fríggjadagur 25. juni 2004síða 11

Nr. 119 • fríggjadagur • 25. juni 2004 • 78. árgangur • www.sosialurin.fo Skála sett upp á pláss NSÍ-Skála 2-0 (1-0): Við høgari ferð og væl skipaðum pressspæli eydnaðist NSÍ í 1. hálvleiki at seta seg á skálamenn, sum ikki høvdu neyðugu tyngdina, tá ið teir eftir steðgin royndu at koma afturíaftur, og so staðfesti heima- liðið sigurin, ið lyftir teir upp á heiðurs- merkjapláss NSÍ-SKÁLA Jóannes Hansen NSÍ steðgaði glæsiligu gongdini hjá Skála. Í góð- veðrinum mikukvøldið, tá ið áskoðarafjøldin við Løk- in var størri, enn hon nakr- antíð hevur verið fyrr í ár, vann heimaliðið 2-0 á oddaliðnum. Harvið er NSÍ komið fram á heiðurs- merkjapláss. Hugburðurin og avrikið ímóti Skála boð- aðu frá, at NSÍ avgjørt má roknast millum teirra, sum eru við í FM stríðnum. Serliga í fyrra umfarinum var heimaliðið greitt omaná. Teir vóru í einum geari hægri enn gestirnir. Skálamenn fingu ongantíð frið at fáa tamarhald á sínum spæli. NSÍ miðvøllurin arbeiddi hart og møtti mótstøðu- monnunum langt frammi á vøllinum. Jústinus R. Hansen, Ian Højgaard og Aleksandar Jovevic vóru eyðsýndir á miðvøllinum, Brynjolvur Nielsen og Sjúrður Jacobsen bjóðaðu seg væl til í borðunum, og teir tríggir fremstu hjá NSÍ arbeiddu nógv. Men leingi tóktist tað sum um, at Skála skuldi sleppa heilskapað burturúr 1. hálvleiki. NSÍ hevði fleiri deyðbóltsstøður, sum tóktust vandamiklar, men tað var sjáldan, at Igor Kostic í Skála málinum varð settur á stóru roynd- irnar, áðrenn hann skaddur noyddist at taka seg av vøll- inum. 18 ára gamli Heini Kristiansen loysti hann av, uttan at hetta tóktist at nerva styrkina millum stólparnar nakað serligt. Rættuliga avgerandi fyri gongdina var tað, at NSÍ fekk mál í síðstu royndini undan steðginum. Sum so ofta frammanundan so fangaði NSÍ miðvøllurin bóltin, tá ið Skála royndi at mynda álop í vinstru, har teir vóru væl tynnri hesa ferð, enn teir hava verið fyrr í ár. Aleksandar Jove- vic legði bóltin fram um Skálaverjuna, Gert Lang- gaard fekk tak á, rann einar tjúgu metrar við trimum verjuspælarum í hølinum. Skála málverjin kom út ímóti og hálvbjargaði, men tað var ikki nóg gott av verjuspælarunum, at tað skuldi vera einsamalli NSÍ arin, ið fekk fatur á retur- bóltinum, og trillaði hann í tóma málið. Harvið hevði NSÍ sinni- liga yvirskotið undir hvíld- ini. Eftir steðgin fór leik- ferðin eitt sindur niður, og NSÍ tók seg eitt vet aftur og bíðaði. Tað bar við sær, at Skála hevðí bóltin meiri. Teir funnu betri hvønn ann- an, og teir vóru nakrar ferð- ir í NSÍ brotsteiginum. Men teir fingu ongantíð ferð á samanspælið, og teir gjørdu framvegis ov nógv mistøk. Dánial Hansen og Óli Hansen høvdu Jónhard Frederiksberg og Boga Gregersen í stuttum tjóðri, og Jens Martin Knudsen varð ongantíð settur á ser- ligar royndir. Ellivu minuttir undan leikloki varð alt avgjørt. Eftir deyðbóltsstøðu í høgru og út frá aftur, legði Brynjolvur Nielsen høgt inn um verjuna, sum var á veg fram. Á rangstøðu- markinum gjørdist innskifti Súni Fríði Barbá blankur og skoraði til 2-0. Missurin kostaði Hóast nógv er á skránni hjá NSÍ, so vóru teir væl upp- lagdir. Tá ið Ian Højgaard noyddist at fara skaddur av vøllinum, bilti tað ikki so nógv, tí avloysararnir vóru klárir at traðka til. Helgi L. Petersen og Jónstein Petersen vóru skjótir og ágangandi í borðunum, og fremstu menninir gjørdu tað, sum tað kann roknast við av álopsspælarum. Skála spældi ikki so væl, sum teir hava gjørt í nógvu av undanfarnu umførunum. Tað var eyðsýnt, at liðið leið nógv undir, at mið- vallar generalurin og lið- formaðurin, Pauli G. Hansen, ikki var førur fyri at spæla, og at Alexandur Johansen heldur ikki var við. Hetta hevði fleiri um- skipingar við sær, og tað gekk út yvir rútmuna í samanspælinum og tyngd- ina og hugflogið, tá ið álop skuldu myndast. Hóast Skála í 2. hálvleiki fleiri ferðir var í NSÍ brotsteig- inum, so var ongantíð neyðugt hjá Jens Martini Knudsen at vísa, at tað framvegis er dugur í hon- um. NSÍ avrikið boðaði frá, at teir ætla sær at vera við, har tað er hugaligt at stríðast í landskappingini og steypa- kappingini, og teir gjørdu eisini góða reklamu fyri sær sjálvum, áðrenn teir í morgin fara at spæla á heimavølli í Intertoto. Hvørja ávirkan tapið fer at hava á Skála liðið fæst at síggja sunnudagin, tá ið teir fáa vitjan av EBStreymi. Skála vitjanin hinumeg- in fjørðin kostaði nógv. Eitt er, at teir einki stig fingu við til hús aftur. Eitt annað er tað, at málverjin, Igor Bjarni Kostic, noyddist av vøll- inum við nógvari pínu. Seinni vísti tað seg, at okkurt bein var brotið í hondini. - Higartil hava vit verið hampuliga spardir fyri skaðar. Nú vórðu vit orduliga raktir. Pauli G. Hansen er orduliga skaddur, men vit vóna, at hann verður tøkur aftur eftir summarsteðg- in. Alexandur Johansen var sjúkur mikudagin. Hann verður ivaleyst við sunnudagin. Tíbetur eiga vit í Heina Kristi- ansen góðan eykamál- verja. Men vit mugu staðfesta, at tað kennist meint, tá ið fleiri eru burturi, sigur Pauli Poulsen, hjálparvenjari á Skála. Hann heldur ikki, at tað er nakað at siga til, at NSÍ vann. - Vit spældu ikki væl, og teir vóru væl skipaðir og grammir. Vit megn- aðu ongantíð at spæla okkum til upplagdar málmøguleikar, og tá ber ikki til at vinna. Á Skála vóna teir, at Sveinur Justinussen verður við eftir summ- arsteðgin. Hann hevur vant eitt sindur, men hevur annars hugsað mest um at fáa students- prógvið frá hondini. Tað fekk hann í gjár, og nú fer hann at hjálpa Skála. Í fjør var gávuríki bólt- spælarin ein tann stinn- asti á Skála miðvøll- inum. jh Málverjin breyt hondina Gert Langgaard var annar av málskjúttunum, tá runavíkingar – sum teir fyrstu – sendu Skála stigaleyst úr landskappingardysti í ár Mynd: Álvur Haraldsen Fakta um dystin NSÍ-Skála 2-0 (1-0) 1-0: Gert Langgaard 45. 2-0: Súni Fríði Barbá 79. NSÍ: Jens Martin Knudsen — Brynjolvur Nielsen, Óli Hansen, Dánial Hansen, Sjúrður Jacobsen (Andy Olsen, 80.) — Aleksandar Jovevic (Súni Fríði Barbá, 61.)), Ian Højgaard (Kári Hansen, 55.), Jústinus R. Hansen — Helgi L. Petersen, Gert Langgaard, Jónstein Petersen Gult kort: Helgi L. Petersen og Sjúrður Jacobsen Skála: Igor Bjarni Kostic (Heini Kristiansen, 31.) — Bárður Danielsen, Arnhold Berg, Dusan Jaic, Iulian Florescu - Hanus Thorleifsson, Rúni Rasmussen, Nenad Stankovic, Eugen Stanciu (Ronni Hansen, 82.) — Jónhard Frederiksberg, Bogi Gregersen Gult kort: Bárður Danielsen og Rúni Rasmussen 21 20 Nr. 119 - 25. juni 2004 UTTAN ÚR HEIMI USA ávarar um yvirgang Amerikanska stjórnin mælir nú sínum ríkisborgarum frá at fara til Saudiarabia, og amerikanarar, sum eru har, eiga at fara haðani. Stjórin sigur, at hon hevur fingið álítandi upplýsing- ar um, at yvirgangsmenn ætla at søkja at amerikonsk- um og vesturlendskum áhugamálum. Eitt nú sigur stjórnin seg hava fingið ábendingar um, at ætlanir eru um atsóknir at íbúðarbýlingum í saudiarabiska høvuðs- staðnum Riyadh. Uttanríkisráðið í Washington heldur, at amerikanar- ar, sum arbeiða í Saudiarabia, og sum royna at gerast partur av tí saudiarabiska samfelagnum, eru í serliga stórum vanda. Víst verður á, at verkfrøðingurin Paul Marshall Johnson búði ímillum saudiarabar, til hann bleiv burturfluttur og avrættaður í síðstu viku. Misnøgd við Blair Elizabeth drotning er eftir øllum at døma ikki nøgd við Tony Blair, forsætisráðharra. Ein kelda í hóvinum hjá drotningini sigur við blaðið Daily Express, at drotningin heldur seg ikki fáa nóg mikið at vita frá forsætisráðharranum, og at hon tí hev- ur samband við aðrar ráðharrar, so hon kann fylgja við. Sambært kelduni er Tony Blair tann forsætisráðharrin, sum hevur víst drotningini ta minstu virðingina tey 50 árini, hon hevur sitið á trúnuni. Eitt nú skal drotningin vera misnøgd við, at Blair hevur hildið hana uttanfyri fleiri týðandi avgerðir. Millum annað skal hann ikki hava kunnað drotningina um avgerðina at halda fólkaatkvøðu um ta nýggju ES- grundlógina, skrivar Daily Express. Blaðstjóri myrdur Myndugleikarnir í Meksiko hava biðið amerikonsku samveldisløgregluna FBI hjálpa sær at kanna um- støðurnar í sambandi við, at blaðstjórin Francisco Ortiz bleiv myrdur herfyri. Meksikonsku myndugleikarnir hava illgruna um, at brotsmenn, sum fáast við at smugla rúsevni úr Meksiko til USA, skipaðu fyri morðinum. Eygnavitni hava greitt frá, at fýra menn skutu blaðstjóran, tá hann skuldi seta seg í bilin uttan fyri ein handil í býnum Tijuana. Tvey børn og ein annar maður vóru við blaðstjóranum, men tey vórðu ikki rakt. Francisco Ortiz var blaðsatjóri á blaðnum Zeta, sum er kent fyri at hava avdúkað ymisk viðurskifti í sam- bandi við svik og skipað lógloysi á markinum ímillum Meksiko og USA. Eitt nú hevur blaðið skrivað nógv um rúsevnissmugling um markið. Funnu gamalt tyggigummi Norskir fornfrøðingar, sum grava í einum øki tætt við Stavanger, hava funnið ymiskt áhugavert í einum bú- staði frá víkingatíðini. Í síðstu viku komu fornfrøðingarnir fram á eina grøv. Í henni funnu teir fleiri lutir, teirra millum eitt spenni úr silvuri. Tað mest sjáldsama var kortini eitt petti av harpiks. Tað var týðiligt, at onkur hevur tugt harpiks- pettið, og tað hevur fingið fornfrøðingarnar at gita, at børn kanska nýttu harpiks sum eitt slag av tyggigummi í víkingatíðini, skrivar Aftenposten. Fornfrøðingurin Helge Sørheim sigur við blaðið, at tað er einki at ivast í, at børnini í víkingatíðini eins og børn í dag hava gingið og tugt eitt ella annað, og hann heldur tað ikki vera óhugsandi, at tey hava brúkt harpiks sum tyggi- gummi. Helge Sørheim leggur tó afturat, at víkingarnir nýttu eisini harpiks til at tetta kør og onnur íløt, og at teir tugdu tað fyri at gera tað bleytari. So kanska hevur tað gamla harpikspettið ikki verið tyggigummi kortini. Hungur hóttir Zim- babweMeiri enn tvær milliónir fólk í Zim- babwe fara at líða hungur seinni í ár HUNGUR Árni Joensen fartekst@mail.dk Altjóða hjálparfelagsskapir og ST siga, at nógv fólk í Zimbabwe fara at hava ov lítið til matna seinni í ár, og at viðurskiftini fara neyvan at batna fyrr enn einaferð næsta vár. ST heldur, at umleið 2,3 milliónir fólk fara at hava tørv á mati úr útlondum, men summir felagsskapir halda, at talið verður nógv størri. Onkur felagsskapur vil vera við, at umleið fimm milliónir zimbabwar fara at hava ov lítið til matna. Forsetin í Zimbabwe, Ro- bert Mugabe, segði fyri stuttum, at eingin í landi hansara líður hungur, og at landið verður heldur ikki rakt av hungursneyð. – Okkum tørvar ikki mat úr útheiminum, segði hann. Hungur hóttir Zimbabwe Myndirnar úr Irak og tey ótryggu viður- skiftini har gera, at George W. Bush færr minni og minni und- irtøku frá veljar- unum. Tað kemur mótvalevni hansara tilgóðar USA Árni Joensen fartekst@mail.dk Ein mánað aftan á atsóknir- nar at World Trade Center og Pentagon søgdu 92 pro- sent av amerikanarunum, at George W. Bush, forseti, hevði røkt sítt arbeiði væl. Men nú er vent í holuni. Sambært einari nýggjari kanning siga 47 prosent, at tey eru nøgd við arbeiði hansara, og 51 prosent eru misnøgd. Kanningin, sum sjón- varpið ABC hevur gjørt, vísir eisini, at umdømi forsetans er versnað nógv í hesum árinum. Tá amerik- anarar fyri tveimum mán- aðum síðani vórðu spurdir, hvør av teimum báðum forsetavalevnunum, Bush ella John Kerry, er betur egnaður at leiða bardagan ímóti yvirgangi, var Bush 21 prosentstig framman fyri Kerry. Men so er ikki longur. Í kanningini hjá ABC siga 47 prosent, at Bush er betri egnaður, men 48 prosent halda, at Kerry er tann rætti maðurin. Kanningin vísir eisini, at hevði forsetaval verið í USA nú, hevði John Kerry vunnið. Hann hevði fingið 48 prosent, Bush hevði fingið 42, og tað triðja val- evnið, Ralph nader, hevði fingið sjey prosent. Bush í hørðum andróðri Altjóða krígsbrots- mannadómstólurin fer at kanna skuldset- ingar um neyðtøkur og píning í Kongo. Hann skal eisini kanna skuldsetingar um, at børn verða brúkt sum hermenn. KRÍGSBROTSVERK Árni Joensen fartekst@mail.dk Kanningin í Kongo er tann fyrsta, sum krígsbrots- mannadómstólurin hevur tikið stig til, síðani hann bleiv skipaður. – Hetta er eitt stórt stig fram ímóti altjóða rættvísi, sigur høvuðsákærin hjá dómstólinum, Luis Mor- eno-Ocampo. Bardagar í landnyrðings- partinum av Kongo hava kravt umleið 50.000 mannalív tey seinastu fimm árini, men altjóða krígsbrotsmannadómstóluri n kann ikki kanna ákærur, sum eru eldri enn tvey ár, tí dómstólurin bleiv ikki stovnaður fyrr enn í 2002. Mannarættindafelags- skapir hava fleiri ferðir kært seg um, at teir stríð- andi partarnir í Kongo hava framt krígsbrotsverk av ymsum slagi, og teir fegnast um, at altjóða dóm- stólurin nú tekur málið upp. – Hetta er eitt sera týð- andi stig í arbeiðinum at revsa tey, sum skipa fyri hópmorðum, skipaðum neyðtøkum og etniskari út- reinskan, sigur Richard Dicker í mannarættinda- felagsskapinum Human Rights Watch. Krígsbrotsverk skulu kannast Nógv túsund fólk eru flýdd undan bardøgunum í Kongo. Myndin er úr einari flóttafólkalegu í Burundi, har 20.000 fólk úr Kongo eru C M Y K 20