mánadagur 1. desember 2014síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 1. desember 2014 · Nr. 137 Seinnapartin leygardagin kom jólaskipið til Sands, og tá fingu børnini karamellur og jólapakkar. Henning Bøgesvang helt røðu, og øll vórðu boðin í fundarhølið hjá Sands kommunu til bollar og kakao Vilmund Jacobsen Tað var ein hugnalig løta Úti í Støð á Sandi seinnapartin leygar­dagin, tá jólaskipið við jólamonnum legði til brygg­ ju. Nógv fólk var savnað, og børn­ini vóru ógvuliga spent. Jóla­skipið var pyntað við ljós­ket­um, og ljósbluss lýstu, eins og vakurt fýrverk varð sent av havnalagnum, sum brast og sendi alskyns litir yvir jólaskipið. Á bryggjuni fingu børnini kara­mell­ur, og tá løtan á brygg­ju­ni var komin at enda, fóru allir jólamenninir upp í brand­bilin hjá Sands Sløkki­ liðið. Koyrt varð nú norður á Ljósa­fløtt, har stóra jóla­træ­ ið og lítla jólabygdin vórðu tendr­að. Á Mørkini Miklu, har kom­munu­skrivstovan er, fingu øll børnini jólapakkar og presturin, Henning Bøge­svang, helt røðu og las jólaevangeliið. Eftir at prestur hevði hild­ ið røðu, vórðu øll boðin inn í fundarhølið hjá Sands kom­ munu til bollar og kakao. Av Sandi verður sagt, at til­takið við jólaskipinum byrjaði í 2001, og tað vóru Ragn­ar Fossdalsá og Heri Sverra­son, sum í sínari tíð tóku stig til tiltakið tvey fylgj­andi ár á rað. Síðan tók Sands kommuna tiltakið til sín og hevur ført tað víðari til dagin í dag. Lítla jólabygdin við smá­ um húsum á Ljósafløtti sá dagsins ljós í 2004, og aft­ur her vóru tað Ragnar Foss­ dals­á og Heri Sverrason, sum komu við hugskotinum, og Sands kommuna læt fittu hús­ini byggja. Ein hugnalig løta á Sandi seinna­partin leygardagin, har børnini vóru í mið­depli­ num. Tá jólaskipið kom á Sand Vilmund Jacobsen Á Fiskamarknaði Føroya vænta tey tvey línuskip inn at landa í dag, og væntandi koma eisini nøkur inn at landa seinni í vikuni. - Skipini hava mest av toski, hýsu, longu og bros­ mu. Nakað verður eisini av svart­kalva, lira og blálongu síðst í vikuni. Lagt verður aftrat, at tvey frystilínuskip eru undir Ís­landi, og eitt er undir Før­oy­um. Um útróður verður sagt, at streymurin verður góður, men væntandi verður veðrið vána­ligt. Tí eru útlitini fyri út­róðri einki serlig. - Partrolararnir koma inn at landa, sum henda vik­an gongur. Fiskiskapurin eftir upsa er smáligur, men nak­að fæst av hvítfiski sam­an við upsanum. Á Fiskamarknaði Føroya vita tey at siga, at bara ein djúp­vatns­trolari er á ís­fiska­veiði undir Føroyum - og tveir, sum frysta veiðina um­borð, eru eisini til fiski­ skap.  - Djúpvatnstrolarin, sum er á svartkalvaveiði, landar vænt­andi seinast í hesi viku­ni.  Fríggjadagin, tá Fiska­ mark­nað­ur Føroya gjørdi sínar metingar, var bara ein trol­bát­ur til fiskiskap og kemur helst inn at landa í dag. Vilmund Jacobsen Eyðfinn Magnussen, sum skrá­setir haruveiði í Før­oy­um, er nú komin eftir, at tá harutíðin var hálv­runn­in og tilsamans 301 túrar vórðu gjørdir, vóru 3.568 harur skotnar kring landið. Hann sigur, at seinastu viku­na fyri, at harutíðin var hálvrunnin, vórðu 288 harur skotnar á 45 túr­ um, og best hilnaðist týs­dag­ur­in 25. november, tá 94 harur vórðu skotnar á 11 túrum. Á facebook-síðuni - Haru­skjóting í Føroyum - ligg­ur fílur við úrslitunum frá einstøku harutúrunum, sum Eyðfinn Magnussen hevur skrásett eftir upp­lýs­ing­um frá monnum, sum hava skotið harur í ver­tíðini í ár. Nakað verður av línu-og trolfiski Leygardagin um 17-tíðina kom jólaskipið á Sand, og tey vóru mong - bæði børn og vaksin - sum tóku ímóti og fingu karamellur og jólapakkar 3.568 harur eru skotnar Tá harutíðin var hálvrunnin, segði uppgerðin hjá Eyðfinni Magnussen, at 3.568 harur vóru skotnar á 301 túrum Á facebook-síðuni Haruskjóting í Føroyum ger Eyðfinn Magnussen upp - eftir upplýsing frá monnum, sum skjóta harur - hvussu nógvar harur verða skotnar kring um landið Tummas Frank í luftini Á túrinum hjá Teistanum klokkan 10.30 úr Skopun í morgun kom tyrla og tók Tummas Frank Joensen av skipinum og setti hann umborð aftur. Hetta var liður í bjargingar­ roynd.