hósdagur 24. juni 2004síða 4

6 Nr. 118 - 24. juni 2004 Nr. 118 - 24. juni 2004 7 Ungir rokktónleikarar gera innrás Nýggja rokktiltakið Rox 2004 dróg 400 áhoyrarar niðan í Badmintonhøllina leygarkvøldið, og fyri- reikarin Karl Anton Klein sigur, at onnur tiltøk eru á veg fyri at fáa ungar tónleikarar á pall. Fríggjakvøldið gera ungir tónleikarar innrás í Mentanarhús- inum, seinni í summ- ar gongur leiðin til Íslands, áðrenn pumpandi rokktónar vera at hoyra í Norð- urlandahúsinum í heyst TÓNLEIKUR Heini í Skorini heini@sosialurin.fo Spildurnýggja rokktiltakið Rox 2004, sum manningin á Margarinfabrikkini skip- aði fyri, var á fyrsta sinni hildið leygarkvøldið í Bad- mintonhøllini í Havn, og sambært Karl Antoni Klein fyrireikara og tónleikalær- ara eru teir væl nøgdir við konsertina. – Vit byrjaðu at práta um konsertina afturi í desem- ber mánaði, men arbeiði gerst sjálvandi meiri intenst seinasta mánaðin, sigur Karl Anton Klein. Hann heldur, at hóast nógv ar- beiði krevst, er tað at skipa fyri eini konsert ikki øll verðin, og tað kann ikki nýtast sum undanførsla til vantandi live-tónleik í Føroyum. Yvirskot – Fluffy Toys var fyrsti bólkurin á palli, meðan Side Effect setti punktum við einum rimmar braki. Ljóðgóðskan var góð, skiftini gingu væl, og hóast vit vóru nakað seinir at byrja konsertina, eru vit sum heild væl nøgdir, sigur Karl Anton. Hann vil fegin undirstrika, at teir 400 ungu áhoyrararnir uppførdu seg fyrimyndarliga leygar- kvøldið. Hóast alt ikki er gjørt upp, mól tiltakið sam- bært Karl Antoni eisini runt fíggjarliga, og peningurin verður nýttur til nýggj tiltøk fyri ungar tónleikarar. – Tað er ov lítið av før- oyskum live-tónleiki, og ein av uppgávum okkara er at kunnað bjóða góðan og livandi live-tónleik til fólk- ið, sigur Karl Anton. Tá alt hetta er sagt, kastar hann eisini ljós viðurskifti, hann ikki var heilt nøgdur við leygarkvøldið. – Eg má tó leggja afturat, at WC-umstøðurnar í Bad- mintonhøllini eru alt annað enn nøktandi. Tvey lítil WC til 400 fólk er synd at bjóða ungdómi okkara, serliga tá talan er um eina høll, sum er góðkend til 640 fólk, slær Karl Anton fast. Rox 2004 stóð sostatt sambært honum royndina, og í summar og heyst eru nýggj tiltøk á skránni hjá Karl Antoni og teimum, sum stríðast fyri føroyska tónleikin. Fleiri konsertir Karl Anton sigur, at eitt aðalendamál teirra er at geva ungum tónleikarum og nýggjum bólkum nýggj- ar møguleikar og avbjóð- ingar, og eftir øllum at døma verður nógv gjørt at náa hesum málum. – Fríggjakvøldið verður ein minni útgáva av Rox 2004 í Mentanarhúsinum í Fuglafirði, og tiltakið byrj- ar klokkan 23, greiðir Karl Anton frá. Bólkarnir á palli fríggjakvøldið verða 48 Pages, Speaker, Einkikann- d i s k u t e r a s t a l t k a n n , Lamasea, Zink, og DJ Switch, og so verður ein bólkur úr Eysturoynni, sum ikki luttók á Rox 2004 við navninum Glitch eisini at hoyra. – Umframt hetta arbeiða vit við einum størri og kanska meiri krevjandi konsert í heyst, har ætlanin er at skipa fyri rokktiltaki í Norðurlandahúsinum, og vónandi fáa vit hesar ætl- anir í eina fasta legu, sigur Karl Anton. Ísland bíðar Men Karl Anton Klein og aðrir fara seinni í summar eisini at geva ungum tón- leikarum møguleikan at royna seg uttanfyri land- oddarnar. Teir hava sam- skipað eina konsertferð til Íslands við nýggju havnar- bólkunum Speaker og 48 Pages. – Hetta eru ungir og evnaríkir tónleikarar, sum hava brúk fyri avbjóðing- um. Tað vísir seg at vera sera torført hjá nýggjaru bólkunum at sleppa framat, og tí steðgar menning teirra ofta. Ferðin til Íslands er so eisini ein roynd at betra um hetta, sigur Karl Anton Klein. Saman við hesum bólk- um hevur Karl Anton eisini stovnað útgávufelagið Sprel Rex, og seinasta mánadag kom nýggja fløga teirra Ampaljóð á markn- aðin. Spurdur, hvussu tíðar- krevjandi arbeiði hansara er fyri ungu tónleikararnar, er Karl Anton greiður. – Tað verður helst eingin summarfrítíð í ár fyri okkara viðkomandi, sigur hann at enda flennandi. Zink á palli í Badmintonhøllini leygarkvøldið undir stóra tiltakinum Rox 2004 Mynd: Eyðun MüllerThomsen Streingjatónar frá guitarspælaranum í Paradox undir Rox 2004, sum sum manningin á Margarinfabrikkini skipaði fyri. Sambært Karl Antoni Klein fyrireikara eru bæði Ísland, Mentanarhúsið og Norðurlandahúsið á skránni í næstum Mynd: Eyðun Müller Thomsen Søgan tykist júst verða byrjað fyri trummuspælaran í The Story Ends, sum her roynir seg frammanfyri teimum 400 áhoyrarunum leygarkvøldið Mynd: Eyðun Müller Thomsen Formaðurin í Útoyggjafelagnum: Tað kann tykjast vónleyst og tungt – Tað kann tykjast vónleyst og tungt at stríðast fyri at halda lív í útoyggjunum, serliga tí úrslitini ikki tykjast liggja beint um húsahornið. Men tað hevur ongantíð verið so týdningar- mikið sum nú at halda fast og ikki missa takið, segði Óla Jákup úr Dímun á útoyggjafundinum í Hesti ÚTOYGGJAFUNDURIN Vilmund Jacobsen vilmund@sosialurin.fo Triðji aðalfundurin hjá Út- oyggjafelagnum varð hildin í Bygdarstovuni í Hesti seinasta leygardag. Nógv fólk vóru komin saman, og bygdarstovan var á tremur. Fundurin valdi Abraham Mikladal til orðstýrara og Óla á Geilini til skrivara. Formaðurin í felagnum, Óla Jákup úr Dímun, setti fundin og las formansfrá- greiðingina. Hann legði dent á týdn- ingin, ið felagið hevur fyri at styrkja samanhaldið og samstarvið millum tey, sum búgva á útoyggj og fyri at menna útoyggjarnar. – Tað kann tykjast vón- leyst og tungt at stríðast fyri at halda lív í útoyggjunum – ikki minst, tí úrslitini ikki tykjast at liggja beint um húsahornið. Men tað hevur ongantíð verið so týdn- ingarmikið sum nú at halda fast og ikki missa takið. Óla Jákup vísti á, at ein vælvirkandi útoyggjamenn- ingarstova (skrivstova) er eitt sera avgerandi amboð í hesum arbeiði. – Hetta noyðast vit at fáa myndugleikarnar til at viðurkenna og stuðla, segði hann. Á fundinum útgreinaði Olga Biskopstø, samskip- ari, tær uppgávur, sum felagið hevur arbeitt við seinasta árið. Hon greiddi eisini frá, hvat liggur fyri framman at fremja í hesum árinum. Olga vísti á, at felagið hevur ikki ta neyðugu arbeiðsorkuna, sum skal til, um munagóð tiltøk skulu setast í verk – útoyggjunum at gagni. Á fundinum lýsti Tumm- as Frank Joensen úr Skúvoy gongdina í "oljutunnumál- inum" og vísti á, hvussu trekt tað hevur gingist við at fáa loyst hetta máli. – Eingi ítøkilig úrslit eru enn, men vónandi verður tað ikki so leingi, til okkurt munagott hendir. Hann vísti á, at skal nak- að munagott henda í hesum máli, er neyðugt, at landið, kommunur, oljufeløg og møguliga SEV gerast part- ar í málinum. At enda á fundinum varð eitt skriv lagt fram, sum fel- agið ætlar at senda Jógvani við Keldu, landsstýrismann í innlendismálum. Í skrivinum verður heitt á innlendismálaráðið um at geva Útoyggjafelagnum betri arbeiðsumstøður. Tað er umboðsráðið í felagnum, sum hevur tikið stig til hetta. Á aðalfundinum varð nýggja umboðsráðið stað- fest, og val var av starvs- nevnd. Úrslitið gjørdist, at starvsnevndin heldur fram óbroytt, og tað sama er galdandi fyri umboðsráðið. Sostatt heldur Óla Jákup úr Dímun fram sum for- maður í Útoyggjafelagnum. Enn er ikki endaliga av- gjørt, hvar næsti aðalfundur felagsins verður, men lagt er upp til, at hann verður hildin í Svínoy. - Ein vælvirkandi útoyggjamenningarstova – ein skrivstova - er eitt sera avgerandi amboð í ar- beiðinum at menna útoyggjarnar. Hetta noyðast vit at fáa myndugleikarnar at viðurkenna og stuðla, segði formaðurin í Útoyggjafelagnum, Óla Jákup úr Dímun Mynd: Vilmund Jacobsen – Skal nakað munagott henda í málinum um oljutunnurnar, er neyðugt, at landið, kommunur, oljufeløg og møguliga SEV eru við til at loysa málið, segði Tummas Frank Joensen Mynd: Vilmund Jacobsen Útoyggjafelagið held- ur, at stevnan í Hesti leygardagin eydnaðist sera væl ÚTOYGGJASTEVNA Vilmund Jacobsen vilmund@sosialurin.fo – Stevnan var framúr væl fyriskipað, og ungmanna- felagið í Hesti og hestfólk eiga stóra tøkk uppiborna fyri tað. Øll kendu seg væl komnan, og umframt gesta- blídni var eisini góður mat- ur og undirhald, og ein hóp- ur av upplivingarmøguleik- um. Veðrið var til vildar, og tað gjørdi eisini sítt til, at dagurin var so væl eydn- aður. Felagið sigur, at góðir møguleikar vóru at koma til og av oynni, tí umframt Teistan, sigldi eisini Norð- lýsið við stevnugestum. Brimil tryggjaði, at norð- oyingar sluppu út í Hest fyrrapartin og norður aftur á midnátt. – Fleiri útferðir vóru. Ein í Koltur, ein niðan á oynna og ein gongutúrur norður á Sund. Frásagnir vóru við minnisvarðan og í kirkjuni. Á skúlaloftinum var søla av heimavirkaðum lutum. Undirhald var fyri børn- um á bryggjuni og uppi í bygdini. Og ikki at gloyma ta góðu suppuna, kókað í serstøku "fiskagrýtuni", sum var gjørd á Tórshavnar Skipasmiðju til endamálið. Tað var Birgir Enni, sum stóð fyri suppuni. Um kvøldið var dansur. Felagið vísir á, at ein spennandi kapping var fyriskipað. – Tað var togtogan mill- um útoyggjarnar. Fugl- oyggin fór avstað við sigr- inum, men luttakararnir stríddust manniliga fyri at vinna sær heiðurin sum sterkasta lið. Útoyggjafelagið takkar hjartaliga øllum teimum, sum fyriskipaðu og stuðl- aðu tiltakinum úti í Hesti. Útoyggjafelagið: Ein sera væl fyriskipað útoyggjastevna Útoyggjafelagið er sera væl nøgt við fyriskipingina av útoyggjastevnuni í Hesti leygardagin Mynd: Vilmund Jacobsen C M Y K 7 6