hósdagur 11. desember 2014síða 46

22 Mentanarblaðið hjá Miðlahúsinum 8 • 12. desember 2014 Tað hevur leingi borið til at leita eftir bókum, bílagt og endurnýggja lán alt samdøgrið umvegis heimasíðuna hjá Býarbókasavninum. Fyrr í ár bleiv so eisini møguligt at læna e-bøkur, net­ ljóð­bøkur og net­filmar alt sam­døgrið. So á ein hátt ber til at siga, at Býar­ bóka­savnið longu sum er hevur opið alt samdøgrið. Men frá 2. januar 2015 fer eisini at bera til at koma á gólvið á Býar­bóka­savn­ inum nógv longur enn nú, tí tá verða upplatingartíðirnar mun­andi víðk­aðar. Mánadag-hósdag verð­ur Býar­bóka­ savnið opið frá 9-21, fríggjadag frá 9-18, og í vikuskiftinum verður opið leygardag frá 10-16 og sunnudag frá 14-17. Hvussu nógv brúkar tú bókasavnið og til hvat? – Eg komi ofta á bókasavnið. Eg læni ljóð­ bøkur. Eg havi altíð eina ljóðbók í kam­ar­ in­um hjá mær. Vit eru fleira heima, sum læna, og so tosa vit um, hvat vit lesa. Eg læni eina ljóðbók, so fortelji eg systir Ter­esu um hana, og um hon heldur, tað ljóðar áhugavert, so lænir hon hana sum van­liga bók. Eg læni danskar ljóðbøkur, sjálvt um eg aldr­in havi lært danskt. Eg haldi, tað er so gott lisið inn. Tey duga so væl at lesa upp, og so bindi ella máli eg, meðan eg lurti. Hvat er tað allarbesta við at koma á Býarbókasavnið? – Bara tað at koma inn. Her er hugnalig atmosfera, og man fær frið. Eingin kemur at spyrja, um man leitar eftir nøkrum serligum. Tað er ókeypis at læna bøkur. Eg kann læna fleiri, og kanska er ein, sum eg kortini ikki havi hug at lesa. So lati eg hana bara inn aftur, sjálvt um eg ikki havi lisið hana – uttan at gjalda. Hvørjar bøkur lænir tú, tá tú ert her? – Eg læni mest krimi og detektivsøgur, men mær dámar eisini familjusøgur og søguligar skaldsøgur, til dømis bøkur eftir Ken Follett, Sigrid Undset og Anne Karin Elstad. Ert tú málrættað, tá tú kemur á bóka­ savnið? Ella dettur tú framá okkurt sjálv? – Eg havi ljóbókalistan, har eg kann lesa eitt sindur um hvørja bók, men ofta háli eg bara bøkur út og lesi, hvat stendur á. Eg hoyri eisini um bøkur, ella onkur fortelur um eina bók, sum er góð, og so læni eg onkra av teimum. Á bóka ­savninum Býarbóka­savnið víðkar um upp­lat­ing­ar­tíðina Lánarin hendan mánaðin Fram til jóla er jólaklipp á barnabókasavninum. Øll eru vælkomin inn at gera sítt egna jólaprýði, sum antin kann takast heim við ella heingjast upp á jólatræið, sum er gjørt burtur úr grønum klistribandi. Á Býarbókasavninum er í løtuni navnakapping fyri børn. Fiskurin á myndini líkist einum veruligum fiski av tí slagnum, sum livir djúpt niðri á havsins botni, men eingin hevur nakrantíð sæð akkurát hendan fiskin, og tí hava vísindafólk ikki givið honum navn. Tí biður Astrid Andreasen, sum hevur teknað fiskin, børnini um hjálp: Um tað er tú, sum finnur besta navnið til fiskin, vinnur tú eina plakat og eitt árskort til Sjósavnið á Argjum. Kom inn á bókasavnið og síggj upprunamyndina og legg uppskot títt í kassan í avgreiðsluni í seinasta lagi leygardagin 20. desember. Systir Louisa Smets Jólaklipp á barna­ bókasavninum Hvussu skal fiskurin eita? Fram til jóla Til leygardagin 20. desember