mánadagur 8. desember 2014síða 19

19 Mánadagur 8. desember 2014 · Nr. 140 Sosialurin Hugskot og viðmerkingar – send sms til 225000 kjak Victor Carlsen úti við instrumentalu útgávuni »Gjøgnum alt« Fríðálvur A. Jensen Aftur her er ein settur í ta støðuna, at ein ikki følir seg verdugan at seta síni orð og geva hesi útgávuni eina meting. Tá Victor bjóðaði mær út­gávuna, fóru nógvir tank­ ar aftur í tíðina, tá vit vóru saman í ymsum tón­leika­ ligum í Filadelfia. Tað er ongin ivi um, at eg altíð havi sett Victor høgt í sínum sera góða spæli aftan fyri klaverið, tí hann er bæði gávaður og hevur eitt helt unikt oyra fyri at fáa tónleikin at ganga upp í eina hægri eind. Tá vit spældu saman, legði ein skjótt merki til hesi evni, tí varð onkur tóni ikki heilt “reinur” sást tað á honum. Henda útgávan ber sanni­ liga eisini boð um ein artist við sera sjálvkritiskum ar­ beiðs­lagið, tí hvørt einasta lag er bara so heilt ómetaliga væl frágingið. At hann so hevur fingið sjálvan Mark Coleman, ið rekur Coleman Produktion, at standa fyri tónleikaligu og tøkniligu uppsetingini kann bara geva tað úrslitið, henda útgávan ber boð um – FLOTT! Eitt av mongu ser­merkj­ unum eg beinanvegin legði merki til var, at tað neyvan er nøkur tilvild at Victor hevur valt sær júst hesi løgini, tí ein reyður tráður er allan vegin ígjøgnum – at hann vil æra sín Gud og faðir. Kenslan er eisini, at hóast lívið ikki altíð háttar seg, sum vit vilja hava tað, so er tað ein vón, ið Victor onkursvegna vil siga okkum – umvegis tangentarnar. Eg skal viðganga, at hetta rørdi meg so mikið, at eg var noyddur at turka okkurt tár úr eygnakrókunum, so ynski um at útgávan skal siga okk­um nakað, er sanniliga rokkið. Eitt sermerkt við útgávuni er, at Victor júst hevur valt sær hesar tónleikararnar at hjálpa sær. Ein hoyrir sera av­puss­ aðan og væl leiktan lut hjá hvørjum einstøkum tón­leik­ ara, sum gevur útgávuni ein serligan rúman og góðan klang. Hann hevur eisini valt at hava tríggjar føroyingar við sær og aftur her, hevur Victor rakt plett, tí hvør handfer guitarin og guitaleluna betur enn Mikkjal Hvannastein, mando­linuna, Petur Bærent­ sen og tvørfloytuna, Súsanna Joensen. Eg sat eitt sindur og hugs­ aði, at tað kanska kundi verði gott við onkrari sangrødd, men eg rokni so meira við, at Victor vil bera okkum ein góðan positivan boðskap, sum júst henda útgávan “Gjøg­num alt” ger – FLOTT OG GJØGNUM­FØRT! Blátt Gras við »Ávegis« heimlongsli – er ein av boðskapunum, sum bólkurin Blátt Gras vil bera okkum! Fríðálvur A. Jensen “Blue Gras” og kristin boð­ skapur er so avgjørt ein øðr­vísi tónleikalig saman­ seting, men eisini ein djørv og berandi avbjóðing, hesir fimm menninir hava sett sær fyri. Í eini samrøðu segði Ragn­ ar, at teir av onkrari tilvild møttust til venjing, men at ein bólkur skuldi spyrjast úr hesum, var ikki júst tað teir høvdu hugsað um. Aðrastaðni í samrøðuni nevnir hann: “Í okkara tráðan eftir tí himmalska eru nógvar forðingar og avbjóðingar, samstundis sum signing og styrki verður givin til hvønn einstakan. Vit ynskja tó altíð, óansæð umstøður, at verða ávegis til Himmalin.” Ragnar, Terje, Jóhan, Gunn­ar og Richard hava allir tað til felags, at teir elska at fáast við tónleik og er tað ivaleyst ein berandi orsøk til, at teir og teirra tónleikur er so væl móttikin. Tá eg keypti mær fløguna var tað ikki við lítlum spenn­ ingi, tí útsagnirnar vóru rættiliga jaligar. Fari eg gjøgnum tey tíggju løgini, er tráðurin ein sterkur boðskapur og er ynskið hjá teimum at fáa væl skrivaðu tekstirnar og lætta tónleikin at ganga upp í eina hægri eind. Hetta er Blue Gras tón­ leikur, men er eisini eitt íslett av country at hoyra, sum gevur útgávuni eina góða breidd. Teir høvdu sett sær fyri, at henda útgávan skuldi hava góða góðsku og vóru teir klárir at fara alla ferðina yvir í Crossroads Studio í USA at fáa hesa. Vit hava sum dømi Kvar­ tettina í Betesda, sum eisini fingu eina útgávu á høgum støði. Millum mongu útgávurnar hesa seinastu tíðina, skilir henda seg eitt sindur út, tí tað eru ikki aðrir bólkar, ið hava lagt seg eftir Blue Gras kendum tónum. Eg haldi, at David John­ son er komin sera væl frá skip­anini av útgávuni og Van Atkins tí tøkniliga, tí útgávan er sera væl greidd úr hondum. Fyri at koma inn á okkurt lagið, eri eg sera fegin um skering fimm: “I´m on my way to heaven,” sum fær meg at hugsa um góðu framløgurnar hjá Gaither, ið eru millum tey størstu innan kristna tónleikin. Fyrsta skeringin er eisini eitt sera gott lag og eri eg mest fegin um tey ensku løgini, sum geva útgávuni ein serligan altjóða dám. Eg kann bara vera samd­ ur við Jeff Collins í Cross­ roads: “What fine, talented and humble gentleman we encounterd her in Cross­ roads..” – EIN SERA GÓÐ OG SPENNANDI ÚTGÁVA! Lýst verður eftir fólki til land­ ing ar toymi o.a. fyrifallandi arbeiði. Arbeiði umfatar, at verða partur av toymi, ið tekur sær av tí teknisku landigarútgerðini, umframt vanligt smiðjuarbeiði. Við landing er talan um vaktararbeiði allan sólarringin. Hevur hetta tín áhuga, so set teg í smb. við okkum á tel. 414400, ella skriva til haj@havsbrun.fo Starvslýsing Fólk til tekniska landingartoymi Freistin at søkja er 19. desember 2014 www.havsbrun.fo © DIMMALÆTTING