hósdagur 24. juni 2004síða 5

8 Nr. 118 - 24. juni 2004 Nr. 118 - 24. juni 2004 9 Randarsól: Stevnan eydnaðist væl Eini 45 fólk eru skrá- sett at búgva í Hesti, men bert fýra børn eru undir skúlaaldur HESTUR Vilmund Jacobsen vilmund@sosialurin.fo Eini 45 fólk eru skrásett at búgva í Hesti, og av hesum eru fleiri menn enn kvinnur. Barnaskúli er í bygdini, men har er bert ein skúla- næmingur. Fýra børn eru undir skúlaaldur, harav tað eina barnið táttar í skúlaaldur. Útlitini fyri, at barnatalið veksur, eru einki serlig. Eitt ungt par við einum barni er í bygdini, men sum skilst, er ivasamt, um tey vera verandi í Hesti. Hestur hevur havt dugna- ligar útróðrarmenn, og enn er nakað av útróðri úr bygdini. Teir, ið rógva út, selja fiskin um upp- boðssølu ella leggja hann upp í Skopun, har Sandoy Seafod keypir. Nú eru fleiri ár síðan, at fiskakjallarin í bygdini læt aftur. Nakað av landbúnaði er eisini og út- oyggjaumboðið í Hesti, Sanna Silvurstein, hevur sína dagligu gongd í fjósinum. Inni í havnini í Hesti liggja nakrir aliringar. Her gongur fiskur hjá Fiska- aling, og er hetta ein liður í lívfiskaarbeiðinum, sum annars fer fram í Skopun. Bert eitt barn í skúlaaldri Í Hesti er gott havnalag, og stutt er um fjørðin Mynd: Vilmund Jacobsen – Einasta, sum kanska ikki riggaði júst, sum vit ætlaðu, var flutn- ingurin, tí trýstið um fjørðin lá eitt sindur øðrvísi, enn vit høvdu væntað. Men hetta lagaði seg við teimum eykatúrum, sum Teistin og Norðlýsið sigldu, sigur Erla Matras Jensen, for- maður í ungmanna- felagnum, Randarsól ÚTOYGGJASTEVNA Vilmund Jacobsen vilmund@sosialurin.fo Hóast fólkið í Hesti er fáment, hevur bygdin fram- haldandi eitt virkið ung- mannafelag. Tað var hetta felag, ið ber heitið, Randar- sól, sum stóð fyri teimum praktisku viðurskiftunum í samband við útoyggja- stevnuna í Hesti seinasta leygardag. Randarsól hevur eitt hampiliga stórt limatal, men í løtuni búgva øll, sum manna nevndina, í mið- staðarøkinum í Suður- streymoy. Nógv fólk, sum hava sínar røtur í Hesti, men ikki búgva á staðnum, eru limir í felagnum. Fel- agið hevur sjálvsagt eisini limir í Hesti og tey, sum búgva í Koltri, eru eisini limir í Randarsól. Alt lagaði seg Erla Matras Jensen, sum er gift hestmanninum, Hans Jákupi Niclasen, er for- maður í ungmannafelagn- um. Hon heldur, at stevnan eydnaðist væl. Veðrið var gott, og tað var turt, tó at høgættarlotið kanska kend- ist eitt sindur kalt. – Eg haldi ikki, vit kunnu siga, at nakað kiksaði. Tað einasta, ið kanska kundi verið skipað eitt sindur øðr- vísi, var flutningurin um Hestfjørð stevnudagin. Vit høvdu væntað, at trýstið at sleppa um fjørðin fór at liggja eitt sindur øðrvísi, enn tað gjørdi. Tí komu fólk at bíða á Gomlurætt. Erla sigur, at hetta kortini lagaði seg við teimum eykatúrum, sum Teistin og Norðlýsið sigldu. Smá túsund fólk Formaðurin í Randarsól heldur, at seinnapartin stevnudagin vóru eini 700- 800 fólk í Hesti, men sum dagurin leið, komu og fóru fólk. Erla heldur, at út við tús- und fólk tilsamans vitjaðu í oynni hendan dagin, tá ið tey eru íroknað, sum búgva í Hesti og tey, sum vóru í bygdini uppundir viku- skiftið. – Nú so nógvar stevnur eru kring landið alt summ- arið, eru vit væl nøgd við, at so nógv fólk nýttu høvi at vitja út higar. Ungmannafelagið Rand- arsól skipar annars fyri ymiskum tiltøkum gjøgn- um árið. Afturvendandi til- tøk eru nýggjársveitsla, tunnusláing og ruddingar- dagur í samband við aðal- fundin. Onkuntíð hevur eisini verið skipað fyri jólaborðhaldi og útferðum. Erla Matras Jensen sigur, at Randarsól ynskir at takka øllum, sum tóku hond í við útoyggjastevnuni, ið man vera størsta einstaka til- takið, sum ungmannafel- agið hevur verið við til í nýggjari tíð. - Nú so nógvar stevnur eru kring landið alt summarið, eru vit væl nøgd við, at so nógv fólk nýttu høvi at vitja út higar, sigur Erla Matras Jensen, formaður í ungmannafelagnum, Randarsól Mynd: Vilmund Jacobsen Steffi Sager úr Sveits hevur seinasta árið verið skiftisnæming- ur í Føroyum. Hon hevur nógvar góðar upplivingar við sær aftur til heimlandið. Millum annað hevur hon verið og rikið seyð í Vatnsdali, hildið røðu á fólka- fundi og verið við í sangleikinum Jósef SAMRØÐA Ingrid Bjarnastein ingrid@sosialurin.fo Deymurin av turrum fiski stendur út í gangin, tá hurð- in verður latin upp. Turran fisk og fiskafrikadellur ynskti 18 ára gamla Steffi úr Sveits sær nevniliga til døgurða hennara seinasta kvøld í Føroyum. Síðani august í fjør hevur Steffi Sager úr Sveits verið í Føroyum sum skiftisnæm- ingur. Hon hevur gingið í 2.ð í Hoydølum og búð hjá eini familju uppi í Hoyvík. Mikumorgunin settist Steffi so aftur umborð á flúgvaran. Árið í Føroyum er liðugt, og nú gongur leiðin aftur til heimbygdina Hochdorf, sum liggur beint uttanfyri býin Luzern í Sveits. Við sær í kuffertin- um hevur hon eitt nýtt mál, eina nýggja mentan og er hon hópin av upplivingum ríkari. Ikki bara lætt Steffi tosar føroyskt uttan trupulleikar. Men málið er ikki komið av sær sjálvum, og tað hevur ikki bara verið lætt. – Í byrjanini skilti eg onki, og tá var tað ógvuliga torført. Eg skilti ikki, hvat mínir floksfelagar søgdu og hugsaðu. Men so hvørt sum eg eri farin at skilja meira, so er tað vorðið stuttligari og stuttligari, sigur Steffi við einum smíli. Tað er ein farri av suður- oyarmáli at hoyra í tosing- arlagnum á Steffi. Hetta kemst av, at vertsforeldrini koma bæði úr Suðuroy. Og tað skerst ikki burtur, at Suðuroynni er Steffi serliga hugtikin av. – Vit hava verið fleiri ferðir í Suðuroy. Abbin hevur ein bát har, sum vit onkuntíð hava verið úti við, greiðir hon frá. Harafturat hevur hon verið í Vatnsdali og rikið seyð, sum hon helt verða ógvuliga spennandi. Við í Jósef Umframt at hava rikið seyð, so hevur Steffi eisini roynt mangt annað. Hon sigur sjálv, at flokkurin, ið hon gekk í í Hoydølum, hevði ógvuliga gott oyra fyri tón- leiki. Og tað speglast eisini aftur í seinasta árinum, Steffi hevur verið í Føroy- um. Hon dugir fleiri før- oyskar sangir, og harafturat sang hon eisini í kórinum til sangleikin »Jósef og ótrúliga litfagra dreyma- kotið«. – Eg helt, tað var ótrúligt, hvussu professionelt tey kláraðu at gera tað. Sjálvt um tað bara vóru amatørar, so eydnaðist tað teimum heilt ótrúliga væl, heldur Steffi. Tað er stórur munur á skúlanum í Sveits og Før- oyum, heldur gentan úr fjallalandinum. Hon heldur nevniliga, at sambandið millum lærara og næming er minni hátíðarligt í Før- oyum enn heima í Sveits. – Her tosar tú við læraran hjá tær, sum tú tosar við ein vin. Í Sveits sigur lærarin »tygum« við teg, og tú sigur »tygum« við læraran, greiðir Steffi frá. Nú meðan royndirnar hava verið, hevur Steffi verið í starvsvenjing í tvær vikur á dagstovninum í Hoyvík. Og hetta dámdi henni ógvuliga væl. – Vit vóru á legu í Norða- dali í tveir dagar. Tað var ordiliga stuttligt. Helt røðu Ætlanin hevur verið at ferð- ast nógv í Føroyum, men fyri hetta skuldi lata seg gera, hevur familjan í Hoy- vík sitið og bíðað, til veðrið gjørdist betri. Men eydnan kann ikki sigast at hava verið við teimum. Lítið og onki av summarveðrið hev- ur verið, og í skrivandi stund er Steffi á veg avstað aftur. Tó hava onkrir góðveð- ursdagar verið. Til dømis, tá bygdastevna var í Hvalba fyrr í ár. Tá var eisini ein fólkafundur í bygdini, og mitt á einum stórum gras- vølli helst Steffi eina røðu fyri hvalbingum – á før- oyskum. – Eg var ordiliga nervøs. Eg hevði lisið taluna ígjøgnum fleiri ferðir, sigur hon smæðin. Vertsmamman Elisabeth Holm leggur stolt afturat, at Steffi kom væl frá tí, og fólk í Hvalba vórðu ógvu- liga bergtikin av, hvussu væl hon dugdi at tosa før- oyskt. Vil aftur Steffi sigur, at familja hennara vil eisini fegin síggja Føroyar, og tey eru ógvuliga spent uppá at síggja landið. Í heyst ætlar hon sær eis- ini at síggja fótbóltsdystin millum Føroyar og Sveits, og sigur hon, at um tað ber til, so hava foreldur henn- ara helst langt síðani tryggjað sær atgongumerki til dystin. – Eg fari at sakna nógv, men mest av øllum fólkini, sum eg eri vorðin so góð við. Og havið, tí í Sveits hava vit jú onki hav. Mikumorgunin fór flúgv- arin so avstað við Steffi og tí vakumpakkaða turra fiskinum aftur til Sveits. – Tað er við blandaðum kenslum, at eg fari avstað aftur. Eg eri bæði kedd og glað. Fái ilt í búkin og eri spent. Men eg ætli mær heilt víst aftur til Føroya. Vónandi næsta summar, sigur Steffi Sager úr Sveits. Steffi Sager, skiftisnæmingur úr Sveits: Veittrar farvæl við blandaðum kenslum Síðani august í fjør hevur 18 ára gamla Steffi Sager úr Sveits verið í Føroyum sum skiftisnæmingur. Hon hevur gingið í 2.ð í Hoydølum og búð hjá eini familju uppi í Hoyvík Mynd: Álvur Haraldsen Steffi er her avmyndað saman við vertsfamiljuni uppi í Hoyvík og ommuni og abbanum av Tvøroyri. Aftast f.v: Judith Holm, Palli Mortensen (vertspápi), Elisabeth Holm (vertsmamma), Leivur Holm. Fremst f.v: Lilja, 13 ár, Lý, 4 ár, Steffi og Sólja, 8 ár Mynd: Álvur Haraldsen. C M Y K 9 8