mánadagur 15. desember 2014síða 30

14 nr. 10 I 15. desember 2014 Vinnublaðið hjá Miðlahúsinum Prísurin á streymi lækkar ikki imm til seks ferðir um um árið koma tangaskip til Føroya við um­leið 6000 tonsum at tungolju, sum SEV brúkar á Sunds­verk­ inum at framleiða steym við. SEV roknar við at brúka á leið 30.000 tons av tungolju um árið. Tá SEV legði fíggjaræltan fyri 2015 væntaðu teir ein prís upp á 495 dollar ella umleið 3700 kr. fyri tonsi av tungolju. Altso eini útreiðslu í 2015 upp á góðar 100 milliónir krónur. Nú er oljuprísurin lækkaður so nógv, at SEV væntar at spara einar 20-30 milliónir krónur næsta ár samanborið við fíggjar­ æltanina. Afturat lága oljuprísinum kemur, at nýggju vindmyllurnar síggjast væl aftur í samlaðu oljunýtsluni. Stjórin á SEV metir, at vind­myllurnar spara eini 10.000 tons av olju næsta ár. Hákun Djurhuus, stjóri á SEV, sigur, at í fyrsta lagi sæst tað aftur hjá SEV við, at yvirskotið næsta ár hækkar við teimum 20-30 millióninum. Eftir fíggjaræltanini væntaði SEV eitt yvirskot upp á 37 milliónir krónur, men nýggjastu tølini vísa, at yvirskotið verður 50 milliónir krónur ella meiri. – Ongar ætlanir eru um at lækka streym­ prísin, sjálvt um SEV sparir hesar milliónir­ nar, nú oljuprísurin er fallin, sigur Hákun Djurhuus. Aftur størri yvirskot – Vit hava stórar íløguætlanir fyri framman, so sparingarnar í oljuútreiðslunum næsta ár bøta bara um møguleikarnar fyri eginfígging, tá vit skulu út at læna pengar til íløgurnar, sigur Hákun Djurhuus. Heldur ikki góðu útlitini hjá SEV fyri í ár fara at síggjast aftur hjá brúkarunum í fyrsta lagi. Fyribilstølini siga, at yvirskotið í ár eisini verður umleið 50 milliónir krónur, sum er øgiligt samanborið við tær væntaðu tríggjar milliónirnar, sum stóðu á niðastu reglu í fíggjar­ætlanini fyri 2014. – Men góða úrslitið í ár kemst ikki av lækkaðu oljuprísunum. Vit hava selt meiri streym, fingu meiri inn í innleggingar­ gjøldum, spart í tilfari og tænastum og hava havt lægri rentuútreiðslur, sigur Hákun Djurhuus. Sambært SEV-stjóranum standa íløgur fyri tvær milliardir krónur fyri framman næstu 10 árini. – Vit kunnu kanska siga, at tað hevur ligið í kortunum, at streymprísirnir skuldu hækka um eini tvey ár, men kanska sleppa vit undan tí nú, sigur Hákun Djurhuus. Hann leggur tó dent á, at ongin avgerð er tikin, hvørki um at prísirnir skulu hækka um tvey ár ella hvussu møguligar sparingar í oljuútreiðslunum skulu brúkast. Sjálvt um oljuprísurin í løtuni er sera lágur, so væntar Hákun Djurhuus ikki, at lági prísurin fer at halda sær so langt niðri í longdini. – Vit kunnu siga, at so leingi vit hava nú­verandi oljuprísir, so er minni trýst á at hækka prísin hjá brúkaranum, sigur Hákun Djurhuus. – Vit kunnu tó ikki byggja okkara fram­ tíðarætlanir á eina løtumynd. Vit royna at hyggja 10-15 ár fram, sigur SEV-stjórin. Grønar íløgur Aðrastaðni í heiminum sæst, at fyritøkur sum selja útgerð og tænastur til varandi ella grøna orku, longu merkja minni eftirspurning, tí olju­prísurin er so lágur, men Hákun Djurhuus sigur, at ætlanin hjá SEV um, at øll orka í Føroyum skal vera grøn verður ikki seinkað. – Vit lata okkum ikki freista at framleiða meiri streym við olju, bara tí prísurin í løtuni er lágur, sigur Hákun Djurhuus. Ætlanin hjá SEV er at gera íløgur næstu 10-15 árin fyri tvær milliardir krónur, so grønu orkukeldurnar vera tær berandi – vind-, sól- og sjóvarfallsorka. Hóast hetta er bjarta ætlanin, so verður fyrsta íløgan, sum stendur fyri framman, eitt nýtt elverk á Sundi, sum skal framleiða streym burtur úr olju. – Ja, tað tykjast sum ein andsøgn, men tað slepst ikki undan einum nýggjum Sundsverki, sigur Hákun Djurhuus. Hákun Djurhuus sigur, at verandi Sunds­ verk er so gamalt, at har skal eitt nýtt gerast, og tað fer við teimum fyrstu 750 milliónunum av íløguætlanini. – Vit skulu dúva upp á olju í nógv ár afturat, so eitt nýtt Sundsverk skal byggjast. Hann vísir á, at íløgurnar eru ikki tengdar at olju­prísinum, men SEV fær bara betri rása­ rúm til tær útbyggingar sum eru í gongd og sum skulu gerast. F Sjálvt um fallið í oljuprísunum seinasta árið fer at økja yvirskotið hjá SEV við einum 30 milliónum krónum næsta ár, so verða tað ikki brúkararnir, sum í fyrsta lagi fara at merkja tað Øssur Winthereig - PRESS Nýggju vindmyllurnar spara SEV eini 10.000 tons av tungolju av teimum umleið 35.000 tonsunum, sum SEV hevur brúkt um árið. – Vit kunnu kanska siga, at tað hevur ligið í kortunum, at streymprísirnir skuldu hækka um tvey ár, men kanska sleppa vit undan tí nú, sigur Hákun Djurhuus. SEV