hósdagur 23. oktober 2014síða 34

Sosialurin nr. 118 · 17. oktober 2014 10 VIKUSKIFTI tema Føroysk sniðgeving Silvursnið v/Erlu-Mariu Skovlund Handilin í Vágsbotni byrjaði í 2010 Vørurnar: Silvursnið hevur eina verksmiðju og handil í Vágsbotni. Smúkkurnar eru fyri tað mesta úr hamarslignum silvuri, og sera stílreinar og einfaldar. Silvursnið ger ringar, armbond, hálsketur. Forlovilsisringar og brúðarringar eftir ynski frá kundanum og silvur til føroysk klæði Útbúgving: Erla-Maria er í stóran mun sjálvlærd. Hon gekk á kvøldskúla í Havn og lærdi nógv frá silvursmiðinum, sum undirvísti. Í 2006 tók Erla Maria grundútbúgving sum gullsmiðjur í Tekniska Skúlanum í Keypmannahavn. Samstundis hevur hon tikið útbúgving sum klædnaástøðingur í Tekniska Skúla í Havn . Arbeiðsroyndir: Hevur arbeitt hjá gullsmiðið í Vejle í Danmark. Og á verksmiðjuni hjá Niels L. Arge. Fyritøkan: Í dag eru tað Erla Maria Skovlund og tvær aðrar kvinnur, sum reka fyritøkuna Silvursnið. Framtíðin: Erla Maria ynskir sær størri verksmiðju og fleiri arbeiðsfólk, og at selja til umheimin. Men í dag hevur Erla Maria so mikið nógv at gera í Føroyum, at hon hevur ikki ætlanir um at fara víðari út um landoddarnar í næstum. Sniálvsdóttir v/Beintu Festirstein Byrjaði í 2010 Vørurnar: Merki fevnir um bundin klæði á ein ótraditionellan hátt. Talan er um troyggjur, turriklæði, húgvur og annað, sum er hondbundið úr tógvi, sum Beinta sjálv blandar. Útbúgving: Beinta hevur útbúgving sum hondarbeiðslærari, har ein lærir grundfakini innan tekstil. Arbeiðsroyndir: Beinta hevur búð í útlondum í mong ár, men í 82’ og 83’ búði hon í Føroyum, og livdi tá av at binda til kvinnur. Hevur síðani bundið nógv til sín sjálvs og onnur. Fyritøkan: Í dag eru tað Beinta Festirstein og maður hennara, sum reka Sniálvsdóttir. Umframt tey bæði, eru tað fleiri bindikvinnur, sum eru knýttar at fyritøkuni. Í dag kunnu vørurnar keypast í handli hennara á Vaglinum og á heimasíðuni snialvsdottir.com Framtíðin: Beinta hevur stórar ætlanir fyri framman. Síðani hon byrjaði hevur sølan verið stór, og í næstum fer hon undir ein skipaða ætlan fyri at sleppa út um landoddarnar við sínari vøru. lagt til rættis: Barbara Holm