mánadagur 5. januar 2015síða 31

31 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 5. januar 2015 · Nr. 1 ítróttur S o fór enn eitt ár afturum við nógvum ítrótti. Árið 2014 fer í søguna, sum árið tá føroyska fótbóltslandsliðið endiliga fekk eitt úrslit, sum stendur mát við søguliga avrikið í Landskrona. Tað hendi tann 24. november, tá Føroyar vunnu 1-0 í Athen móti Grikkalandi. Umframt at manslandsliðið stóð fyri einum bragdi, so skrivaði kvinnulandsliðið søgu, tá tær fingu síni fyrstu stig í HM undankappingarfótbólti. Vónandi er tað byrjanin upp á, at kvinnufótbóltur kemur aftur á breddan og verður ein tikið meiri seriøst. Árið fer eisini í søguna sum árið, tá Pál Joensen av álvara meldaði seg í OL stríðið aftur. Longu í 2013 sóu vit ein Pál Joensen, sum er komin víðari frá OL 2012, men í 2014 staðfesti hann tað við tveimum silvur heiðursmerkjum, fjórða plássi í HM kappingini og norðurlendskum meti í 1.500 metrum. Árið fer eisini í søguna sum árið, tá ítróttar­heim­ urin enn eina ferð bleiv skakaður av deyðsfalli, tá U21 lands­liðsspælarin og EB/Streyma spælarin, Gunnar Zachariassen brádliga doyði í arbeiðsvanlukku. Vit upplivdu eisini í 2013, tá oyggjaleika ferðalagið kom aftur til Føroyar frá Bermunda, hvussu hørð lagnan kann verða fyri summi. Tað minnur okkum á, at vit mugu liva meðan vit kunnu og verða góð við hvønn annan. Broytingar í 2015 Vit her á ÍtróttarSosialinum ætla at herja á aftur í 2015. Tíðinar broytast og vit royna at hanga í. Tíðindini ferðast so skjótt nú, at eftirspurningurin eftir úrslitum og øðrum í Sosialinum er nakað broytt, tí tey flestu hava longu lisið tað á in.fo ella hoyrt tað á Rás2. Tí fara vit í størri mun at leggja dent á tema greinar, har vit viðgera eitt evni. Fyrsta boðið upp á eina slíka grein síggja vit í blaðnum í dag, har vit hyggja eftir hvørji fótbóltsfeløg brúktu flest av sínum egnu spælarum. Tú kundi sagt, at tú á in.fo, sum er tíðindaportalurin hjá okkum, fær úrslitini og skjótu tíðindini, men bakgrundsgreinarnar og viðger av ítróttarhendingum, umframt persónsgreinar fært tú meiri av í blaðnum. Vit hava eisini eina nýggja síðu 3, sum er eitt sindur øðrvísi enn tað vit hava sæð higartil. Hendan síðan er ein løtt síða, har tú kanst royna »quizzin«, lesa um ítróttarbøkur, síggja hvat fólk í ítróttarheiminum hava sagt í vikuni og fimm skjótar spurningar til onkur av okkara ítróttarfólkum. Hetta árið kemur eisini í stóran mun at verða ávirkað av, at oyggjaleikirnir verða í Jersey. Tí koma vit í størri mun at seta fokus á onkrar ítróttargreinar, sum ikki altíð fáa so nógv pláss vanligt. Gott nýggjár, og ansi nú eftir hvørjum øðrum Gott nýggjar Ítróttar klumman Tróndur Arge Komandi vikuskiftið skal U21-landsliðið hjá monnum í eldin í Grikkalandi. Liðið skal spæla tveir HM-undandystir í grikska býnum Nea Kios U21 landsliðið í hondbólti úttikið Tróndur Arge Fríggjadagin 9. januar klokk­ an 18.00 spæla Grikkaland og Føroyar. Leygardagin klokk­ an 18.00 spæla Føroyar móti Serbia. So er spurningurin hvørja móttøku eitt før­ oyskt itróttarlandslið fær í Grikka­landi, eftir at A-lands­ liðið hjá monnum í fótbólti í november í fjør vann 1-0 á Grikkalandi í Athen? Til uppgávuna hava lands­liðsvenjararnir Kári Nielsen og Birgir Hansen út­ tikið 15 leikarar: Hópurin: – Tóraldur Kollsker, Pætur Thomsen, Helgi Hoydal og Tróndur Arge úr H71 – Niklas Simonsen, Áki Egilsnes og Julian Olsen úr VÍF – Kjartan Johansen, Pætur Johansen og Johannes Olsen úr StÍF – Rói Berg Hansen og John í Innistovu úr Neistanum – Hjalte Bachmann og Eirikur Simonsen úr Kyndli – Allan Norðberg úr Ikast Hånbold trondur@sosialurin.fo Talið á ítróttarfólkum, sum vóru við í Oyggja­leik­ unum á Bermuda seinast, var nógv minni, enn tað hev­ur verið seinnu árini. Vanliga hava væl yvir 2000 ítróttarfólk verið við á nógvum av teimum sein­astu oyggjaleikunum, men á Bermuda luttóku góð 1200 ítróttarfólk. Høvuðs­orsøkin var kostn­ að­urin av drúgvu ferðini og uppi­haldið á Bermuda. Fyrireikararnir av næstu Oyggjaleikunum, sum verða hildnir á Jersey í summar, rokna við ein­um heilt øðrum lut­takara­talið. Har rokna tey við, at tað verða upp ímóti 3000 fólk, sum verða við í kappingunum sum lut­takarar, venjarar og leiðarar. Harvið kemur talið upp aftur á tað, sum tað hevur verið leikirnar frammanundan Bermuda. Eisini føroyska lut­ tøk­an á Jersey verður mun­andi størri enn á Bermuda, tá ið umleið 100 ítróttar­fólk luttóku. Ítróttar­sam­band Føroya roknar við, at føroysk ferðalagið til Jersey í summar fer at telja 280 fólk. Føroyar skulu lut­ taka í 12 ítróttar­grein­um. Tvey flogfør hjá Atlants­ flogi skulu flúgva føroy­ ingar­nar beinleiðis til Jersey. eydun@sosialurin.fo Finalan í PDC heims­meist­ ara­kappingini í dart hevur verið í London um viku­ skiftið. Vinnari gjørdist skotin, Gary Anderson. Hann vann 7-6 á Phil »The Power« Taylor í eini spennandi og drúgvari finalu. Spælt verður til sjey sett og brúk bleiv fyri 13 av teimum, áðrenn vinnarin bleiv funnin. – Hetta havi eg bíða leingi eftir. Um 100 ár fara fólk at minnast Phil Taylor sum tann besta dartspælaran nakran­tíð. Tí er hesin sigurin eitt lítið sindur meiri ser­merktur, sigur Gary Anderson. Final var sermerkt við at pílarnir Gary Anderson fleiri ferðir duttu niður á gólvið. Miðskeiðis í finaluni bleiv talvan eisini skift út, tí Gary Anderson var ónøgdur. Einu ferðina stóðu tveir pílar í treble tjúgu, tá tann triði píl­ urin rendi allar á gólvið. Fyri Phil Taylor er aftur­ gangandi fyri alt endaspælið, at hann hevur ringt við at lukka. Fleiri ferðir mátti hann brúka upp til fimm ella seks pílar fyri at raka ein double. Tað kostaði, tá alt kom til alt. – Double’arnir kostaðu mær í kvøld. Double átta og double 16 kostaðu mær nógv og Gary Anderson tók av, sigur Phil Taylor, sum hevur alt gott at bera vinnaranum. Hinvegin, so var Gary Anderson tryggur, tá hann fekk møgu­leikan. Hetta er fyrstu ferð, at 44 ára gamli skotin vinnur PDC heims­ meist­ara. Fyri Phil Taylor var talan um 20. finaluna. 16 ferðir hevur hann vunnið hana, men í kvøld bleiv so fjórðu ferð, at hann ikki vinn­ur meistaraheitið, tá hann er komin í finaluna. trondur@sosialurin.fo Jersey verður nógv størri enn Bermuda Dart-legendan fall