týsdagur 16. desember 2014síða 44

Mikudagur 17. desember 2014 · Nr. 144 4 Sosialurin Sonja J. Jógvansdóttir Í eini limakanning hjá Føroya Ar­ beiðarafelag, sum felagið hevur gjørt millum limir sínar, sæst, at ein stórur partur av limunum høvdu arbeitt meir, um fleiri tímar vóru til teirra. Tá ið hugt verður at arbeiðstíðini hjá limunum sæst, at tað er knapt helvtin, sum arbeiðir fulla tíð, summi arbeiða meir enn hetta, men ein stórur partur arbeiðir niður­ setta tíð. Sum tað sæst á talvuni, so er knapt fimti hvør, sum arbeiðir minni enn fulla tíð vegna rávørutrot ella av veðrinum. 7% arbeiða hálva tíð og tíggindi hvør arbeiðir minnið enn hálva tíð. Vit síggja, at nógvir av okkara limum fáa ikki fulla arbeiðsviku, sigur Georg F. Hansen, formaður í Føroya Arbeiðarafelag. Hann vísir á, at høvdu fólk havt møguleika, so høvdu tey eisini arbeitt meira. Nógvastaðni er ikki meir ar­ beiði til okkara fólk, og tað er ein trupulleiki. Fólk eru røsk at arbeiða, og taka hvønn tíma tey fáa, kortini koma tey sjálvdan upp á eina fulla arbeiðsviku, og tískil er trupult at lívbjarga sær. Tað er bæði í tæn­ astuvinnu, byggivinnu og fiskiv­ innu, at vit síggja, at arbeitt verður niðursetta tíð, og sjálvsagt er eisini ymiskt eftir árstíðini. Trupulleikin er bara, at rokningar og annað skulu rindast hvønn mánaða, og henda árstíðin, sum nú er, er dýr, skalt tú fylgja við, leggur formaðurin í Føroya Arbeiðarafelag afturat. Vilja arbeiða meir Limakanningin vísir, at 36% ella meir enn triði hvør í Føroya Ar­ beiðarafelag kundi hugsað sær at arbeitt meira. 24% ella fjórði hvør halda, at tey arbeiða nóg mikið sum er, 2 av 5 ella 40%, kundu ikki hugsa sær at arbeitt meir. Eg vildi ynskt, at vit høvdu arbeiðstímar til tey nógvu fólkini, sum kundu hugsað sær at arbeitt meir. Eg eri eisini sannførdur um, at hevði arbeiðið verið betri lagt til rættis á onkrum støðum, so kundi hetta verið møguligt, sigur Georg F. Hansen, og vísir á støðuna í pørtum av fiskivinnuni og alivinnuni. Sjálvsagt mugu vit taka hædd fyri rávøruni, og at veðrið er ikki altíð til vildar, men onkutíð kundi betri langtíðarplanlegging verið gjørd, so limirnir vistu, hvat teir høvdu tá ið ein mánaði byrjaði. Formaðurin í Føroya ar­beiðara­ felag vísir á, at eisini nógv eru, sum arbeiða í vaktum og nógvar familjur eru, har annar parturin arbeiðir á sjónum ella uttanlands. Vit mugu heldur ikki gloyma, at nógvir av okkara limum eru familjufólk við børnum, og tískil er ikki altíð gjørligt at arbeiða uttanfyri vanliga arbeiðstíð. Hetta rakar serliga kvinnurnar. Tað eru eisini sera nógvar arbeiðarafamiljur, har annar parturin hevur sítt livibreyð á sjónum ella uttanlands, og tí er ikki gjørligt at arbeiða meir. Nógv tímalønt vilja arbeiða meira Sambært limakanning hjá Føroya Arbeiðarafelag, er tað ein stórur partur av limunum, sum vilja arbeiða meir um tey fingu møguleikan. Nógv tímalønt fáa ikki fulla arbeiðsviku, tí fleiri tímar eru ikki til teirra sum er, sigur Georg F. Hansen, formaður í Føroya Arbeiðarafelag Georg F. Hansen, formaður í Føroya Arbeiðarafelag, sigur, at nógvir av limunum í Føroya Arbeiðarafelag kundu hugsað sær at arbeitt meira, og at arbeiðsfólkini taka hvønn tíma tey kunnu fáa. Hjá nógvum er talan um parttíðararbeiði, tí tað eru ikki fleiri arbeiðstímar tøkir. Tað eru nógv vaskifólk, nógv í fiskivinnuni og aðrastaðni við, sum gleðiliga høvdu arbeitt meir, um tey sloppu. Vit mugu heldur ikki gloyma, at hjá nógvum familjum, ber ikki til at arbeiða meir, tí annar parturin er á sjónum ella arbeiðir uttanlands, leggur hann afturat.