fríggjadagur 25. juni 2004síða 10

18 Nr. 119 - 25. juni 2004 Nr. 119 - 25. juni 2004 19 Birgir Waag Høgne- sen, sølumaður hjá TeleTech, sigur, at teir fyri stuttum gjørdu avtalu við eina dansk/ amerikanska fyritøku um Net-telefoni við sera lágum prísum SAMSKIFTI Vilmund Jacobsen vilmund@sosialurin.fo Fyritøkan, TeleTech, var fyrsta telefyritøka eftir Føroy Tele, sum fekk fjar- skiftisloyvið, eftir at nýggja fjarskiftislógin varð sett í gildi í Føroyum. Síðani tá hevur TeleTech selt tráð- leyst internet í Vestmanna, Suðurstreymoy, Eysturoy og í Norðoyggjum, og tað hevur gingist rættiliga væl. Fyritøkan, sum heldur til í J. C. Svabosgøtu í Havn, er nú komin á marknaðin við eini vøru, sum væntandi fer at geva inn-og útflutnings- vinnuni og teimum, sum hava vinir og kenningar utt- anlands, eina rættiliga lækking í telefongjøldum. Birgir Waag Høgnesen, sum er sølumaður hjá Tele- Tech sigur, at teir fyri stutt- um gjørdu avtalu við eina dansk/ amerikanska fyri- tøku um Net-telefoni við sera lágum prísum. Hann sigur, at TeleTech Net–telefoni er soleiðis háttað, at tú við telduna kanst ringa beinleiðis á eina vanliga telefon uttanlands, tí sambandið verður leitt ígjøgnum internetið til ta útlensku telefonina. – Vit hava arbeitt við ætl- anini nú í longri tíð, sigur hann og vísir á, at teir í fyrsta umfari hava valt at seta TeleTech Net-telefoni á skinnaran. Birgir sigur, at seinni er ætlanin at selja vanligar Ip- telefonir, sum skulu setast til ta vanligu borðtelefon- ina, men telefonsambandið verður tá framvegis leitt í gjøgnum internetið. Riggar væl – Vit hava royndarkoyrt Net-telefoni-skipanina eina tíð, og vit halda, at hon riggar avbera væl. Vit gleða okkum nógv til at geva føroyingum ta bíligasta utt- anlandsgjaldið, tí tað vísir seg, at vinnuvirkir brúka nógvan pening til uttan- landssamrøður. Her er nógv at spara, sigur sølumaðurin. Hann vísir á, at við Net- telefoni kann brúkarin sita við telduna við einum he- adsetti og ringa til eina van- liga telefon ella eina mobil- telefon í útlandinum fyri serstakliga lágar prísir á www. leita.fo. – Brúkarin kann fara inn á heimasíðuna www. leita.fo og trýsta á ovasta bannaran í høgru síðu og har tekna seg fyri einum haldi, sigur Birgir. At tekna seg fyri einum haldi av hesi telefonskipan, kostar einki, og enntá fær brúkarin 1 dollara ókeypis, sum eina roynd. – Bæði ung og gomul duga at brúka telduna í samband við Net-telefoni. Eitt nú kunnu foreldur í Føroyum brúka henda møguleika til at tosa við síni børn í útlandinum og spara nógvan pening – ja, rættuliga nógvan pening. Birgir sigur, at sum dømi kann nevnast, at ein sam- røða til Brasiliu kostar bert 0,62 krónur um minuttin, meðan hesin sami minuttur kostar einar 12 krónur hjá hinum televeitarunum. Hann sigur, at kostnað- urin til eitt nú Fraklands er 0,31 krónur og hjá hinum 2,24 krónur. Einføld skipan Birgir vísir á, at brúkarin keypir sína talugávu ella talutíð við bankaflyting, ella tey kunnu brúka FR/- Dankort á www. leita.fo. – Eftir lítlari løtu fær brúkarin brúkt talutíðina, hann hevur keypt. So hvørt, brúkarin er liðugur at tosa, sæst, hvussu nógvur pen- ingur er eftir av talutíðini. So, hetta er ein einføld og bílig skipan, leggur hann afturat. Sølumaðurin vísir á, at TeleTech selir tráðleyst in- ternet, og er tað serliga teirra egnu viðskiftafólk- um, fyritøkan vil veita eina tænastu við hesi skipan. Hann vísur á, at breið- bandsviðskiftafólk hjá hin- um veitarunum eisin kunnu njóta gott av hesi tænastu, tí TeleTech Net-telefoni-tæn- astan á www. leita.fo er ikki avmarkað til við- skiftafólkini hjá TeleTech, men er til allar føroyingar. – Við tráðleysum inter- neti ella breiðbandi er dygdin avbera góð, men hetta er sjálvandi treytað av, at ljóðkortið er nóg stórt, sigur Birgir W. Høgnesen at enda. Ring til Brasiliu fyri 0,62 kr. um minuttin – Bæði ung og gomul duga at brúka telduna í samband við Net-telefoni. Eitt nú kunnu foreldur í Føroyum brúka henda møguleika til at tosa við síni børn í útlandinum og spara nógvan pening – ja, rættuliga nógvan pening, sigur Birgir W. Høgnesen, sølumaður hjá TeleTech Á Verkhúsinum Stíggjur arbeiða tey nógv við list, og á Varmakeldu fáa vit onnur eisini høvi at síggja úrslitið. Tað eru Dagmar Beder og Oggi Lamhauge, sum hava lagt teimum menningartarnaðu lag á, og hesuferð vera grafisku verkini hjá Ogga eisini við á listaframsýningini. LISTAFRAMSÝNING Anna V. Ellingsgaard anna@sosialurin.fo – Ein listaframsýning er ein frálíkur møguleiki hjá teimum menningartarnaðu at vísa, hvat ið rørir seg innaní teimum. Og hjá okk- um øðrum at skilja tey betri. Tað, tey kanska ikki duga so væl at seta orð á, duga tey ofta serliga væl at fáa fram við litum og blý- anti ella í lutum, tey evna við hondunum, sigur Dag- mar Beder, sum starvast á Verkhúsinum Stíggjur. At kroppslig ella sinnis- lig brek ikki nýtast at vera nøkur forðing fyri listarlig- um avrikum, hava tey á Stíggi longu prógvað so dyggiliga. Listaframsýn- ingin hjá teimum í Riber- húsi í Fuglafirði síðsta heyst eydnaðist so væl, at tey hava fingið hug at royna seg aftur. Hesuferð fara tey at sýna fram í Stórhúshøll í Fuglafirði á Varmakeldu. Ein onnur mynd – Tá Verkhúsið Stíggjur fylti 10 ár síðsta heyst, vildu vit og brúkarnir fegin gera okkurt serligt burturúr. Og vit hildu, at hugskotið við eini listaframsýning var frálíkt. Bæði tí tað var øðr- vísi, og eisini tí vit leingið høvdu fingist við list, men kanska saknaðu okkurt ítøkiligt at arbeiða fram ímóti, sigur Dagmar. – Tey vóru sjálvandi feg- in um at fáa møguleika at vísa sína list fram, men stóri áhugin fyri framsýn- ingini kom púra óvart á tey. Og tað sigur seg sjálvt, at tað eisini var serliga huga- ligt hjá teimum menningar- tarnaðu at vera í fokus í sambandi við nakað heilt annað enn tvørligar møgu- leikar ella vantandi tilboð, sum vit so ofta hoyra um, sigur Dagmar. Tað er onki at dylja yvir, at umrøðan av teimum brekaðu í fjølmiðlunum ofta er rættiliga einsháttað. Og hetta ger uttan iva sítt til, at vit ofta hava lyndi til at bólka øll brekað undir einum og halda tey øll vera meir ella minni líka. – Tey menningartarnaðu eru minst líka ymisk, sum øll vit onnur, sigur Dagmar. Til dømis er tað als ikki øll á Verkhúsinum, sum tíma at fáast við list. Og tey, sum tíma, prógva uppaftur meir, hvussu ymisk tey eru, tí tey hava øll hvør sítt sermerkta listarliga eyðkenni. Oggi eisini við Tað er Dagmar, sum saman við Ogga Lamhauge, peda- gogi og grafikara, hevur lagt teimum menningar- tarnaðu listarligt lag á. Oggi fæst eisini sjálvur við list, og hesuferð verður hann eisini við á framsýn- ingini. – Oggi hevur verið ótrú- liga hjálpsamur og stimbr- andi fyri listarliga arbeiði her í húsinum. Og tey menningartarnaðu vildu fegin vísa hon sítt takksemi við at at biðja hann vera við á framsýningini. Men Oggi er eisini ein avbera góður listamaður sjálvur, so nú fáa onnur eisini høvi at síggja verkini hjá honum. Tað ger bara framsýningina uppaftur meir áhugaverda, heldur Dagmar. Listaframsýningin »Menn- ingartarna saman við Ogga« verður at síggja í Stórhúshøll í Fuglafirði í døgunum 1. til 4. juli. Menningartarnað saman við Ogga Dagmar Beder er ein av stigtakarnum til listaframsýningina hjá teimum menningartarnaðu á Varmakeldu. Hon starvast dagliga á Verkhúsinum Stíggjur, har hon og Oggi Lamhauge hava lagt brúkarnum listraligt lag á C M Y K 19 18