mánadagur 15. desember 2014síða 33

17 Vinnublaðið hjá Miðlahúsinum nr. 8 I 15. desember 2014 Vantandi dynamikkur í duopoli Lágir prísir á brennievni eru altíð stimbrandi fyri føroysku vinnuna, sigur Marita Rasumussen, stjóri í Føroya Arbeiðsgevarafelag. Sjálv hevur hon tó ikki sæð nakað stórt fall her heima enn, men hon roknar við, at tað fer at koma Ingolf S. Olsen - PRESS arita Rasmussen, stjóri í Føroya Arbeiðs­gevarafelag, fegnast vegna føroysku vinnuna, at oljuprísurin er lækkaður nakað, og væntar, at prísurin ferð at falla enn meira orsakað av ógvusliga prísfallinum á ráolju á altjóða markaðinum. – Tá eg fylli á bilin, síggi eg ikki nakað ógvusligt prísfall, sigur Marita Rasmussen, men er hetta helst orsakað av stóru goymsl­unum, sum oljufeløgini liggja inni við. – Vit hava monopol og duopol í fleiri vinnum í Føroyum, og tað sum eyðkennir slíkar marknaðir er, at dynamikkurin ikki er eins góður og í fyritøkum, har fleiri kappast. Tað sæst, at monopol- og duopolfyritøkurnar ikki eru líka skjótar at tillaga prísirnar, sum fyritøkur aðrastaðir, har fullkomin kapping er, sigur hon. Eitt vakið eyga Stjórin í Arbeiðsgevarafelagnum vísir tó á, at prísirnir í dag sjáldan sleppa at fara heilt av kós, tí góða samskiftistøknin ger, at bæði vinnan og borgararnir alla tíðina kunnu fylgja við prísgongdini í øðrum londum, og tað leggur stórt trýst á føroyskar fyritøkur sum heild. – Brúkararnir eru skjótir at rópa varskó, so tillagingar verða gjørdar, sigur Marita Rasmussen. – At føroysku oljuveitarnar eisini veita olju til útlendsk skip er viðvirkandi til, at tær mugu tillaga seg skjótt fyri ikki at missa hendan partin av virkseminum, og tað kemur okkum til góðar, sigur hon. Fyri limirnar í hennara felag hevur prísurin á brennievni heilt nógv at siga. – Tað er altíð positivt fyri føroyskar fyri­ tøkur, at prísurin á brennievni fellur, tí tær allar flestu fyritøkurnar brúka nógva orku. Føroyska elorkan er jú eisini fyri ein stóran part fram­leidd á oljufýrdum verkum, so el­ prís­ir­nir ávirkast eisini av oljuprísinum. Fyri vinnuna hevur tað sjálvsagt eisini týdning, at orku­prísirnir her heima sveiggja nøkulunda í takt við sveiggini í teimum londunum, sum vit kappast við, sigur Marita Rasmussen. M – Tá eg fylli á bilin, síggi eg ikki nakað ógvusligt prísfall enn, men eg rokni við at tað fer at koma, sigur Marita Rasmussen, stjóri í Føroya Arbeiðsgevarafelag. Bæði fyritøkur og borgarar fylgja væl við prísinum á vørum og tænastum aðrastaðni, og tað leggur føroyska prísin undir trýst, heldur hon. Um nýggja kanningin av príssetingini hjá føroysku oljufeløgunum aftur vísir, at tey leggja ov nógvan vinning á bensin- og diselsøluna, so er tað ikki vist, at Kappingarráðið fer út við báli og brandi og ger inntriv ella roynir at gera eina avtalu um prísin. – Tíðirnar eru broyttar, og tað at leggja øll kortini á borðið – at almannakunngera úrslit og greiningar av slíkum kanningum – er ofta tað, sum virkar best, sigur Terje Sigurðsson, deildarleiðari í Kappingareftirlitinum hjá Kappingarráðnum.