 Kvota 1 (DK): 5. juli 2015 kl. 12.00 Hvat vil tað siga at søkja inn á víðari útbúgving gjøgnum kvotu 1 ella kvotu 2?