fríggjadagur 25. juni 2004síða 9

16 Nr. 119 - 25. juni 2004 Nr. 119 - 25. juni 2004 17 Mentanarlív Í einum risa stórum bygn- ingi mitt í London, heldur Tate modern til. Hetta er eitt listasavn við moder- nistiskari list. Her er ein blandingur av gomlum og spildurnýggjum listaverk- um, við listafólki úr øllum heiminum. Verk av kendum monnum sum Monet, Dalí, Picasso og Andy Warhole hanga her. Bygningurin er í fleri hæddum við rullutrappum ímillum, stórum bóka- handli og eini risa mat- stovu. Hæddirnar eru býttar upp í nýggj og eldri lista- verk. Tað er ókeypis at- gongd, men gjald verður tikið, um tú vilt inn at hyggja á tveimum teimum ovastu hæddunum. Listaverk Av tí, at savnið er so stórt, við so nógvum ymiskum at síggja, so er tað heilt víst okkurt fyri øll. Nøkur verk vóru, sum serliga settu hugsanir í gongd og sum drógu fólk. Einastaðni hekk eitt verk á bróstinum. Tað var eitt petti, sum var brotið av eini skúlatalvu. Á hesum brotna og gamla talvubitanum, hevði ein týskur lærari og filosofur við kriti skrivað nakrar hugleiðingar í einum skúla, einaferð fyrst í 70’unum. -Vit vilja ikki verða kall- að primitiv ella djór. Men hvussu kunnu vit kalla okkum siviliseraði menn- iskju, tá vit eta okkum mett hvønn dag og sova væl hvørja nátt, væl vitandi um, at ein triðingur av heim- inum gongur svangur, uttan at hava nakað stað at búgva. Við okkara líkagleði og okkara vulgæru greði eftir at verða siviliseraði, prógva vit jú, at vit júst ikki eru tað. Nakað soleiðis stóð skrivað. Hetta fekk fólk í hópatali at steðga á, og hugsa eina løtu. Eitt annað verk var ein stuttfilmur, sum vardi einar 3 minuttir. Vit sóu ein mann leggja nakrar fruktir í eina skál og seta hana á borðið. Síðani sóu vit frugtirnar rotna so spakuliga. Fruktin gjørdist fyrst rukkut, síðani byrjaði hon at gerast loðin. Síðani sóu vit, at kykt komu og løgdu egg, og at enda, at alt skreið skart. Tá filmurin var liðugur, var einki eftir í skálini. Film- urin koyrdi umaftur og umaftur, og eisini her støðgaðu nógv fólk á og vórðu standani eina løtu burturi í egnum tonkum. Til eitt rúm var long kø. Bert 10 fólk sluppu inn í senn, tí listaverkið inni var so skoypiligt. Tá eg kom innar og sá verkið, fann eg hvørki høvd ella hala í tí. Ein vanlig, veik ljóspera hekk niður úr loftinum, og rundanum hana hekk órudd og skrambul av øllum møguligum slagi. Tað minti mest um at koma inn í ein óruddiligan kjallara. Heilt inni við ljósið hekk ymiskt smátt leikutoy. Dukkur, við ongum ørmum, illa farnir actionmenn, bóltar o.s.fr. Uttanfyri tað, hingu ymisk størri ting: rustaðar súkkl- ur, kruvdir gummistivlar, klæðir av ymsum slag, vatnslangur og havaamboð. Allar uttast hingu so nakrir stórir bjálkar og fjalir. Eg gekk runt og runt um hetta sveimandi listaverkið, sum fylti alt rúmið, og undraðist á hvat hetta mundi vera. Fann ikki nakran boðskap, hóast eitt serligt huglag merktiskt týðiliga. Men tá eg sá navnið á verkinum, klárnaði fyri mær. Stuck in Time, æt tað. Tað lýsti gomul minnir, sum bara hingu púra still og sveim- aðu, onkustaðni í gloymsk- uni. Alt at síggja Tate modern hevur eitt systir savn, sum hevur meira klassiska list. Runt um í London eru somu- leiðis í hundratalið av øðr- um søvnum. Um skip hava tín áhuga, so er í London stórt skipa- savn, við gomlum seglskip- um, heilt frá tíð Nelsons. Har er eisini savn við nýggjastu lampulistini! Har eru søvn við Sherlock Holmes, Charles Darwin, filmslist, gomlum klæðum, ja eg kundi hildið á. Har eru nógv áhugaverd søgulig støð at vitja, t.d. Stonehenge, sum flestu fólk munnu hava sæð myndir av. Bath, sum eru leivdirnar av einum róm- verskum spa og the Tower of London, fyri bert at nevna nøkur. Har eru gom- ul slott og borgir so tað forslær. Allastaðni í býnum liggja faldarar við tilfari um alt hetta ymiska sum er at síggja, og plakatir og reklamur eru somuleiðis allastaðni. Søvnini eru sum oftast sera løtt at finna, um tú bert veist í hvørjum umráði tey eru. Til nærum øll tey størru søvnini eru leiðbeinandi skelti, sum bert skulu fylgjast. Inni á slíkum søvnum kanst tú ganga ein heilan dag, um tú veruliga vilt geva tær far um hvønn einstakan merkislut. Tí er best ikki at vera í tíðarneyð, um tú vilt hava so nógv burturúr sum gjørligt. FERÐAFRÁSØGN Eydna Skaale • eydna@sosialurin Tate ModernMentanarlív Um list ella søga hevur tín áhuga, so eru nógvar perlur at síggja í London. Eingilskmenn eru sera stoltir av søg- uni, og søguligu støðini og søvnini eru óteljandi. Listin hevur somuleiðis sera góð kor. Lista- fólk úr øllum heim- inum fara til London at ganga á skúlunum har, og listasøvnini eru mong. C M Y K 17 16