hósdagur 4. desember 2014síða 32

Sosialurin nr. 139 · 5. desember 2014 8 VIKUSKIFTI Tónleikur Jákup Mørk jakup@sosialurin.fo Roxette, sviar og ikki minst altjóða pop-tónleikurin hevur nógv at takka Dean Cushman fyri. Eisini hóast tað munnu vera tey fæstu, sum kennast við navnið á amerikumannninum. Tí hóast Roxette saman við Abba verður roknað sum størsta navnið í stoltu svensku tón­leika­søguni, so skuldi eitt sindur av til­vild til, áðrenn bólkurin fekk sítt gjøgnum­brot. Handan søguna býr ein hending frá 80’unum, útvarpsstøðir vóru tá­tíðar­ innar svar upp á dagsins Youtube. Roxette hevði longu verið til í nøkur ár. Pearls of Passion varð send á svenska marknaðin í 1986, og útgávan stóð seg væl. Somikið væl, at tey bæði, Per Gessle og Marie Fredriksson, skjótt fóru undir næstu útgávuna. Navnið var Look Sharp!, og LP’in var ovast á svenska sølulistanum í fjúrtan vikur. Tær báðar fyrstu singlur­ nar av útgávuni, Dressed for Succes og Listen to your Heart, rukku báðar á top 10 í heimlandinum, og ikki minst vóru fólk fegin um, at Fredriksson nú í nógv størri mun var fremsta røddin hjá bólkinum. Gessle var annars upp­ runa­liga tann leiðandi vokalisturin, men sjálvur hevði hann einki ímóti, at Marie yvirtók hendan leiklutin. The Look varð vald sum triða singleútgávan av LP’ini, og tað vildi so til, at einum amerikonskum skiftis­ næmingi – Dean Cushman – dámdi lagið sera væl. Somikið væl, at hann tók eitt eintak við sær, tá hann fór aftur til heimlandið, og hann gav eintakið til KDWB, ið er ein lokal útvarpsstøð í Minneapolis. Lagið gjørdist eitt hitt alt fyri eitt. Somikið brádliga kom hetta á, at hóast gravgangur var eftir lagnum og út­ gávuni, so skaffaðist hon ikki í USA. Tað í sjálvum sær gjørdist sjálvandi eisini ein stór søga, og so mátti EMI, sum fyrr hevði vent tumlinumn niðureftir, tá talan var um at senda útgávuna á ameri­kanska marknaðin, í skundi fram­ leiða milliónatal av eintøkum. The Look rakk upp á ovastu tindar í USA og í 24 øðrum londum, og Roxette gjørdust sannar legendur innan pop/ rock-sjangruna. Heimurin fylgdi við sjúkuni Blandið av væl svingandi melodiøsum tónleiki og stilum balladum rakti beint í alheims fólkasálina. Lítla Føroyar slapp so sanniliga heldur ikki undan Roxette-feprinum. Tórs­havnar Kommuna byrjaði á sumri í 1989 at senda á nýggju Rás Tórs­havn. Har var MTV ein av rás­ unum, og tá hetta fall saman við al­ tjóða gjøgnum­brot­inum hjá svensku pop-duettini, tón­aði Roxette í bæði sjónvarpi, dansistøðum og ynskiløtum í útvarpinum. Næstu útgávurnar prógvaðu eisini, at her var talan um nakað nógv meira enn ein døgnflugu. Roxette hevur støðugt sent hópin av hittum á marknaðin. Umframt »The Look« hava eisini »Listen to Your Heart«, »It Must Have Been Love« og »Joyride« toppað snigle-listarnar í USA. Bólkurin hevur havt eina rúgvu av topp-løgum um allan heim, og virðislønirnar á bæði svenska og altjóða pallinum hava verið heilt nógvar í tali. Glamour-tilveran tykist ongan tíð hava órógvað tey bæði meira enn gott er, og fólksligi verimáti teirra hevur ikki gjørt bólkin minni vælumtóktan. Hetta var eisini sjónligt, tá Marie í eina tíð stríddist fyri lívinum, eftir at hon hevði fingið staðfest krabba. Talan varð um drúgva sjúkralegu, og bæði svenskir og altjóða miðlar sympati­ ser­aðu og fylgdu við, hvussu gekk í dyst­inum móti sjúkuni. Saman við lækn­unum vann Marie á sjúkuni, og fagnað­urin kring allan heim var stórur, tá Roxette aftur fann vegin fram á konsert­plakatirnar. Framvegis risastórt Summarfestivalurin hevur av og á fingið ábreiðslur fyri, at tað í stóran mun er »has-been«, sum hava myndað stóru framførslurnar á pallinum. Kanska ikki heilt rættvíst, um hugt verður eftir teimum stóru nøvnum, sum hóast alt hava verið á skránni. Eisini nøvn við nýggjum tónum. Roxette hevur kanska 30 ár á baki, men populariteturin um allan heim er framvegis ovurstórur. Ikki minst eru tey framvegis eitt risa-navn í Australia og Suðuramerika, har tey framvegis hava stórar og útseldar stadion-konsertir. Somikið stórar eru konsertirnar kanska ikki á okkara leiðum, men kort­ ini hava tey valt at hava eina Europa- turné. Eitt av stoppunum á hesari verður altso á Vágsbøi í Klaksvík, har stóra pop-brakið á ársins Summar Festivali verður hildið fríggjakvøldið 7. august. Veruligur altjóða Roxette er ein av gigantunum innan pop-tónleik. Eingin ivast í dag um, at Gessle og Fredriksson betur enn tey flestu duga at seta fangandi løg og tekstir saman, men tað skuldi eitt sindur av tilvild og ein amerikanskur skiftisnæmingur til, áðrenn bólkurin fekk sítt gjøgnumbrot top-klassi Útgávur: Pearls og Passion – 1986 Look Sharp! – 1988 Joyride – 1991 Tourism – 1992 Crash! Boom! Bang! – 1994 Have a Nice Day – 1999 Room Service – 2001 Charm School – 2011 Travelling – 2012 Uppsamlingar Rarities – 1995 Don’t Bore Us, Get to the Chorus! – 1996 Baladas En Esnpanol – 1996 The Ballad Hits – 2002 The Pop Hits – 2003 A Collection of Roxette Hits: Their 20 Greates Songs – 2006dr