mánadagur 29. desember 2014síða 22

Mánadagur 29. desember 2014 · Nr. 147 22 Sosialurin Hugskot og viðmerkingar – send sms til 225000 ítróttur Hallur Hansson er hetjan, tá Víkingur vinnur steypafinaluna í fótbólti fyri triðju ferð upp í slag. U21 landsliðið vinnur á Montenegro, men tað verður yvirskuggað av arbeiðsvanlukku, har Gunnar Zachariassen letur lív. B36 vinnur FM við sigri á Toftum, meðan landsliðið spælir móti Norðrírlandi og Ungarn og tapur 2-0 og 1-0. Bjarni Nielsen roynir seg í altjóða styrkimanskapping, men missi eitt dekk á lærið. september oktober Víkingur er steypaliðið B36 føroyameistari 2014 Hallur Hansson avger steypa­finaluna, tá hann í seinastu minuttunum stútar eitt frálík innlegg frá Bárði Hansen í málið. Sjálv steypafinalan verður av­ greidd í flottum umstøðum, og talan er um ferðmiklan dyst, sum leingi var javnur bæði á máltalvuni og í spæli. Munurin var Hallur Hansson. Hetta er triðju ferð upp í slag at Víkingur vinnur steypafinaluna og hevur nú yvirtikið heitið frá EB/Streymi, sum steypaliðið í Føroyum. Hjá kvinnunum gjørdist 17 ára gamla Hervør Olsen hetjan fyri KÍ kvinnurnar, sum vunnu á HB í final­uni. KÍ setir seinni í mánað­inum heimsmet við 15. meistara­ heitinum. B36 vinnur FM, tá teir á Toftum vinna 3-1 á B68. Teir fáa ein hvøkk longu í fyrsta minutti, tá Ibrahima Camara sendir bóltin í málið. B36 reisir seg og beint fyri hálvleik er 2-1 til gestirnar. Miðskeiðis í seinna hálvleiki skorar Mr. B36, Klæmint Matras, forlysandi málið, tá hann stútar bóltin í málið til 3-1. B36 hevur verið oddalið at kalla allan vegin. Nú er tað endaliga staðfest og gleðin er at fáa eyga á. Eina viku seinni fáa teir gullið um hálsin, eftir týdningarleysa granna­uppgerð móti HB. ■ Orkan køvdi dreymin, tá Føroyar taptu 3-1 fyri Finnlandi, eftir at okkara vóru á odda 1-0 í hálvleikinum. Christian L. Holst skoraði føroyska málið. ■ Føroyska U21 landsliðið vinnur 1-0 á Montenegro í seinasta dystinum í hesi undankappingini. Ári M. Jónsson skorar málið. ■ Gunnar Dahl Olsen vinnur heldur óvæntað trý FM í súkkling. Hann vinnur landavegskoyring, einkultstart og býarkoyring. ■ Føroyskur fótbóltur fær ein skelk, tá bara 22 ára gamli EB/Streyma og U21 spælarin, Gunnar Zachariassen, letur lív í arbeiðisvanlukku. ■ Bjarni Nielsen luttekur í altjóða styrkimans kapping, men missir tíðliga í kappingini eitt dekk á lærið og blívur nummar 20 av 31, men er nøgdur við royndirnar. ■ TB flytur upp í bestu deildina. Tað verður endaliga staðfest á Argjum, tá steypið verður handað. FC Suðuroy flytir eisini upp, meðan HB og EB/ Streymur flyta niður. ■ Landsliðið tapur fyri Norðurírlandi og Ungarn. Í Belfast brenna vit brotsspark og tapa 2-0, meðan vit tapa 1-0 fyri Ungarn. ■ Rókur í Jákupsstovu avloysir Jón Hestoy sum formann í svimjifelagnum. Jón Hestoy hevur staðið á odda í samfull 14 ár. Víkingur vinnur finaluna um Løgmanssteypið, triðja árið á rað B36 vinnur FM Árið, ið fór...