mánadagur 29. desember 2014síða 30

Mánadagur 29. desember 2014 · Nr. 147 6 Sosialurin Brot og bitar úr árinum, ið fór 2014 apríl – Jú, sanniliga loysir tað seg at duga telefonnummarið hjá fiskimálaráðharranum. Jóannes Jacobsen, búskaparfrøðingur, um at fiskivinnan – í mun til aðra vinnu – fær sítt framleiðslutilfar ókeypis frá politisku skipanini – Eg havi altíð arbeitt tað, sum er neyðugt, og tað er tað. Eg hugsi ikki so nógv um, hvat klokkan er, men royni at fáa tað gjørt, sum skal fáast frá hondini. Súni Schwartz Jacobsen, forstjóri í Eik og TF Holding Har, sum vilji er, ber alt til. Tað hev­ur Einar Poulsen prógvað, tí hóast mong stúrdu, tá hann tekn­ aði seg til kvøldskúla fyri at taka dugnaskapsroynd í sigling, gjørdi hann av at stríðast fyri at koma á mál. Einar er nevniliga orð­blindur, og fær bara lisið heilt einfaldar tekstir. Men við einum góðum lær­ ara og stuðli heimanfrá, megn­aði Einar Poulsen tó at hála eitt fram­ úr gott støðumet á land. – Eg fekk 12 í skipsteknikki, sjó­ reglum og í tólum, sum er at nýta radara, GPS og líknandi, sigur Einar Poulsen. Umframt hesi trý 12-tølini fekk hann eisini tvey 7-tøl í teimum læru­greinunum, sum krevja meira av lesiførleika – støddfrøði og kort. Men tó hevur Einar Poulsen klár­ að seg yvir miðal í hesum læru­ greinum. Lívið hjá Einari hevur verið darvað av ósigrum í skúlanum. Hetta hevur uttan iva skumpað undir, at hann ikki hevur hug at ganga í skúla, men allíkavæl megn­ aði lærarin á kvøldskúlanum at fanga Einar Poulsen. – Lærarin dugdi serstakliga væl at undirvísa, og hann gjørdi sær ómak at lesa alt upp og greiða gjølla frá, sigur Einar Poulsen. Hinumegin pultin situr lærarin, Tórgeir Strøm, og hann heldur tað vera eina heilt serliga orsøk til, at Einar megnaði at stríða seg til eitt framúr prógv. Útyvir at vera væl upplagdur til hvønn tíma, nýtti hann eisini allar sansirnar, fyri at fáa lært sítt pensum. – Tað, sum hann ikki megnaði at fáa gjøgnum eyguni, fekk hann við gjøgnum oyruni. So sat tað, sigur Tórgeir Strøm. Sjógvurin dregur At Einar hevur tikið dugna­skaps­ roynd í sigling, er kortini ikki heilt av tilvild, tí hann er vaksin upp í einum sjómannaheimi. Bæði pápin og hinir báðir eldru beiggjarnir hava valt sjógvin sum sítt yrki, og sjálvur hevur Einar altíð havt eina brennandi áhuga fyri tí, sum hevði við sjógvin at gera. – Familjan hevði útróðrarbát, tá Einar var lítil og hann var ikki meiri enn fimm ára gamal, tá ið hann gekk uppií, tá vit egndu, minnist mamma hansara. Hóast hann enn er í skúlaaldri, er tað longu fleiri ár síðani, at hann ein dag saman við pápa sínum tók ikki færri enn 400 nátungar. Og fyri trimum árum síðani, keypti fam­ iljan ein heldur størri út­róðrar­bát, sum er 38 føtur stórur, og har um­ borð hevur Einar næstan følt seg sum heima. Einar, pápin og báðir beiggjarnir eiga hvør sín fjórðing í bátinum og Einar hevur sjálvur sett 100.000 krón­ur av sínum egnu pengum í bátin. Eitt sindur átti hann frammanundan, men restina hevur hann sjálvur forvunnið av útróðuri. Uni lyftir arvin – At vera sjónvarpsvertur er bara eitt arbeiði, og tað er eingin orsøk til at gera tað til nakað størri enn tað, sigur 24 ára gamli Uni Holm Johannesen, sum er nýggjur vertur í Degi & Viku. – At pápi mín, Johnsigurd Johannesen, er kendur frá sama leikluti, hugsi eg lítið um. Tað eru heldur øll onnur, ið romantisera tað og gera tað til nakað stórt, sigur nýggi sjónvarpsverturin. Svik uttan avleiðing Ein skerd kanning hjá Eyðfinni Jacobsen, advokati, staðfestir, at nevndin í Eik Grunninum ólógliga heimilaði sær møguleika fyri at lána út 950 milliónir krónur. Men myndugleikin lyftir ikki fingurin fyri at draga tey í rættin, sum høvdu ábyrgdina, tí hóast Eyðfinnur Jacobsen mælir til at kanna fleiri viðurskifti nærri, sýtir løgtingið fyri at játta pengar til tað. Vilja til Tokyo Fyritøkan Guðrun & Guðrun flytur seg alla tíðina, og nú eru tær báðar – Ludvig og Rógvadóttir – farnar eftir upprunaliga dreyminum um at lata upp handil í Japan. Tær selja nógv í Onglandi, USA og Italia, men mest til Japan, har teirra vørur millum annað eru at finna í høgtmettu Isetan-sølumiðstøðini. Við trimum 12-tølum í dugnaskapsroyndini í sigling, gjørdi 15-ára gamli Einar Poulsen úr Porkeri øllum til skammar. Einar Poulsen er nevniliga orðblindur Orðblindur tók øll á bóli Her sæst 15 ára gamli Einar umborð á Emily, sum er familjuútróðrarbáturin hjá honum, pápanum og beiggjunum, og sum teir hvør eiga ein fjórðing í Privatmynd Føroyingar trýstir út – Fylgjurnar av verandi fiskivinnuskipan eru millum annað, at føroyingar fara at hvørva úr fiskivinnuni, sigur Kári Petersen, búskaparfrøðingur, ið vísir á, at tað eru bara útlendingar, sum hava ráð til at keypa skipini við veiðiloyvum. – So við og við fara føroyingar úr vinnuni og útlendingar hava góðar møguleikar at taka allan ágóðan av føroyska tilfeinginum út úr føroyska samfelagnum. Tøma teir yvirskotið burtur úr felagnum við eini høgari rentu, er einki yvirskot at gjalda skatt av.