týsdagur 4. november 2014síða 13

13 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 5. november 2014 · Nr. 126 SKÚLABYGGING Nú er Sunda kommuna farin upp um 50 milliónir í inntøku og skuldin er ikki stór Góðar umstøður Um hálvtannað ár sleppa børnini í Sunda Kommunu í skúla í nýggjum skúla við øllum hentleikum og hann verður her á Oyrarbakka saman við felagsskúlanum Vit eru væl fyri at bjóða framtíðini av Skúlin við Gjógv aftur til røturnar Áki Bertholdsen – Vit eru væl fyri! Tað staðfestir Heðin Zachariasen, borgarstjóri í Sunda Kommunu, nú kommunu­stýrið er í ferð við at leggja fíggjarætlanina fyri næsta ár. Fíggjarætlanin er upp á 78,9 milliónir krónur og tað er nakað væl meiri enn í ár. Men høvuðsorsøkin til tað, er, at kommunan skal yvir­taka eldraøkið næsta ár og í tí sambandi fær komm­ un­an einar 13 milliónir til at umsita tað økið fyri. Annars kemur komm­ unan í ár fyri fyrstu ferð upp um 50 milliónir í inntøku av vanligum skatti og skatturin frá partafeløgum er 3,5 milliónir. – Vit hava hildið okkum til somu inntøku næsta ár og vit hava sostatt ikki hækka inntøkurnar, sigur borgar­ stjórin. Harafturat verður skatta­ prosentið næsta ár tað sama sum í ár, 21,5 prosent og barna­frádrátturin verður 5.000 krónur fyri hvørt barn­ ið og tað er eisini tað sama sum í ár. 8,2 milliónir í íløgum Í Sunda Kommunu fara tey at gera íløgur fyri góðar 8,2 milliónir næsta ár. Størstu íløgurnar verða, at 1,7 milliónir skulu brúkast til kloakkskipanina í komm­ ununi og 1,5 milliónir skulu brúkast til gonguteigar. Somuleið skulu vegir asfalter­ast fyri eina millión og ætlaniner eisini at útvega komm­un­uni ein nýggjan bil at salta vegirnar við um vet­ urin. Men tann størsta íløgan hjá Sunda kommunu er, at fótbóltsvøllurin við Margáir skal hava nýtt graslíki og tað kostar 2,5 milliónir. Men harafturat ætlar komm­unan at seta eina hálva millión av upp á at brúka gamla graslíki á vøllinum við Margáir til onnur endamál í kommununi. Í hesum sambandi er ætlan­in at leggja gamla gras­líki á spæliplássini á Langa­sandi, í Tjørnuvík og á Oyri, umframt á skúlalaðið í Hvalvík. Annars skulu 350.000 krónur brúkar til kamping­ pláss við nýggju náttúru­ lund­ini, ætlanin er at gera við Streymin og 100.000 krón­ur til kampingpláss í Haldórs­vík. Peningur er eisini settur av til minnisvarða í Haldórs­ vík, Kirkjugarðin í Tjørnuvík, parkeringspláss í Saksun, brúnna við Gjógv og skelting fyri at nevna nakrar av íløg­ unum. Annars er ætlanin at Sunda Kommuna skal rinda 6,1 milliónir krónur í av­drátt­ um næsta ár. Væl fyri Samstundis staðfestir borgar­stjórin, at Sunda komm­una er væl fyri fíggjar­ liga. Í løtuni er skuldin hjá kommununi einar 24 milliónir, men samstundis eigur kommunan 10 milliónir á bók. Men eftir er, at tann størsta íløgan av øllum hjá kommununi er ikki við fíggjarætlanini, og tað er íløgan, tað kostar at byggja nýggja skúlan, sum skal byggj­ast á Oyrarbakka nú ætlanin er at leggja skúlarnar í kommununi saman. Hinvegin sigur borgar­ stjórin, at í kommunu­stýr­ inum er semja um at taka lán til endamálið og væntandi verður tørvur á einum 25 milliónum krónum í láni til skúlan. – Hetta er eitt lán í fram­ tíðina hjá kommununi og tað hevur ómetaliga stóran týdning at framtíðartryggja skúlan. Men hóast vit taka lánið, verða vit framvegis langt undir einari álíkning í skuld, sum er tað mesta, ein kommuna hevur loyvi at læna, sigur Heðin Zachariasen. Støðugt fólkatal Í Sunda Kommunu hevur fólka­talið annars verið rættiliga støðugt seinastu árini. Tað búgva eini 1.650 fólk í kommununi. Men síðani kommunurnar vórðu samanlagdar í Sunda Kommunu í 2005, er fólka­ talið vaksið 150 fólk, sigur borgarstjórin. Annars vórðu 11 grund­ stykki seld í kommununi í fjør, so fólk eru í ferð við at byggja. Í áru eru færri grund­ stykki seld, men kommunan hevur stykki tøk, sigur borgar­stjórin. Áki Bertholdsen Ætlanin er at vísa fólki, hvussu ein skúli í Føroyum sá út fyrr í tíðini. Nú er ætlanin at gera gamla bygdarskúlan við Gjógv til eitt forn­minnis­ savn. Tað sigur Heðin Zacha­ riasen, borgarstjóri í Sunda Kommunu. Býráðið arbeiðir við at umskipa skúlabygnaðin í komm­ununi og at savna øll skúlabørnini í ein skúla­depil á Oyrarbakka Og tí sambandi skal støða takast til, hvat teir smærru skúlabygningarnir skulu brúakst til. Borgarstjórin sigur, at nakrir tankar hava verið frammi, men at tað enn er ov tíðliga at siga nakað um tað. Men hann leggur afturat, at ætlanin er eisini at fáa hug­skot frá fólki um, hvat skúlarnir í Hósvík, Hvalvík, Tjørnu­vík, við Gjógv og í Haldórsvík skulu brúkast til. Men summir av skúl­ unum eru rættiliga gamlir, eitt nú skúlarnir við Gjógv og í Haldórsvík, sum eru bygdir í gamlan stíl og ætlan­in er at varðveita byggi­stílin. Og ein avgerð, sum er tikin, er at gamli bygdar­ skúlin við Gjógv skal gerast til eitt fornminnissavn. Eins og skúlin í Haldórs­ vík, er skúlin við Gjógv bygdur í gomlum stíli og ætlan­in er at innrætta hann so­leiðis sum eina skúli var inn­rættaður fyrr. Endamálið er sostatt at hava skúlan við Gjógv sum eitt savn, har tað ber til at vísa fólki, bæði føroyingum og útlendinum, hvussu ein vanligur skúli í Føroyum sá út fyrr í tíðini. aki@sosialurin.fo