hósdagur 8. januar 2015síða 22

Fríggjadagur 9. januar 2015 sosialurin 3 Hugskot og viðmerkingar – send sms til 225000 22 Gávuríkir føroyingar í donskum sjónvarpi Tað er ikki heilt tað sama, um teir ikki eru við. Føroy­ingarnir, sum á hvørjum ári luttaka í ymsum donskum sjónvarps­ kappingum, sum »Danmark har talent« og »X-factor« Annika Kunoy Im Í løtuni hava tríggir føroyingar dansað og sungið seg víðari í kapp­ingunum, og eru á skíggj­ anum fríggja- og leygarkvøld. Jórunn og Sigmund í »Danmark har talent« og »Jógvan« í X-factor. Jórunn Gudmunsen Jórunn Gudmundsen úr Vágum er 21 ára gomul og arbeiðir í barna­garði, meðan hon roynir at fáa plátu­sátt­ mála í Danmark. Hon sigur sjálv at hon ger alt – hond­bólt, fótbólt, rennur, dansar, longdar­lop, telvar, spælir klaver og guitar og syngur. Henni dámar eisini væl at vera saman við familjuni. Men tað er hondbólturin og tónleikurin, sum fylla allarmest júst nú. Jórun spælir við á besta kvinnu­ liðnum hjá Søljuni. Hon hevur spælt hondbólt, síðani hon var lítil genta og elskar hondbóltin. Harða venjingin er ein kærkomin steðgur frá tí, sum møguliga tekur allarmest tíð júst nú: Tónleikurin. Hon sigur, at tað byrjaði tá fimm vinkonur meldaðu seg til frálæru í guitari fyri sjey árum síðani. Hinar fýra fullu frá so líðandi, men Jórunn helt á og lærdi at spæla. Seinni keypti hon so eitt ljómborð, og í januar í 2014 skrivaði hon sín allar fyrsta sang. Einaferð skrivar ein tónleikari úr Danmark til Jórunna. Hann sigur henni, at hann fegin vil hjálpa ungum tónleikarum við yrkinum og spyr, um hon ikki hevur hug at koma í studio við honum. Jórunn segði ja-takk, og saman við Simon hevur hon skrivað, innspælt og útgivið sangin »Soldier«. Jórunn ger tað, hon hevur hug til, og hetta er eisini ein av grundunum til, at hon segði ja til at vera við í donsku sendingini »Talent«. Eitt umboð fyri Talent ringdi til Jórunna, og bað hana melda seg til. Hon segði fyrst nei, men umboðið fekk lokkað hana við einum møguligum plátusáttmála. Sendingin koyrir á TV2 í skrivandi stund, og Jórunn hevur ikki loyvi til at úttala seg um, hvussu hevur gingist í kappingini higartil. Tó heldur Jórunn, at hon kundi verið sendingina fyriuttan, tí hon leggur lítið í konseptið, sum vevur alt saman til undirhald, og viðhvørt lítis­ger tónleikin. Til dømis vóru upptøkurnar fleiri ferðir vovnar soleiðis saman, at dentur varð lagdur á at TopGunn, ein av dómarunum, helt Jórunna síggja gott út, og Jórunn heldur, at hon tá varð lýst sum ein óseriøsur tónleikari. – Eg haldi, at eg kundi verið tað fyriuttan, men eg fekk tað burturúr, at eg møtti produsarum, sum eg fari niður aftur til Danmarkar til í januar at taka upp nýggjan tónleik saman við. Talent er ein uppliving og førir nýggj ting við sær, sigur hon. – Meðan tað gongur væl, vil eg fegin vita, hvagar tað leiðir meg. Meðan eg havi møguleika, vil eg fegin gera tað, sum eg havi áhuga fyri og fara mín egna veg, sigur hon. Sigmund Damgaard Trondheim 19 ára gamli Sigmund Damgaard Trond­heim er hálvur føroyingur. Pápi hansara er úr Føroyum og mamman er donsk. Hann vaks upp sunnanfyri Holsterbro og sigur, at hann var ikki sum hinir dreingirnir. Honum dámdi best at vera saman við gentunum og hevði somu áhugamál, sum tær. Tá hann fór í 4. flokk valdu Sigmund og foreldur hansara, at hann skuldi fara á ein privatan dansi­ samrøður Sigmund D. Trondheim