týsdagur 29. juni 2004síða 3

4 Nr. 121 - 29. juni 2004 Nr. 121 - 29. juni 2004 5 Nýggi Smyril vakrasta skipið tey hava smíðað Nú hevur nýggi Smyril rættiliga tikið skap og nú skal hann gerast liðugur innan SUÐUROYAR- SIGLINGIN Áki Bertholdsen aki@sosialurin.fo – Nýggi smyril er vakrastra skipið, tey hava sæð á Skipasmiðjuni í Porto Real í Spania. Tað skoðsmálið fær nýggja flaggskipið hjá Strandferðsluni, sum í november verður sett at røkja siglingina ímillum Suðuroynna og Havnina. Magnus Magnussen, tekn- iskur stjóri á Strandferðsl- uni, sum er fluttur til Spania í sambandi við nýggja Smyril at fylgja við byggingini, sigur, at tey, sum arbeiða á skipasmiðj- uni eru rættiliga hugtikin av nýggja suðuroyarskipinum. Nú tey flestu skipini líkjast eini skóeskju við stevni, siga tey á skipasmiðjuni í Spania, at nýggi Smyril hevur so avbera vakrar linj- ur, at hann er vakrasta skip- ið, sum hevur verið í dokk har á skipasmiðjuni. Skrokkurin er smíðaður á eini skipasmiðju hjá IZAR- samtakinum í San Fern- ando, beint við havnarbýin, Cádiz í Suðurspania. Men fyri hálvum triðja mánaða síðani, varð skrokkurin sleipaður yvir á skipasmiðjuna hjá sama samtakið í Porto Real, sum liggur beint við. Tað var ein tími at sleipa hann yvir og har er nú allur yvirbygningurin settur á hann, so at nú fæst ein verulig hóming av, hvussu nýggja suðuroyarskipið fer at síggja út. Innan eru eisini nøkur kømur eru sett upp Hósdagin varð hann so sleipaður yviraftur á San Fernando. À leiðini skuldi hann undir eina brúgv á vegnum til Cádiz og har mátti ferðslan steðgast og brúgv- in latast upp fyri at Smyril kundi ganga ígjøgnum. Tað gekk eitt korter at fáa hann undir brúnna, men bara tað løtuna tóku langar bíðirøðir av bilum seg upp báðu megin við. Nú skulu allir káplar og allar aðrar innleggingar gerast, eins og hann skal gerast liðugur innan. Síðani skulu allar tær ymsu skipanirnar umborð roynast so hvørt, tær eru lidnar og at enda skal so alt roynast í senn fyri at vita, hvussu alt riggar. Nýggi Smyril verður handaður Strandferðsluni 30. oktober og tá verður hann sigldur heim til Føroyar. Smyril, sum nú er, skal seljast, beinanvegin hin er settur í sigling. Smyril seljast Samstundis, sum nýggi Smyril kemur, er ætlanin at selja Smyril, sum nú siglur. Á evnisdegnum, sum var um samferðslu í Suðuroy næstseinasta leygardag, var stjórin á Strandferðsluni spurdur um tað ikki var vágaverk at selja hann beinanvegin, tí hvat nú, um okkurt verður so galið við nýggja Smyrli, at hann ikki kann sigla? Kristian Davidsen sigur, at tað er ein kansur at taka. Men tað skal ganga ómeta- liga illa, verður tað so galið við nýggja Smyrli, at als hann ikki fær siglt. Við Sosialin aftaná sigur hann, at teir fyrstu mánað- irnar eftir at nýggi Smyril er settur í sigling í Føroy- um, skulu teknikarar av sponsku skipasmiðjuni vera við, fyri at kunna veita skjóta hjálp, skuldi onkrar barnasjúkur tikið seg upp. Hann sigur eisini, at tað er nógv lættari at selja og tað fæst meiri fyri eitt skip, sum er í sigling, heldur enn eitt skip, sum liggur, tí eitt skip, sum liggur, tað ferst. – Og so er tað dýrt at hava eitt skip liggjandi. Samanumtikið verður tískil hildið, at frægasta loysnin er at selja Smyril beinan- vegin- og at tað er for- svarligt-sigur Strand- ferðslustjórin Annars lata vit myndirnar tala fyri seg. Skilagóð avgerð hjá SvF Aðalstjórin á Dan- mark Radio, Christi- an S. Nissen, heldur, at føroyingar skulu gera upp við seg sjálv- ar, hvat teir ynskja við einum føroyskum tjóðarsjónvarpi. - Uttan at blanda meg ov nógv í føroysk viðurskifti, haldi eg, at avgerðin hjá SVF er skilagóð, heldur Christian S. Nissen um ætlanirnar hjá SVF í heyst at sam- senda við DR stóran part av senditíðini SAMSENDA VIÐ DR Páll Holm Johannesen pall@sosialurin.fo Danskt SVF. Ikki nøktandi. SVF provokerar. Avgerðin hjá leiðsluni í Sjónvarp Føroya um at samsenda við DR1 stóran part av sendi- tíðini er ikki fallin í góða jørð hjá øllum. Politiski myndugleikin var skjótur upp úr stólinum at finnast at avgerðini hjá sjónvarps- stjóranum í fjølmiðlunum fríggjadagin. Í Degi og viku hós- kvøldið kom fram í ljós- mála, at frá 1. oktober í ár verður føroyskt tilfar at síggja í SVF millum klokk- an 18-21 hvørt kvøld, með- an restin av senditíðindi verður samsent við donsku sjónvarpsrásina DR1. Hvør er kosturin? Fyrrverandi sjónvarpsstjór- in, Tróndur Djurhuus, segði í viðtalu við Sosialin fríggjadagin, at hann metti ikki tað verða nøktandi frá einum Public service sjón- armiði, at ein donsk Public service rás verður saman- tvunnin við eina føroyska public service rás. Christian S. Nissen er að- alstjóri á Danmark Radio, og fyri góðum mánaði síð- an var hann í Føroyum á ráðstevnu um Public ser- vice, sum Nordvision skip- aði fyri. SVF hevur millum dýr- astu hyggjaragjøldini í Evropa. Skulu føroyingar ikki seta hægri krøv til tjóðarsjónvarp okkara? – Hevði SVF bara sent DR, hevði eg væl skilt ónøgdina, men teir fara hóast alt at senda 3 tímar við føroyskum tilfari. Hevur tú sett nøsina eftir, at SVF skal megna at framleiða 6-7 tímar av føroyskum tilfari um dagin, skilji eg væl, at tú gerst vónbrotin, svarar Christian S. Nissen Aðalstjórin í DR biður føroyingar koma til eina niðurstøðu um teir ynskja áhaldandi at hava eitt tjóðarsjónvarp ella ikki. – Kjarnan í avgerðini hjá í SVF er sjálvsagt tað fíggjarliga. Hevur tú ikki fíggjarligu karmarnar til at gera fleiri tímar av før- oyskum tilfari, ert tú noyddur at fyrihalda teg til tað. Føroyingar mugu fyrst og fremst hugsa um al- ternativið til avgerðina hjá SVF, og um tit framhald- andi vilja hava eitt tjóðar- sjónvarp ella ikki. Tú kanst halda á við at smyrja tunt í senditíðini, men leiðslan í SVF hevur valt at raðfesta øðrvísi. Uttan at blanda meg ov nógv í føroysk vi- ðurskifti, haldi eg, at av- gerðin hjá SVF er skilagóð, heldur Christian S. Nissen Hann greiðir frá, at fíggjarætlanin hjá SVF svarar bert til 1% av árligu fíggjarætlanini hjá Dan- mark Radio. Játtanin til DR svarar til góða 3 mia. krónur, meðan fíggjarætl- anin hjá SVF er um 30 mió. krónur. Onnur dømi Spurdur, um hann kennir til aðrar sjónvarpsrásir í Evropa, sum hava roynt sama leist, ið Sjónvarp Føroya hevur í hyggju eftir 1. oktober, svarar aðal- stjórin á DR, at hann kennir fleiri dømi. Hann nevnir tjóðarsjón- vørpini í londum sum Bosnia, Lettlandi, Estlandi, Litava og øðrum tjóðum á Balkan, ið hava roynt sama leist, tí sjónvarpsrásirnar settu seg ikki fyri at fylla alla senditíðina við tilfari, ið sjónvarpsrásin sjálv framleiddi. – Trupulleikin við smá- um tjóðum vísir seg gjøgn- umgangandi at vera tann fíggjarliga byrðan. Rásirnar royna at framleiða nakrar tímar um dagin, og restin av tíðini verður fylt út við týskum og amerikanskum tilfari, vísir Christian S. Nissen á. Norðurlandaráðið – Vit hava eina ómetaliga stóra gleði av at hava før- oyingar við í norðurlendska fjølmiðlasamstarvinum. Onnur lond øvunda okkara samstarvi, og eg ivist ikki í, at avgerðin hjá SVF verður við til at sameina Føroyar enn meir í norðurlendska fjølmiðlasamstarvið. Christian S. Nissen greiðir frá, at politikarar í Norðurlandaráðnum hava seinnu mongu árini lagt nógv fyri at økja um fjøl- miðlasamstarvið í Norður- londum. Umboðini hjá dønum í Norðurlandaráðn- um hava leingi tvíhildið um at fáa fleiri sendingar frá norskum og svenskum sjónvarpið. – Avgerðin hjá SVF er avgjørt í tráð við menning- ina av Norðurlendska sam- starvinum. Tú skalt eisini minnast, at vit á DR senda eisini nakrar tímar við norðurlendskum tilfari um vikuna, sigur aðalstjórin á DR Annita fer skeiv Í Sosialinum fríggjadagin helt tjóðveldistingkvinnan, Annita á Fríðriksmørk, at SVF átti at sløkt eftir klokkan 21, um stovnurin ikki hevði orku til at við- gera útlendska tilfarið. Christian S. Nissen mælir harðliga ímóti, at SVF bert fer at senda nakrar fáar tímar um dagin, og síðani sløkkja, tá føroyska tilfarið er av. – Tað er fyri langari tíð prógvað, at tað er ikki nóg mikið hjá eini sjónvarpsrás at senda 2-3 tímar um dag- in. Hyggjarin missir áhug- an fyri rásini alt fyri eitt, og velir at leita eftir øðrum rásum. Skalt tú gera sjón- varp krevst, at rásin alla tíð hevur eina ávísa nøgd av tilfari, sigur Christian Nissen at enda. – Trupulleikin við smáum tjóðum vísir seg gjøgnumgangandi at vera tann fíggjarliga byrðan. Rásirnar royna at framleiða nakrar tímar um dagin, og restin av tíðini verður fylt út við týskum og amerikanskum tilfari, sigur aðalstjórin á DR, Christian S. Nissen á. Mynd: Jan Müler – Tað er burturvið, at vit skulu rinda 2000 krónur í sjónvarpsgjaldið fyri at hyggja at óviðgjørdum út- lendskum tilfarið. Er ikki orka til at umseta tilfarið ella fáa føroyskar røddir, átti Sjónvarpið at havt svartan skerm eftir klokkan 21. Annita á Fríðriksmørk, tingkvinna Tjóðveldisfloksins – Teir taka okkum til gíslar við hasum framferðarhátt- inum. At markið er sett til 1. oktober er sjálvsagt ikki tilvildarligt, tí júst tá verður farið undir at viðgera fíggjarlógina fyri 2005. Andrias Petersen, formaðurin í mentanarnevndini – Út frá einum public service sjónarmiði er tað sjálv- andi ikki nøktandi. Eg ivist í, um tað er rætt at blanda eina danska public service rás og eina føroyska rás upp á handa mátan. Tróndur Djurhuus, fyrrverandi sjónvarpsstjóri – Dreymurin um eitt føroyskt sjónvarp gerst ikki veruleiki við tí fíggjarorku, hyggjaragjøld og gekka- spøl geva - og so langt ífrá. Skulu vit hava eitt veru- ligt føroyskt tjóðarsjónvarp, so skulu politikararnir tríva djúpt, ja, ógvuliga djúpt í sínar lummar, tí veru- ligt føroyskt sjónvarp kostar fleirfalt ta fíggjarorku, sum SvF ræður yvir. Johan Petersen, lesarabræv Politiski myndugleikin hevur ongantíð gjørt sær greitt, hvat hann vil við føroyskum sjónvarpi. Orsøkin til, at vit í dag hava føroyskt sjónvarp, er, at tað í SvF starvast nakrar eldsálir, sum royna at skapa eina meining við sínum starvsliga gerandisdegi. "Arbeiðs- gevarin", sum í seinasta enda er løgtingið, hevur ikki dugu/kunna/vilja tikið støðu til, hvussu føroyska sjón- varpsuppgávan skal loysast. Jóannes N. Dalsgarð, lesarabræv ” “ C M Y K 5 4