hósdagur 23. oktober 2014síða 35

Sosialurin nr. 118 · 17. oktober 2014 11 VIKUSKIFTI tema RADdesign v/Ragnhild Dam Byrjaði í 2014 Vørurnar: RADdesign framleiðir í høvuðsheitinum smúkkur og listarligar myndir við illustratiónsfuglum. Og til tíðir eru klæðir eisini at fáa. Útbúgving: Ragnhild Dam hevur eina útbúgving sum klædnaástøðingur frá Tekniska Skúla í Havn, og er í løtuni undir útbúgvin í tekniskum skúla í Danmark innan »Jewellery, business & technology«. Arbeiðsroyndir: Ragnhild hevur seinastu árini fingist við ymiskar uppgávur so sum at prýða til veitslur og til professionellar myndatøkur. Fyritøkan: Í dag arbeiðir Ragnhild einsamøll við sínum vørum, og tær kunnu síggjast á Facebooksíðuni við heitinum RADdesign. Framtíðin: Ragnhild er undir útbúgving komandi árini, og eftir tað er dreymurin, at hava ein handil og verksmiðju í Føroyum. FíL v/Fríðgerð í Líð Byrjaði í 2007 Vørurnar: FíL framleiðir litføgur pløgg, tó stílrein við íblástri frá føroysku bindingarmynstrunum. FíL byrjaði við bert at gera húgvur í 2007, men seinastu árini hevur Fríðgerð ment merkið til at fáa eitt veruligt skap og eyðkenni. FíL ger í dag troyggjur, húgvur, turrikløð og líknandi bundnar vørur. Útbúgving: Fríðgerð er útbúgving lærari, har hon hevur sett fokus á hondarbeiðslinjuna. Arbeiðsroyndir: Frígerð hevur altíð bundið og seymað nógv frá 5-6 ára aldri. Eisini hevur Fríðgerð arbeitt hjá Sonju Design, har hon lærdi nógv um seyming. Fyritøkan: Fríðgerð rekur fyritøkuna einsamøll, men hevur javnan ein fyrrverandi næming frá Tekniska Skúla aftrat sær, sum seymar ymiskt pløgg. Í dag kunnu vørurnar frá FíL keypast í Storm Boutique, í Kaffihúsinum, Fornminnissavninum, Norðurlandahúsinum og Magn í Vági. Harumframt eru FíL vørur til sølu á Norðuratlantsbryggjuni í Keypmannahavn og í Norðuratlantiskahúsinum í Odense. Framtíðin: Summar vørur hjá FíL vera í dag framleiddar uttanlands, hetta tí, at ætlanin er at víðka virksemi til enn fleiri handlar, og sostatt er neyðugt við skjótari framleiðslu. Umframt at røkka víðari út í heim, ynskir Fríðgerð í Líð sær eisini sín egna handil í Føroyum.