mánadagur 8. desember 2014síða 30

Mánadagur 8. desember 2014 · Nr. 140 30 Sosialurin Hugskot og viðmerkingar – send sms til 225000 ítróttur svimjing Tað rakk ikki til heiðursmerki, men kortini segði Pál Joensen seg vera fegnan um avrikið í HM finaluni á 1500 metra teininum, sum í gjárkvøldið var betri enn nakrantíð áður Jóannes Hansen Í gjárkvøldið var Pál Joensen enn eina ferð í kapping ímóti hin­um í heimselituni á 1500 metra teininum í frísvimjing. Í HM finaluni, sum hesa ferð var í Doha í Qatar, var av­rik­ið hjá Páli betri, enn hann nakrantíð áður hevur megn­að. Pál Joensen er í løt­uni fjórði besti svimjarin í heiminum í 1500 metra frí­ svimj­ing á stuttgeil. Talan er um framúr avrik, sum enn eina­ferð undirstrikar, at í Páli Joensen eiga Føroyar ein av heimsins bestu svimj­ ar­um. Umframt at standa seg væl í Doha er hitt stóra málið hjá Páli Joensen at standa seg væl í EM kappingini á lang­geil, sum næsta summar verð­ur í Russlandi. Stóra yvir­ornaða málið hjá honum er at standa seg væl í OL kapp­ingin, sum á sumri í 2016 verð­ur í Brasil. Avrikið í gjárkvøldið var stað­festing av, at tað gongur rætta vegin, og at tað – um alt gongur sum tað skal – er møguleiki fyri góðum av­rik­ um í Russlandi næsta summ­ ar og í Brasil um eitt sindur meiri enn hálvt annað ár. Málið Upp undir HM kappingina í Doha endurtók Pál fleiri ferð­ir, at málið var at svimja skjót­ari, enn hann nakrantíð áð­ur hevur megnað langa tein­in. Tað eydnaðist. Talan var um føroyskt met, og tal­ an var um norðurlendskt met. – Kenslan er heilt góð. Eg eri stak væl nøgdur við avrikið og tíðina. Bæði tekn­ iskt og taktiskt kundi hetta ikki verið betri. Tíðin sigur, at hetta var besta avrikið hjá mær nakrantíð. Besta tíð­in undan hesi kappingini var í World Cup í Berlin í 2009. Tá var tíðin 14:32.15. Í kvøld var tíðin 14:26.54. Hes­ ar báðar tíðirnar eru ikki heilt sambærligar, tí í Ber­ lin svam eg í drakt. Besta tíð­in í svimjibuksum undan kapp­ing­ini her í Doha var í Her­ning í fjør, tá ið tíðin var 14:35.99. Tað vil siga, at tað í kvøld vórðu skarvað níggju sek­und av gamla persónliga met­in­um. Tað eri eg ógvuliga feg­in um, segði Pál Joensen í sam­røðu við formannin í Svimjisambandinum Rók Jákupsson stutt eftir, at kappingin var lokin í gjár­ kvøld­ið. Pál Joensen sigur seg eis­ ini vera fegnan um, at avrikið var so mikið gott, at tað bar nýtt norðurlendskt met við sær. – Frammanundan hevði eg metið á 800 metra tein­ in­um. Tíðin í kvøld var so mik­ið góð, at eg rokni við, at hetta norðurlendska metið fer at standa eina tíð. Gamla metið var fimm ára gamalt. Danski Mads Glæsner átti gamla norð­ur­ lendska metið, sum hann setti í EM í Istanbul í 2009. Tíð­in hjá honum fyri fimm ár­um síðani var 14:26.76. Í kvøld fílaði Pál Joensen 22/100 av einum sekundi av gamla metinum. So eigur at verða lagt aftrat, at tá ið Mads Glæsner setti metið, svam hann í drakt og ikki í svimji­buksum. Vónin Umframt at hava sum mál, at av­rikið í gjárkvøldið skuldi vera tað besta nakrantíð, so fjaldi Pál Joensen ikki, at hann vónaði, at tað við besta persónliga avrikinum skuldi eydnast at vinna heið­urs­ merki. – Sjálvandi er tað harmu­ ligt, at avrikið ikki rakk til meiri enn fjórða plássið, sum man vera tað forargiligasta av øllum at enda á. At úr­slit­ ið varð soleiðis, hóast av­rik­ið hjá mær var tað besta nakr­ an­tíð, vísir bara, hvussu góð henda kappingin var. Italiu­ mað­ur­in, sum vann, setti jú nýtt europeiskt met, vísir Pál Jo­en­sen á. Gekk kappingin soleiðis, sum tú hevði ætlað? – Tað gjørdi hon. Eg kendi meg fyri tað mesta at hava gott tak í vatninum. Ætl­ an­in var fyrsta triðingin av teininum at fóta mær í feltinum. Tað eydnaðist. So var ætlanin at taka teir, sum vóru í nánd av mær. Tað eydnaðist eisini, tá ið eg vann meg framum teir báðar næstu. Á síðsta trið­ ing­in­um ráddi tað um at gera alt og so eitt sindur aftr­at. Tað eydnaðist eisini hampu­liga væl. Tá ið eg kom á mál, visti eg ikki, um eg var á triðja, fjórða ella fimta pláss­inum, men eg visti, at tað vóru fleiri frammanfyri meg, greiðir Pál Joensen frá. Tá ið eg so sá, at tað var Gre­ go­rio Paltrinieri úr Italia, sum hevði vunnið, so kom tað ikki óvart á. Hann vísti jú eisini í Berlin, at hann er sera stinnur, og tíðin 14:16.10 var bæði nýtt meistaramet og nýtt europeiskt met, sigur Pál Joensen. So alt í alt ert tú ikki vón­ brotin av, at tað hesa ferð ikki eydnaðist at vinna heið­ urs­merki? – Eg havi einki metal við til hús, og eg endaði á fjórða pláss­inum, sum er tað minst huga­liga av øllum. Men tað var við góðum persónligum meti og kapping, sum bæði tekn­iskt og taktiskt var sera góð. Tí fari eg til hús bæði glað­ur og stoltur um, at arb­ eið­ið hevur borið løn við sær. Roynd­irnar bera við sær, at eg ikki kenni meg koma tóm­ hent­an heim aftur, sigur Pál Jo­en­sen.. Fleiri persónlig met Umframt Pál Joensen lut­tóku Cecilia Wigant Eysturdal og Óli Mortensen í HM kappingini í Doha. Tey bæði kappast ikki enn í heimselituni. Felags fyri tey bæði var tó, at tey fleiri ferð­ ir settu nýggj persónlig met í Doha. Cecilia Wigant Eysturdal setti nýtt persónligt met í 200 metra frísvimjing. Gamla metið hjá henni var 2:06.22. Nú megnaði hon 2:04.86. Elspa Mørkøre eigur fram­ veg­is føroyska metið, sum er 2:03.15. Cecilia setti eisini nýtt persónligt met í 800 metra frí kappingini. Gamla met­ið hjá henni var 9:05.08. Nú skarvaði hon næstan fýra sekund av persónliga met­in­um. Tíðin í Doha var 9:01.74. Óli Mortensen setti trý per­són­lig met í Doha. Á 200 metra teininum er nýggja met­ið hjá honum 1:51.65, með­ an gamla metið var 1:52.92. Á 400 metra teininum er nýggja metið hjá honum 3:52.16, sum er væl betri enn gamla metið, ið var 3:55.51. Á 1500 metra teininum skarv­ aði Óli Mortensen tíggju sek­und av sínari bestu tíð. Gamla metið var 15:20.07, með­an nýggja metið er 15:10.09. Pál setti met oman á Met 1. Gregorio Paltrinieri, Italia, 14:16.10 (nýtt meistaramet) 2. Oussama Mellouli, Tunesia, 14:18.79 3. Ryan Cochrane, Canada, 14:23.35 4. Pál Joensen, Føroyar, 14:26.54 (nýtt norðurlendskt met) 5. Gabriele Detti, Italia, 14:29.94 6. Jordan Harrison, Australia, 14:33.10 7. Michael Mcbroom, USA, 14:34.31 8. Richard Nagy, Slovakia, 14:35.50 9. Ziao Qiu, Kina, 14:39.41 Úrslit svimjing.com