mánadagur 29. desember 2014síða 34

Mánadagur 29. desember 2014 · Nr. 147 10 Sosialurin Brot og bitar úr árinum, ið fór 2014 august – Fólkini, ið dag og dagliga stríðast í eini vinnu, sum landið í stóran mun livir av, hava uppiborið ein dag, har tey og teirra fak kemur í fokus John William Joensen, fyriskipari av Sjómannadegnum – Kommunurna eru ein forðing fyri at føra fíggjarpolitikk sum heild, og tær eru ein forðing fyri, at neyðugar nýskipanir innan eldraøkið og skúlaverkið kunnu gerast Magni Laksafoss, búskaparfrøðingur, sum heldur, at Føroyar eiga at vera ein kommuna Húgvur, tjúkkar troyggjur, 10 kulda­stig og fjallasíður við nøkrum hundrað fólkum á skíð, er ikki júst tann myndin, tey flestu munnu hava, tá hugsað verður um Afrika. Men í Lesotho í Suðurafrika liggur í 1.400 metra hædd og hægri, so kuldi, kavi og fólk á skíðum er eingin óvanlig sjón har. Afriski er annað av bara tveimum skíðstøðum í statinum Lesotho, og hvørt summar halda fleiri túsund afrikanarar frí og standa á skíð har, men talan er fyri tað mesta um vælhavandi fólk, tí tað er ikki heilt bíligt at brúka økið. – Tey allarflestu hava hoyrt um møguleikarnar at standa á skíð í Europa, men tey hava ongantíð sjálv sæð kava og vita annars lítið og einki um at standa á skíð, for­ telur havnarkvinnan, Ester D. Kass, sum í summar hevur verið skíð­ lærari á Afriski. Hóast skíðstaðið liggur uppi í fjøllunum, og tey eisini hava vetur har á leiðini, gerst tað tó ongantíð nóg kalt til, at heilt nógvur kavi legst. Tí brúka tey eisini eftir­gjørd­ an kava, fyri at tað skal vera møgu­ ligt at brúka tær tríggjar skíð­brekk­ urnar, sum eru har. – Frálæran er fyri so vítt tann sama sum aðrastaðni, men alt tekur bara longri tíð, tí fólkini skulu venja seg við at vera úti í kava og at brúka útgerðina. Av tí sama haldi eg eisini, at motorikkurin skal veruliga standa sína roynd, tá tey skulu læra at standa á skíð fyri fyrstu ferð, og tað er avbjóðandi fyri ikki at siga trup­ult fyri skíðlærararnar, sigur Ester. Hugsar um Lesotho Fyri skjótt tveimum árum síðani bleiv Ester D. Kass útbúgvin skíð­ lær­ari. Hetta var eftir loknan mið­ náms­skúla, tá hon ynskti at taka sær av løttum í eina tíð. – Onkursvegna var tað rættiliga nærliggjandi fyri meg at gera okkurt í skíðvinnuni, tí tað er ein vinna, sum eg kenni hampuliga væl. Eg var bara tvey ára gomul, tá eg stóð á skíð fyrstu ferð, og líka síð­ani havi eg á hvørjum ári staðið á skíð saman við familjuni, fortelur hon. – Mær dámar tað ótrúliga væl og hugsaði, at tað kundi verið ein upplagdur møguleiki at fingið mær eina útbúgving sum skíðlærari, sam­stundis sum eg helt frí frá tí veru­liga skúlalívinum. Nú eru tó aftur bøkur og tímar á skránni hjá henni, tí Ester D. Kass er farin undir at lesa búskaparfrøði á universitetinum í Kjøpinhavn, men hon viðgongur allíkavæl, at kavi, kuldi og skíðing í Lesotho javn­an er í huganum. – Eg kundi avgjørt hugsað mær at farið aftur til Afriski, sum er eitt skíðstað í stórari menning, so eg spæli mær við tankan um møguliga at fara aftur hagar um nøkur fá ár, sigur Ester D. Kass. Kópakonan avdúkað Hóast kalt, var veðrið av tí fagrasta, tá stórt hátíðarhald var í Mikladali í sambandi við, at standmyndin av Kópakonuni varð avdúkað (hvar). Meira enn 2.000 fólk vóru komin í oynna og bygdina til hátíðarhaldið, og skráin var bæði umfatandi og fjølbroytt, umframt at tað eydnaðist kalsoyingum at taka so væl ímóti, at eingin sat hvørki svangur ella kaldur. Stórar ætlanir við svart­kjafti Við at leggja seg eftir at framleiða liðugtvøru til matna úr svartkjafti, skal Varðin Pelagic fáa størri virðisøkingin og minni slógvnøgd. – Svartkjaftur er nógv meira viðbrekin enn makrelur og sild, men tað ræður um at hugsa aðrar tankar og gera okkurt annað, enn at heilfrysta, tí talan er um ein fínan og góðan fisk við nógvum proteinum, sigur Bogi Jacobsen, stjóri á uppsjóvarvirkinum á Tvøroyri, ið somuleiðis váttar, at ætlanir um egna mjølverksmiðju tó ikki eru sleptar. Berjast um »gull« Íslendska bryggjaríið Ölgerðin metir seg hava patent upp á orðið »Gull« í Íslandi, og tí verður kravt, at Føroya Bjór Gull verður tikin av hillunum í íslendsku rúsdrekkasøluni. – Okkara gulløl er níggju ár eldri enn gullølið hjá íslendska bryggjaríinum, sigur Einar Waag, stjóri í Føroya Bjór, sum avgjørt ikki ætlar sær at bakka. – Fólkini á skíðstaðnum hava ongantíð sæð kava og vita als ikki, hvussu tey skulu bera seg at. Fyri fleiri teirra er tað næstan ein ómøgulig uppgáva at skula læra at standa á skíð, og tí eisini ein stór avbjóðing fyri meg, sigur Ester D. Kass, sum í summar hevur arbeitt á forkunnugum skíðstaði í Lesotho í Suðurafrika Skíðlærari í Afrika Ester D. Kass hevði eitt so mikið forvitnisligt summarferiustarv, sum at vera skíðlærari í Afrika Privatmynd Heini ger »big business« – Skalt tú gera business í USA, mást tú hava eitt amerikanskt telefonnummar, so fólk fáa fatur á tær og kunnu bjóða tær til ein bita, tí tú mást vera har sum tað hendir, og har fólkini eru, sum tú hevur tørv á at hitta, sigur Heini Zachariassen um orsøkina til, at hann valdi at flyta fyritøkuna og familjuna við trimum børnum til San Francisco í California í august 2013. – Málið hjá Vivino er at gerast størsta vínappin í heiminum, og tað er av stórum týdningi at vera í miðdeplinum, um tú vilt vera størst.